19:14 07.05.2019
ԱԺ «Լուսավոր Հայաստան» խմբակցության ղեկավար Էդմոն Մարուքյանը խորհրդարանի հայտարարությունների ժամին անդրադարձավ երեկ երեկոյան Երևանի ավագանու հանձնաժողովներից մեկի ժամանակ տեղի ունեցած միջադեպին:
«Երեկ Երևանի քաղաքապետարանում հետաքրքիր դեպք է տեղի ունեցել, երբ «Լույս» խմբակցության ներկայացուցիչներն անընդհատ քննադատում էին, որ Երևանի քաղաքապետը նախագիծ ունի, որով իր աշխատավարձն է կրկնապատկում, քաղաքապետարանի աշխատակիցների թիվն է ուռճացնում. ֆինանսաբյուջետային հանձնաժողովի նիստը պետք է լիներ ժամը 8-ին, մարդկանց սպասեցնում են մոտ 40 րոպե, այդպես էլ նիստը չեն գումարում, ասում են՝ բոյկոտե՞լ եք, ասում են՝ հա, լավ ենք արել, ճիշտ ենք արել, շարունակությունը կտեսնեք և այլն»,- ասաց նա:
Մարուքյանը հիշեցրեց՝ Երևանը Հայաստանում միշտ քննադատվել է իր կառավարման առումով՝ որպես «պետություն պետության մեջ», և ապակենտրոնացման լոբբինգ է եղել, ասաց՝ դա չի արվում նաև այսօր իշխող կուսակցության կողմից:
«Էդ բոլոր խնդիրները լուծվել են, հիմա Երևանի քաղաքապետի աշխատավարձը պետք է կրկնապատկե՞նք»,- հարց ուղղեց նա:
Պատգամավորը տեղեկացրեց, որ Հայաստանի մյուս քաղաքներում՝ Վանաձոր, Գյումրի, մանկապարտեզները վճարովի են, ապա նշեց՝ Հայաստանում ֆինանսական միջոցներն անարդարացի են բաշխվում, կարելի է այդ գումարով այնպես անել, որ մյուս մարզերում մանկապարտեզները լինեն անվճար: Ըստ Մարուքյանի՝ այդ գումարները օգտագործվում են քաղաքապետարանի բյուջեն ուռճացնելու, ծախսը մեծացնելու համար:
«Հիմա կարող է հարց բարձրանա՝ բա տեղական մարմին է, ի՞նչ եք ուզում. պետությունը համահարթեցման բեռ ունի, համահարթեցրե´ք: Երևանի ավագանիում նստած մարդիկ, այդ թվում՝ Հայկ Մարությանը, մտածում են՝ ուժեղ լեգիտիմ ժողովրդական աջակցություն ունեն ու կարող են այդ տոնով խոսել շատ փոքրաթիվ խմբակցության հետ: Ես ձեզ հիշեցնում եմ՝ դուք չեք ընտրվել որպես Երևանի իշխանություն, ձեզ չեն ընտրել որպես Երևանի քաղաքապետ և ավագանի: ՀՀ վարչապետը կոչ է արել ձայն տալ «Իմ քայլը» դաշինքին՝ պառլամենտը ցրելու համար, ժողովուրդը ձայն է տվել: Որպես այդպիսին՝ Երևանի քաղաքապետի դասական ընտրություն չի եղել, հետևաբար ձեզ մի քիչ հաշվետու, պատասխանատու պահեք, մի բան իմացեք՝ այն ձայները, որ ստացել եք, Նիկոլ Փաշինյանի հայտարարության ձայներն են, և այսօր քաղաքում ինչ պրոբլեմ կա, դրա պատասխանատուն Նիկոլ Փաշինյանն է»,- նշեց Մարուքյանը:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
