15:28 17.04.2019
ԱԺ «Լուսավոր Հայաստան» խմբակցության ղեկավար Էդմոն Մարուքյանը, խորհրդարանում դիմելով ՀՀ ֆինանսների նախարար Ատոմ Ջանջուղազյանին, նշեց, որ իրենք կառավարության կառուցվածքի փոփոխության նախագծի վերաբերյալ կոնկրետ հարցեր են տվել, պատասխան չեն ստացել: Նա հիշեցրեց՝ հարցրել են՝ որքա՞ն մարդ են պատրաստվում կրճատել, ո՞ր ՊՈԱԿ-ները, հիմնադրամներն են կրճատելու, ի՞նչ հետևանքներ կունենա, ի՞նչ ֆինանսական միջոցներ են տնտեսում:
Մարուքյանն ասաց՝ ստացված պատասխանները սպառիչ չեն՝ «կիմանանք», «զգույշ կլինենք» և այլն: Նա ընդգծեց՝ եթե հավելյալ արժեք չստեղծող հանրային ծառայողները դառնան գործազուրկ, դրանից տուժելու է պետականությունը: Պատգամավորը Ջանջուղազյանին հիշեցրեց՝ նա կառավարությունում աշխատում էր նաև նախկին իշխանության օրոք, ապա հարց ուղղեց.
«Բա էն ժամանակ ինչի՞ չէիք ասում, կամ՝ ի՞նչ է նշանակում՝ հավելյալ արժեք չեն ստեղծում, ո՞վ է ասել, որ Դուք՝ որպես նախարար, հավելյալ արժեք եք ստեղծում: Ո՞վ է ասել, որ նախարարին նման բան չի կարելի ասել»:
Ջանջուղազյանն արձագանքեց.
«Միշտ կարելի է ասել նախարարին, ավելին՝ պետք է ասել, որ որևէ նախարար հանկարծ զգոնությունը կորցնի: Ինչ վերաբերում է ձևակերպմանը՝ այո՛, այս համեմատությունը բերված է, որ պարզ դառնա՝ այն, ինչ արվում է, նպատակը մեկն է՝ բարձրացնել կառավարման համակարգի արդյունավետությունը»:
Նախարարը նշեց, որ չի կարծում, թե իր նախկին գործունեությանն անդրադառնալու նպատակին կարելի է ԱԺ ամբիոնը ծառայեցնել, բայց նշեց՝ կարող եք ուսումնասիրել ու գնահատել:
Մարուքյանը հետաքրքրվեց՝ ովքե՞ր են հավելյալ արժեք չստեղծողները:
«Գուցե իմանան, կարող է սկսեն ստեղծել»,- ասաց նա:
«Եթե անվանական նկատի ունեք, չեմ կարող ասել. նրանք են, ովքեր ոչ թե մեծ հաշվով անում են բան, որ արդյունք չի տալիս, այլ անում են, ըստ էության, ոչինչ, գեներացնում են արդյունք, որը ոչ մի տեղ չի օգտագործվում»,- պատասխանեց Ջանջուղազյանը:
18:36 30.04.2025
Կհամաֆինանսավորվի 27 սուբվենցիոն ծրագիր. գործադիրի որոշումներըԿառավարությունը 3 լավարկում է առաջարկում ընդհանուր հայտարարագրման գործընթացում սոցծախսերի փոխհատուցման մասով, կհամաֆինանսավորվի սուբվենցիոն ևս 27 ծրագիր, Հայաստանը կունենա նոր դեսպանատուն Օմանի Սուլթանությունում, առաջիկայում նաև՝ Հունգարիայում: Որոշումները կայացվել են Կառավարության այսօրվա նիստում: Մանրամասները՝ ռեպորտաժում: ...
18:27 30.04.2025
Ընտրական մարմինների ասոցիացիայի 2026-ի գործադիր խորհրդի նիստը կհրավիրվի ՀայաստանումԱպրիլի 25-ից 27-ը ՀՀ Կենտրոնական ընտրական հանձնաժողովի նախագահ Վահագն Հովակիմյանի գլխավորած պատվիրակությունը Մանիլայում (Ֆիլիպիններ) մասնակցել է Ընտրական մարմինների համաշխարհային ասոցիացիայի քարտուղարության (A-WEB) 13-րդ գործադիր խորհրդի նիստին: Պատվիրակության կազմում են ընդգրկված եղել ԿԸՀ անդամ Աննա Գրիգորյանը և ԿԸՀ ֆինանսատնտեսական վարչության գլխավոր մասնագետ Մերինե Սուքիասյանը։ Նիստի ընթացքում քննարկվել են օրակարգային հարցեր, այդ թվում՝ գործադիր խորհրդի նիստի անցկացման […] ...
18:17 30.04.2025
Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ«Բարսելոնայի» հարձակվող Լամին Յամալը կարծում է, որ Լիոնել Մեսսիի հետ համեմատությունը դրական է ազդում իր վրա։ «Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ։ Ինձ մոտիվացիա է տալիս, երբ տեսնում եմ, որ մարդիկ համեմատում են ինձ նրա հետ։ Որքան շատ է լինում ճնշումն ինձ վրա, ես ավելի լավ եմ հանդես գալիս։ […] ...
18:08 30.04.2025
Իսրայելի պաշտպանության բանակը հարձակվել է Դամասկոսի արվարձանում գտնվող հասարակական անվտանգության ուժերի վրաՍիրիայի ընդհանուր անվտանգության ուժերը իսրայելական ավիահարվածների են ենթարկվել Դամասկոսի հարավային արվարձանում գտնվող Սահնայա բնակավայրում, հայտնում է Syria TV -ն՝ հղում անելով Սիրիայի ՆԳՆ-ին։ «Իսրայելական ռազմաօդային ուժերի անօդաչու թռչող սարքը հարվածել է Սահնայայի մատույցներում ընդհանուր անվտանգության ուժերի հավաքակայանին», – հաղորդում է հեռուստաալիքը։ Ներքին գործերի նախարարության տվյալներով՝ հարձակման հետևանքով զոհվել է անվտանգության մեկ աշխատակից, մի քանիսը վիրավորվել […] ...
17:54 30.04.2025
Գևորգ Պապոյանն ընդունել է Հայ-ֆրանսիական առևտրաարդյունաբերական պալատի նախագահի գլխավորած պատվիրակությանըՀՀ էկոնոմիկայի նախարար Գևորգ Պապոյանն ապրիլի 30-ին ընդունել է Հայ-ֆրանսիական առևտրաարդյունաբերական պալատի (CCIFA) նախագահ Արմեն Մնացականյանի գլխավորած պատվիրակությանը։ Հանդիպմանը մասնակցել են նաև նախարարի տեղակալներ Էդգար Զաքարյանն ու Նարեկ Հովակիմյանը։ Հանդիպման ընթացքում նախարարին են ներկայացվել պալատի կատարած աշխատանքները, ինչպես նաև առաջիկա ծրագրերը։ Քննարկվել են ՀՀ էկոնոմիկայի նախարարության հետ համագործակցության հնարավոր ուղղությունները։ Կողմերը կարևորել են ֆրանսիացի գործարարներին […] ...
