20:00 30.05.2019
Ամերիկյան նոր պատժամիջոցների կիրարկումից հետո Հայաստան-Իրան տնտեսական հարաբերությունների համար ամենավտանգվող ոլորտը բանկայինն է։ Իրանագետ Վարդան Ոսկանյանը հիշեցնում է, որ իրանագետների համայնքն այս մասին ահազանգել է դեռ մինչև այդ պատժամիջոցների գործարկվելը։ Հիմա այդ պատժամիջոցներն արդեն գործում են։
«Իրականության մեջ մենք գործ ունենք ակնհայտ ճնշման հետ Հայաստանի վրա։ Միացյալ Նահանգները ճնշում է բանեցնում, որպեսզի Իրանի հետ բանկային գործարքները և տնտեսության այլ ոլորտներում տեղի ունեցող համագործակցությունը հնարավորին սահմանափակի։ Նման ճնշում կա նույնիսկ Եվրամիության երկրների վրա»,- պնդում է իրանագետը։
Նրա խոսքերով, սակայն, հայկական կողմը չպետք է տրվի այդ ճնշումներին, քանի որ դա ռիսկային վիճակ է ստեղծելու Հայաստանի համար։ Իրանագետի խոսքերով՝ ֆինանսական համակարգն է սպասարկում առևտրի, տնտեսության բոլոր բաղադրիչները, հետևաբար, Հայաստանի նկատմամբ այս սահմանափակումները սպառնում են նաև տնտեսության մյուս ճյուղերին։
Ոսկանյանի խոսքերով՝ այլ ոլորտների վրա կլինի նաև անմիջական ազդեցություն։ Դրանից խուսափելու համար աշխատանքը պետք է տանել ինչպես Իրանի, այնպես էլ Միացյալ Նահանգների հետ, քանի որ Իրանի հետ Հայաստանի կենսական հարաբերությունները վտանգվում են ԱՄՆ քայլերի պատճառով։
«[Իրանի հետ] հարաբերությունները մեզ համար ունեն ոչ միայն տնտեսական բաղադրիչ, այլ նաև բխում են մեր պետության անվտանգային շահերից և ծառայում են այդ շահերի կենսական հատվածի սպասարկմանը։ Հաշվի առնելով թուրք-ադրբեջանական շրջափակումը, հաշվի առնելով ադրբեջանական կողմից պարբերաբար հնչող սպառնալիքները պատերազմի վերսկսման մասին՝ մենք պետք է այդ ոլորտին չափազանց մեծ ուշադրություն դարձնենք, ուշադրություն, որի պակասը այսօր ակնհայտորեն զգացվում է»,- ասաց Ոսկանյանը։
Հայ-իրանական առևտուրը մեծ չէ Իրանի ընդհանուր արտաքին առևտրի մեջ։ Բայց այն մեծ տեղ է գրավում Հայաստանի արտաքին առևտրում։ Եվ այստեղ կարևոր է նաև այն, որ Հայաստանն ավելի շատ ներկրում է, հետևաբար՝ Հայաստանին Իրանից եկող ապրանքներն ավելի շատ են պետք։ Վերջին տարիներին հայ-իրանական առևտուրը աճել է՝ և՛ արտահանումների, և՛ ներկրումների մասով։
Ոսկանյանի խոսքերով՝ իրանցի փորձագետների հետ մասնավոր զրույցների ընթացքում մի լուծում են տեսնում, որը կարող են հայ ֆինանսիստները կատարելագործել ու կիրարկել կամ առաջարկել այլ լուծումներ։
«Համենայնդեպս, իրանցիները ամենևին դեմ չեն, որ ստեղծվի հայ-իրանական համատեղ բանկ ազատ տնտեսական գոտիներից որևէ մեկում։ Դա կարող է լինել նաև Իրանի տարածքում՝ Ջուլֆայի ազատ տնտեսական գոտում, որը անմիջականորեն սահմանակցում է Հայաստանի սահմանին։ Կարող է լինել Մեղրիի ազատ տնտեսական գոտին»,- նշեց իրանագետը։
Խոսքը Արաքսի երկու ափերին գտնվող զույգ տնտեսական գոտիների մասին է, որոնցից մեկը հայկական է, երկրորդը՝ իրանական։ Մյուս տարբերակը, ըստ իրանագետի, դոլարային հաշվարկների փոխարեն հայկական դրամով կամ այլ արժույթով հաշվարկների անցնելու տարբերակն է միջպետական առևտրում։ Ցանկացած պարագայում, պնդում է Ոսկանյանը, հայ-իրանական հարաբերությունները չպետք է սահմանափակվեն։
17:17 30.04.2025
Սպարտակիադա` 7-12-րդ դասարանների աշակերտների մասնակցությամբՍպարտակիադայի ծրագրով կայացել են ՀՀ մարզերի և Երևանի հանրակրթական դպրոցների 7-12-րդ դասարանների աշակերտների միջև սեղանի թենիսի, աթլետիկական հնգամատի և շախմատի հանրապետական՝ եզրափակիչ փուլի մրցումները: Սեղանի թենիսի եզրափակիչ մրցումներն անցկացվել են «Դինամո» մարզահամալիրում: Թիմային հաշվարկով 1-ին տեղը գրավել է Երևան քաղաքի թիմը, 2-րդ տեղը զբաղեցրել է Լոռու, իսկ երրորդ տեղը՝ Շիրակի մարզի թիմը: Աթլետիկական հնգամարտի հանրապետական […] ...
17:10 30.04.2025
Պետությանը պատճառվել է 330 միլիոն դրամի վնաս․ ՔՈԳՎ հերթական բացահայտումըՔրեական ոստիկանության կազմակերպված հանցավորության դեմ պայքարի վարչության ծառայողները ստացել էին օպերատիվ տեղեկություն, որ սահմանափակ պատասխանատվությամբ մի ընկեության 38-ամյա տնօրենը, Արմավիրի մարզի Նոր Արտագերս գյուղում գտնվող` իրեն և ազգականին պատկանող ընդհանուր 3,1 հեկտար հողամասերում, 2024 թվականի հունվարից մինչ օրս, ձկնաբուծարան կառուցելու պատրվակով, առանց հատուկ թույլտվության կազմակերպել է ապօրինի արդյունահանում: Պարզվել է, որ այս ընթացքում արդյունահանած շուրջ […] ...
17:00 30.04.2025
Օպերատիվ իրավիճակը հանրապետությունում ապրիլի 29-30-ըԲացահայտվել է 85 հանցագործություն, որոնցից 1-ը՝ նախկինում կատարված: Մասնավորապես՝ 20 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 9 դեպք՝ թմրանյութի հայտնաբերման, 7-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության, անձնական ունեցվածքի գողության և գույքը ոչնչացնելու կամ […] ...
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
