12:59 14.02.2019
ՀՀ ԱԺ «Լուսավոր Հայաստան» խմբակցության անդամ Աննա Կոստանյանը խորհրդարանում նշեց՝ արհամարհական տրամադրություն է նկատում ընդդիմության բարձրացրած խնդիրների նկատմամբ: Նա ընդգծեց՝ իշխանության, կառավարության մշակած ծրագրի ձախողումը ոչ մի կերպ չի կարող լինել ընդդիմության ցնծության առարկա, դա կլինի բոլորի ձախողումը, և ԱԺ դահլիճում որևէ մեկը նման նպատակ չունի:
Կոստանյանն ասաց, որ Կառավարության ծրագիրը, խորհրդարանում դրա մասին հնչեցված հարցերն ու պատասխանները մտահոգության տեղիք տվեցին, և ինքը չունեցավ ճանապարհային քարտեզի պատկեր, որով հասկանար՝ ինչպե՞ս են կյանքի կոչվելու այդ ծրագրի դրույթները: Նա նշեց՝ ծրագիրը տալիս է «ինչ»-ի պատասխանը, սակայն այնտեղ չկան «ինչպես» և «երբ» հարցերի պատասխանները:
Պատգամավորը շեշտեց՝ կան առանցքային հարցեր, որոնք պետք էր ընդգրկել ծրագրում, նաև ասաց, որ ինքը չի տեսել գործիքակազմը, որով իրականացվելու է «տնտեսական հեղափոխություն» ասվածը, բացի այդ, նա նշեց՝ այն օղակները, որոնք ձևակերպել են այս ծրագիրը, ուղղակիորեն չեն տիրապետում, թե ինչպես պետք է իրականացնել տնտեսական հեղափոխություն: Կոստանյանի խոսքով՝ տնտեսական աճի համար խթան հանդիսացող կինոինդուստրիան դուրս է մնացել ծրագրից, ինչը նշանակում է, որ այս ոլորտի ներկայացուցիչները Հայաստանում հաստատ թևաթափ են լինելու: Պատգամավորի խոսքով՝ ունենք հսկայական կինոժառանգություն, որ նախորդ դարից և հատկապես 2000-ականներից մնացել է անտերության մատնված, անտեսված՝ մշակույթի նախարարության անփույթ և ոչ արհեստավարժ վերաբերմունքի շնորհիվ:
Եթե պետբյուջեից 824 մլն դրամ է տրվում կինոարդյունաբերության ոլորտում գործող ՊՈԱԿ-ներին, ապա «Հայֆիլմ» կինոստուդիան, ըստ Կոստանյանի, անգործության, անտերության է մատնված, գտնվում է կազմաքանդ վիճակում, իսկ հայկական կինոն կրկին դուրս է մնում պետության զարգացման հայեցակարգից: Նա առաջարկեց մեկ դեպարտամենտ ստեղծել հայկական կինոգործիչներին միավորելու համար, որ կարողանան զարգացնել կինոբիզնեսը, որ հասկանան, թե ինչ ճանապարհով, երբ և ինչպես կարելի է հայկական կինոյի վերածնունդ իրականացնել:
Սիմոնյանը նշեց, որ Սփյուռքի վստահության գործոնի վերականգնման ուղղությամբ ևս քայլեր են պետք, օրինակ, ստեղծել մեկ միասնական տեղեկատվական հարթակ, որը կմիավորի Սփյուռքի թե՛ մարդկային, թե՛ ֆինանսական ներհոսքը: Նա նաև արձագանքեց «Իմ քայլը» խմբակցության անդամ Էդգար Առաքելյանի՝ ընդդիմությանն ուղղված խոսքին, թե «սգո սերվիս» դեմքով ելույթներ են ունենում:
«Ես լիահույս եմ, որ իրոք այդպես չեք մտածում, որովհետև ընդդիմության հասցեին հնչեցված այս տարատեսակ մեղադրանքները վերջին օրերին չէին կարող անտարբեր թողնել որևէ մեկին, ցանկացած անձ, ընդդիմության ներկայացուցիչ չի կարող ցնծության մեջ գտնվել կառավարության ծրագրի տապալումից, քանի որ այդ տապալումը լինելու է բոլորիս տապալումը»,- ասաց նա:
Պատգամավորը գործընկերներին կոչ արեց քվեարկությունից առաջ վերլուծել բոլոր հարցերի պատասխանները, ծրագրի բովանդակությունը և ոչ թե ձևը:
15:44 06.06.2025
Մոսկվայի Բոլշոյ թատրոնը Երևանում էԵրևանի քաղաքապետարանից հայտնել են, որ Մոսկվայի Բոլշոյ թատրոնը Երևանում է։ Թումանյանի անվան զբոսայգում վերջին փորձերն են: Այսօր և վաղը՝ 20:00-ին, Բոլշոյ թատրոնի արտիստները կներկայանան «Ժիզել» և «Գալա բալետ» ներկայացումներով: Մուտքն ազատ է։ ...
15:38 06.06.2025
Փրկարարները քաղաքացուն պատգարակով իջեցրել են և մոտեցրել շտապօգնության ավտոմեքենայինՀունիսի 6-ին, ժամը 13։02-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղում՝ «Սուրբ Հովհաննես» մատուռի մոտակայքում, քաղաքացին ընկել և վնասել է ոտքը․ վերջինիս իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները քաղաքացուն պատգարակով […] ...
15:32 06.06.2025
Միջազգային ակտիվ ներգրավվածություն աղետների ռիսկերի նվազեցման գործին․ ՆԳ նախարարի տեղակալը մասնակցել է ՄԱԿ-ի «GP2025»-ի աշխատանքներինՆԳ նախարարի տեղակալ Արմեն Ղազարյանի գլխավորած պատվիրակությունը հունիսի 2-6-ը մասնակցել է Շվեյցարիայի Ժնև քաղաքում ընթացող ՄԱԿ-ի «GP2025- Աղետների ռիսկի նվազեցման Գլոբալ Պլատֆորմի» աշխատանքներին: Այս մասին հայտնել են ՆԳՆ-ից: Պատվիրակության կազմում ընդգրկված են եղել ներքին և արտաքին գործերի նախարարությունների ներկայացուցիչներ։ Արմեն Ղազարյանը Գլոբալ պլատֆորմի նախարարական կլոր սեղան-քննարկումների ժամանակ անդրադարձել է աղետների ռիսկի նվազեցման ֆինանսավորման խնդիրներին՝ ընդգծելով […] ...
15:27 06.06.2025
Երևանում բախվել են «ՎԱԶ 2121»-ը և մոտոցիկլը. կա տուժածՀունիսի 6-ին, ավտոմեքենայի և մոտոցիկլի բախում է տեղի ունեցել Երևանում։ Ժամը 02։30–ի սահմաններում Աճառյան–Մ․ Բաբաջանյան փողոցների խաչմերուկների հարևանությամբ բախվել են «ՎԱԶ 2121» մակնիշի ավտոմեքենան և «Հայասա» տեսակի մոտոցիկլը։ Ինչպես հայտնում է shamshyan.com-ը, բախման հետևանքով մոտոցիկլը կողաշրջվել է, մոտոցիկլավարը տեղափոխվել է Սուրբ Գրիգոր Լուսավորիչ բժշկական կենտրոն։ Վթարի մասին ՊԾ Երևան քաղաքի գնդից տեղեկությունը փոխանցել են ՀՀ […] ...
15:20 06.06.2025
Նիկոլ Փաշինյանն և Վալենտինա Մատվիենկոն մտքեր են փոխանակել ՀՀ–ՌԴ օրակարգի մի շարք հարցերի շուրջՎարչապետ Նիկոլ Փաշինյանը hյուրընկալել է պաշտոնական այցով Հայաստանում գտնվող Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոյի գլխավորած պատվիրակությանը։ Ողջունելով պատվիրակության անդամներին՝ վարչապետ Փաշինյանը անդրադարձել է Հայաստանի և Ռուսաստանի հարաբերությունների ընթացիկ վիճակին։ Վալենտինա Մատվիենկոն շնորհակալություն է հայտնել ջերմ ընդունելության համար՝ վերահաստատելով Ռուսաստանի Դաշնության պատրաստակամությունը շարունակելու համագործակցությունը Հայաստանի հետ՝ հիմնված փոխադարձ հարգանքի և բարեկամության վրա։ Հանդիպման […] ...
15:16 06.06.2025
Վրաերթի ենթարկված 57-ամյա կինը հիվանդանոցում մահացել էՄայիսի 19-ին՝ ժամը 23․10-ին, Երևանի Հալաբյան և Արզումանյան փողոցների խաչմերուկում իրար էին բախվել «Օպել» և «ՎԱԶ» մակնիշի մեքենաներ, ինչից հետո «ՎԱԶ»-ի վարորդը վրաերթի էր ենթարկել 57-ամյա կնոջ, որը մարմնական վնասվածքներով տեղափոխվել էր հիվանդանոց: Հունիսի 4-ին 57-ամյա Գայանե Մ.-ն բուժհաստատությունում մահացել է: Կատարվում է նախաքննություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
