12:56 14.03.2019
ՀՀ տնտեսական զարգացման և ներդրումների նախարարի տեղակալ Ավագ Ավանեսյանը մարտի 14-ին ՀՀ կառավարության նիստում ներկայացրեց «Ներդրումային ծրագրի շրջանակներում «ԷՅ ԸՆԴ ԷՄ ՌԵՅՐ» սահմանափակ պատասխանատվությամբ ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով հետաձգելու մասին» նախագիծը: Նա հայտնեց, որ ՍՊԸ-ն փաստացի զբաղվում է շշալցված ջրի արտադրությամբ, գրանցվել է 2010 թ., ներկայում 1,7 մլրդ դրամ արտադրություն ունի:
«Ներմուծվող կապիտալ ապրանքների մեծ մասն օրենքով ազատված է ԱԱՀ-ից, մոտավոր 23 մլն դրամ ԱԱՀ-ի հետաձգում է լինում: Ծրագիրը նպատակահարմար է, շշալցված ջրերի արտահանման տեսակետից բավական թույլ ենք համադրելի երկրների հետ համեմատած. Վրաստանից 9-10 անգամ ենք հետ: ԵԱՏՄ շուկայում 2017թ. 5 մլն ենք արտահանել, Վրաստանը՝ 45 մլն դոլարի: Ծրագրի արդյունքում հնարավոր է տարբերությունը միանգամից կրճատել, մոտավորապես 40 մլն դոլարի շշալցված ջուր արտահանել ԵԱՏՄ տարածք»,- ասաց նա:
Ընկերության կողմից ներմուծվող հումքն օգտագործվելու է քաղցրահամ և հանքային ջրերի շշալցման մեջ (ՀՀ Կոտայքի մարզ): Նախատեսվում է իրականացնել 13 200 000 000 դրամի ներդրում, ստեղծել 141 նոր աշխատատեղ։
ՀՀ ԱԻ նախարար Ֆելիքս Ցոլակյանը հետաքրքրվեց՝ այդ ջուրը կա՞ մեր շուկայում, ի՞նչ ապրանքային անունով է:
«Բայց իսկականից, բա որ ներդրողը ներկայացնում է, մենք չե՞նք ստուգում՝ էդ որ գրել է՝ տակը բան կա՞, թե՞ չէ»,- հետաքրքրվեց ՀՀ վարչապետ Նիկոլ Փաշինյանը:
Ավանեսյանը նշեց, որ ներդրման հնարավորությունը, այն, որ ՀՀ-ն պոտենցիալ ունի ջրի արտահանման, միանշանակ է, ծրագիրը նաև իրատեսական է՝ վերոնշյալ գումարի սարքավորումներ բերելու, ներկայացված կազմի ու աշխատավարձերի պարագայում:
«Այսինքն՝ այս արտոնությունը կաշխատի այն պարագայում, եթե այդքանի սարքավորում բերի: Տրամաբանական չէ, եթե այդքանի սարքավորում է բերում, տանում, պահեստում պահում ու ասում՝ պետությանը խաբեցի: Մենք ոչ մի բան չենք կորցնում»,- ասաց Փաշինյանը:
ՀՀ փոխվարչապետ Մհեր Գրիգորյանը նկատեց՝ պայմանավորվել են, եռամսյակը մեկ պետք է մոնիթորինգ անեն, ուստի պետք է առաջնորդվեն հավատալու սկզբունքով.
«Եթե մի բան այնպես չլինի, կհրապարակվի, պարսավանքի էլ կարժանանա»:
Փաշինյանն էլ արձագանքեց.
«Ռիսկի գործոն չկա, եկեք ոչ միայն հավատանք, այլև հաջողություն մաղթենք»:
Կառավարությունն ընդունեց նաև «Գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար «ԷՖԱՐՎԻ ՄԱՍՐԻԿ» փակ բաժնետիրական ընկերության կողմից ներկայացված հայտը բավարարելու և արտոնությունը կիրառելու մասին» որոշումը: Այս Ընկերության կողմից ներմուծվող ապրանքներն օգտագործվելու են արևային էլեկտրակայանի կառուցման համար (Գեղարքունիքի մարզ, Մեծ Մասրիկ համայնք): Նախատեսվում է իրականացնել 27 837 143 000 դրամի ներդրում:
15:08 16.06.2025
Կանգառը վնասած վարորդին ու բեռնատարը Վեդիի ոստիկանները հայտնաբերել ենՀունիսի 4-ին Համայնքային ոստիկանության Վեդիի բաժին տեղեկություն էր ստացվել, որ հունիսի 3-ի լույս 4-ի գիշերը Տափերական գյուղի Արամ Խաչատրյան և Հ-8 կենտրոնական փողոցների հատման վայրում գտնվող գազալցակայանի հարակից տարածքում տեղադրված կանգառը դեռևս չպարզված վարորդի կողմից ավտոմեքենայով վնասվել է։ Նախնական տվյալներով՝ պատճառվել է 700 հազար դրամից ավելի վնաս։ Նախաձեռնվել էր քրեական վարույթ։ Համայնքային ոստիկանության Վեդիի բաժնի […] ...
14:55 16.06.2025
Նախորդ շաբաթվա ընթացքում տուժել է 123, զոհվել՝ 11 մարդ. Փրկարար ծառայությունն ամփոփում է անցած շաբաթըՀունիսի 9-15-ը ՆԳՆ ՓԾ ճգնաժամային կառավարման ազգային կենտրոնում գրանցվել է 754 դեպք, որից 300-ը՝ արտակարգ: Մասնավորապես՝ հրդեհի՝ 195, պայթյունի, փլուզումի՝ 3-ական, ջրային հաղորդակցման ուղիներին պատահարի, տեղատարափ անձրևի՝ 2-ական, ուժեղ քամու՝ 12, ուժեղ կարկուտի, զինամթերքի հայտնաբերման՝ 4-ական, վայրի կենդանիների հարձակման՝ 9, դիակի հայտնաբերման, որոնողափրկարարական, դժբախտ պատահարի՝ 1-ական, կեղծ ահազանգի՝ 10, թունավորման՝ 5, օձի նկատման՝ 92, ինքնասպանության […] ...
14:46 16.06.2025
Հնդկաստանում կամուրջը փլուզվել է սելֆի անող զբոսաշրջիկների ծանրությունիցՀնդկաստանում ոստիկանությունը շարունակում է որոնողական աշխատանքները Պունե շրջանում՝ Ինդրայանի գետի վրա գտնվող 32 տարվա երկաթե կամրջի փլուզման վայրում, որի հետևանքով 4 մարդ է զոհվել, ևս 18-ը՝ ծանր վիրավորվել։ «Արմենպրես»-ի փոխանցմամբ՝ այս մասին հայտնում է The New Indian Express-ը։ «Չնայած չկա որևէ մեկի անհետ կորելու հավանականություն, սակայն որպես նախազգուշական միջոցառում մենք շարունակում ենք որոնողական աշխատանքները տեղական […] ...
14:38 16.06.2025
Ինչպիսի՞ եղանակ է սպասվում առաջիկա օրերինՀանրապետության տարածքում հունիսի 16-ին և 21-ին կեսօրից հետո, 17-18-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 17-ին կեսօրից հետո հյուսիսային առանձին շրջաններում անձրևները կլինեն հորդառատ։ Հունիսի 19-20-ին սպասվում է առանց տեղումների եղանակ։ Քամին՝ հարավարևմտյան՝ 4-8 մ/վ, ամպրոպի ժամանակ սպասվում է քամու ուժգնացում՝ 20-24 մ/վ արագությամբ։ […] ...
14:29 16.06.2025
Երևանի այգիներից մեկի հարակից շինությունում հայտնաբերվել է տղամարդու մարմինԱյսօր՝ հունիսի 16-ին, առեղծվածային ու ողբերգական դեպք է տեղի ունեցել Երևանում: Ժամը 12:00-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժնում օպերատիվ տեղեկություններ են ստացվել, որ Գայի պողոտա 19/30 հասցեի տարածքում գտնվող այգուն հարակից շինությունում կախված դի կա: Ինչպես հայտնում է shamshyan.com-ը, ոստիկաններն ու պարեկները նշված վայրում պարանով կախված վիճակում […] ...
