13:32 10.05.2019
Երևանում վերելակային ամբողջ ֆոնդը փոխարինելու ծրագիրը գրվում է, և երբ այն պատրաստ լինի, կներկայացվի կառավարության հաստատմանը: Այս մասին այսօր՝ մայիսի 10–ին, լրագրողների հետ զրույցում ասաց Երևանի քաղաքապետ Հայկ Մարությանը:
«Ծրագիրը գրում ենք, որ բոլոր վերելակներն ամբողջությամբ, մեծ ծրագրով փոխարինվեն, բայց մեզ հետ պետք է լինեն նաև բնակիչները: Ծրագիրն առաջնահերթ կներկայացնենք կառավարությանը, որովհետև քաղաքային իշխանությունները միայնակ ի զորու չեն այս հարցը լուծել, քանի որ տասնյակ միլիոնավոր դոլարների ներդրում է պահանջում»,- ասաց քաղաքապետը` ընդգծելով, որ իրենց խնդիրը վերելակները փոխելն է, բայց բնակիչներն էլ պետք է պատշաճ կերպով վճարեն վերելակների գումարները և հետևեն:
Այն դիտարկմանը, որ կան դժգոհություններ, որ վերելակների հարցը լուծելու փոխարեն քաղաքապետարանի աշխատակիցների աշխատավարձերն են բարձրացնում, քաղաքապետը վստահեցրեց, որ որևէ լումա ավելի չի ծախսվում աշխատավարձերի բարձրացման համար, քան այն, ինչ պլանավորված է բյուջեով:
«Միշտ եղել է պահանջ, որ պետական բոլոր աշխատողների աշխատավարձերը բարձրանան: Եթե մենք ենթադրում ենք և համոզված ենք, որ մարդիկ ապրելու են միայն աշխատավարձով և կողքից գումար չեն վերցնելու, ապա սա անհրաժեշտություն է, եթե ասում ենք՝ ո՛չ, ուրեմն մտքի ծայրով մտածում ենք, որ կողքից ուրիշ գումարներ են աշխատելու»,- նկատեց քաղաքապետը:
Ինչ վերաբերում է գետնանցումների անմխիթար վիճակին, ապա քաղաքապետն իր դժգոհությունը հայտնեց բնակիչների սխալ մոտեցման հետ կապված:
«Առաջին օրերը, երբ ես եկա և սկսեցի աշխատել, իմ առաջին հանձնարարականներից էր, որ Երևանի բոլոր անցումները մենք լուսավորենք: Բոլոր անցումները, ինքս ստուգել եմ, լուսավորել էինք, և մի քանի շաբաթ անց լույսերը կամ ջարդել, կամ գողացել էին»,- նշեց Հայկ Մարությանը` միաժամանակ ընդգծելով, որ քաղաքապետարանն ու ոստիկանությունն ի զորու չեն բոլոր գետնանցումներում հերթապահություն իրականացնել և հետևել, որ բնակիչները չկոտրեն կամ չգողանան այդ լույսերը։
08:38 01.08.2025
Ստեփանծմինդա-Լարս ավտոճանապարհը փակ էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
08:20 01.08.2025
ԱՄՆ-ի նոր մաքսատուրքերը ուժի մեջ կմտնեն օգոստոսի 7-ինԱՄՆ նախագահ Դոնալդ Թրամփի կողմից ստորագրված նոր սակագնային պլանը ուժի մեջ կմտնի ոչ թե ուրբաթ, այլ մեկ շաբաթ անց, հաղորդում է CNN-ը։ Թրամփը հինգշաբթի երեկոյան ստորագրեց հրամանագիր, որով ավելի քան 60 երկրներից Միացյալ Նահանգներ ներմուծվող ապրանքների վրա սահմանվում են 15%-41% մաքսատուրքեր: Ակնկալվում էր, որ միջոցառումները ուժի մեջ կմտնեն ուրբաթ՝ օգոստոսի 1-ին: «Փոխարենը, տուրքերը կներդրվեն օգոստոսի […] ...
08:12 01.08.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:06 01.08.2025
Բջնի գյուղում այրվել է ավտոմեքենաՕգոստոսի 1-ին, ժամը 00։43-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բջնի գյուղի 2-րդ փողոցում՝ գործարանի մոտակայքում, այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է 2-րդ փողոցի 5-րդ փակուղու տներից մեկի բակում՝ «Hyundai» մակնիշի ավտոմեքենայում։ Հրդեհը […] ...
08:00 01.08.2025
Դատելով արժանիքներից՝ Արմանն է իսկական տղամարդ․ UFC-ի նախկին չեմպիոնը քննադատել է ՏոպուրիայինUFC-ի Փառքի սրահի անդամ, միջին քաշային կարգի նախկին չեմպիոն, բրիտանացի Մայքլ Բիսպինգը քննադատել է Իլյա Տոպուրիային։ Այս մասին հայտնում է AgFight-ը: Ավելի վաղ Տոպուրիան ասել էր, թե ավելի լավ է հրաժարվի չեմպիոնական գոտուց, քան մենամարտի հնարավորություն տա քաշային կարգի երկրորդ համար Արման Ծառուկյանին: «Արման Ծառուկյանն իսկական սպառնալիք է թեթև քաշային կարգում յուրաքանչյուրի համար։ Նա ունի […] ...
23:59 31.07.2025
Քանաքեռ-Զեյթուն վարչական շրջանի տարբեր հասցեներում բարեկարգվում են մայթերը, բակերն ու խաղահրապարակներըԵրևանը պետք է լինի մարդկանց համար հարմարավետ և հասանելի քաղաք: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Քանաքեռ-Զեյթուն վարչական շրջանի տարբեր հասցեներում շինարարական աշխատանքներ են. բարեկարգվում են մայթերը, բակերն ու խաղահրապարակները՝ ստեղծելով անվտանգ ու խնամված տարածքներ բոլորի համար»,- գրել է նա: Մանրամասները՝ տեսանյութում: ...
