21:18 13.04.2019
Եվրոպայի խորհրդի խորհրդարանական վեհաժողովը Ադրբեջանում փողերի լվացման մասին երեկ բանաձև է ընդունել: «Կոռուպցիոն լվացքատուն» վերնագրով զեկույցի հեղինակը հոլանդացի պատգամավոր Մարտ վան դե Վենն է: Փաստաթղթում խոսվում է խոշոր գումարների լվացման, Ադրբեջանի ներկայացուցիչների կողմից եվրոպացի գործիչներին և պատգամավորներին կաշառելու մասին:
«Կոռուպցիոն լվացքատուն» անվանումն ստացած բանաձևի հերոսն իրականում միայն Ադրբեջանը չի: Բանաձևում ներառված են նաև Ռուսաստանի, Մոլդովայի, Մեծ Բրիտանիայի, Էստոնիայի, Բալթյան երկրների, Շվեդիայի, անգամ բանաձևի հեղինակի հայրենի Հոլանդիայի անունները: Ադրբեջանը, սակայն, առանձնացել է ծախսված փողերի առատությամբ:
Փաստաթղթի հեղինակ Մարտ վան դե Վենի համոզմամբ՝ Ադրբեջանում կոռուպցիայի պատճառները անկախ քաղաքացիական հասարակության նկատմամբ բռնաճնշումներն ու լրատվամիջոցների ազատության սահմանափակումներն են, որոնք վերահսկիչ դեր կարող են ունենալ հանցավոր գործարքների դեմ: Ադրբեջանական պատվիրակությունը փորձել է պաշտպանվել՝ կրկին մեջբերելով 1 մլն փախստականի չարչրկված թեման:
Եվրոպայի խորհրդի խորհրդարանական վեհաժողովը 2279 բանաձևով Ադրբեջանին կոչ է արել անկողմնակալ քննություն սկսել ԵԽԽՎ որոշ անդամների՝ կոռուպցիոն գործողություններում ներգրավված լինելու մասին մեղադրանքների առումով, թեև նույն բանաձևում նշվում է, որ Ադրբեջանի նախագահի մերձավորների միջոցով է ծախսվել մոտ 2․9 մլրդ դոլար: Դա հիմնականում նվերի տեսքով փոխանցվել է եվրոպացի պաշտոնյաներին՝ ադրբեջանական մութ գործարքների կամ ագրեսիվ քայլերի վրա աչք փակելու համար: Եվրոպացի պաշտոնյաները աչք են փակել նաև Ադրբեջանում մարդու իրավունքների համատարած խախտումների վրա:
ԵԽԽՎ-ն ադրբեջանական լվացքատան շրջանակում մեղադրանքներ է ներկայացրել նաև եվրոպական մի շարք կազմակերպությունների՝ Ադրբեջանից դուրս եկած փողերը լատվիական, մոլդովական և բրիտանական բանկերի միջոցով օֆշորային գոտիներ տեղափոխելու համար: Բանաձևին աջակցել են նաև ադրբեջանական քաղաքացիական հասարակության ներկայացուցիչներ, Եվրոպայում հաստատված ադրբեջանցի քաղաքական գործիչներ: Բանաձևի հոլանդացի հեղինակը հույս ունի, որ սա ևս մեկ քայլ է՝ Ադրբեջանը եվրախորհրդի ընտանիքից հեռացնելու համար:
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
