19:47 18.06.2019
Խարկովաբնակ հայ ուսանող Արթուր Մարտիրոսյանի՝ լուսամուտից նետվելու դեպքով իրավապահները մի քանի օր է՝ զբաղվում են: SHANTNEWS.am-ի հետ զրույցում Ուկրաինայի հայերի միության գործադիր տնօրեն Հովակիմ Հարությունյանը նշեց.
«Իրավապահները վստահեցնում են՝ արդյունքը կլինի ճիշտ և արդարացի, նրանք հարցը կլուծեն, մենք կստանանք պատասխաններ»։
Հարությունյանը շեշտեց՝ պետք չէ հապճեպ եզրակացություններ անել, պատմեց՝ Արթուրը նախապես ասում էր, որ ազգությամբ ադրբեջանցի այդ տղաները սկսել են իրեն հարվածել, այդ պատճառով է ընկել լուսամուտից:
«Վատ է, որ այդ մասին անմիջապես չեն հաղորդել մեզ. մեր ընկերն այդ հիվանդանոցում էր, նա իմացել է այդ մասին և մեզ տեղեկացրել: Ես ուղղակի ուզում եմ խնդրել՝ շատ լրատվամիջոցներ փորձում են սրացնել կատարվածը՝ վերնագրելով «ադրբեջանցիների խումբը պատուհանից գցել է հայ տղայի», ինչը սխալ է, առայժմ ավելի լավ է խուսափել այդ սուր վերնագրերից, սպասել իր՝ Արթուրի և իրավապահների ներկայացրած տարբերակին»,- ասաց նա:
Ուկրաինայի հայերի միության գործադիր տնօրենը մեջբերեց Արթուրի պատմածից՝ կասկածել է, որ ինչ-որ բան են ուզում «գցել» իր սենյակ, ու քանի որ սկսել են տարօրինակ պահվածք դրսևորել, ինքը սկսել է կասկածել, ամեն ինչ այդ պատճառով է եղել: Հարությունյանն ասաց՝ Արթուրը սպորտսմեն է, սամբոյի Ուկրաինայի բազմակի չեմպիոն, այսինքն՝ հաստատ թմրամոլ չէ:
«Նա երեք շաբաթից պետք է Եվրոպայում մրցումների մասնակցեր, ուստի ասել, որ թմրանյութ կարող էր օգտագործել՝ սուտ է, դա անհնար է: Ցավոք, նրա արյան մեջ ինչ-որ բան են գտել, նա անմիջապես եկել է, անալիզներ հանձնել, բայց պատմել է, որ, հնարավոր է, ինչ-որ բան են լցրել բաժակի մեջ, խմել է: Նա եկել է իր սենյակ, վատ զգացել, հետո այդ տղաներն եկել են իր սենյակ»,- պատմեց նա:
Հարությունյանն ասաց՝ Արթուրը խոսում է, ամեն ինչ կարգին է, հիմա բուժզննություն է անցնում, իրեն դեռ ամսի 13-ին ասել են՝ ամեն ինչ, ինչ պետք է անել, կանեն, եթե բուժման ուղարկելու կարիք լինի, կանեն: Միության անդամները կապի մեջ են Արթուրի հետ: Հարությունյանն ասաց՝ նա կոտրված չէ, առողջական վիճակում դրական միտում կա, արդեն կենաց-մահու հարց չէ, Արթուրին տանջող գլխավոր հարցն է՝ արդյոք կկարողանա՞ շարունակել սպորտով զբաղվել, քանի որ շատ ամբիցիոզ է:
Հարցին՝ արդյո՞ք Արթուրի հետ կոնֆլիկտի մեջ մտած ադրբեջանցի տղաներին ոստիկանությունը հայտնաբերել է, Հարությունյանը պատասխանեց, որ նրանց մասին ամբողջ տեղեկությունը կա, նրանց անձնական էջերը կան, դրանցով զբաղվում են իրավապահները, սակայն դեռ որևէ տեղեկություն չեն տալիս, և ամեն ինչ այդպես էլ պիտի լինի, հակառակ դեպքում արդյունք չեն ստանա:
21:56 09.06.2025
Հայաստանի թենիսի հավաքականը կմասնակցի Դեյվիսի գավաթինՀայաստանի թենիսի հավաքականն արդեն ժամանել է Հյուսիսային Մակեդոնիայի մայրաքաղաք Սկոպյե, որտեղ մասնակցելու է Դեյվիսի գավաթի խաղարկությանը։ Երրորդ ենթախմբում Հայաստանի հավաքականի մրցակիցներն են Հյուսիսային Մակեդոնիայի, Լատվիայի, Մոլդովայի, Չեռնոգորիայի ու Մալթայի հավաքականները։ Այս մասին հայտնել են Հայաստանի թենիսի ֆեդերացիայից: Մարզիչ Վահե Ավետիսյանի գլխավորությամբ Դեյվիսի գավաթին կմասնակցեն Միքայել Ավետիսյանը, Միքայել Ավանեսյանը, Հենրիկ Նիկողոսյանը, Սամվել Աղայանն ու Ավետիք Ղազարյանը։ […] ...
21:49 09.06.2025
Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ օգնության են հասել փրկարարներըՀունիսի 9-ին, ժամը 14:45-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները քաղաքացուն պատգարակով մոտ 300 մետր իջեցրել են և մոտեցրել անձնական […] ...
21:44 09.06.2025
Մետրոյի «Աջափնյակ» կայարանի կառուցման ծրագրի իրականացումն անցնում է հաջորդ փուլԵրևանի մետրոպոլիտենի 11-րդ՝ «Աջափնյակ» կայարանի նախագծային փաթեթն արդեն իսկ ստացել է պետական համալիր փորձաքննության դրական եզրակացությունը: Սա նշանակում է, որ կայարանի կառուցման մասով արդեն մեկնարկում են հաջորդ փուլի գործընթացները, մասնավորապես՝ ամբողջական ֆինանսավորման հաստատումը ՀՀ կառավարության կողմից, ազդեցության ենթակա տարածքում օտարման և տարաբնակեցման աշխատանքները, շինարարության մրցույթի նախապատրաստումը: Այս մասին հայտնել են Երևանի քաղաքապետարանից: Նախագծի ընթացքը և […] ...
21:40 09.06.2025
Ըմբիշներ Մարտին Մանջիկյանը և Ջանես Նազարյանը դուրս են եկել Սկոպիեում ընթացող ԵԱ եզրափակիչՀունահռոմեական ոճի ըմբիշներ 48 կգ Մարտին Մանջիկյանը և 65 կգ Ջանես Նազարյանը դուրս են եկել Սկոպյեում ընթացող Եվրոպայի առաջնության եզրափակիչ։ Այս մասին հայտնել են Հայաստանի ըմբշամարտի ֆեդերացիայից։ Մանջիկյանը կիսաեզրափակչում 6:6 հաշվով հաղթել է ադրբեջանցի ըմբիշին, իսկ Նազարյանը 10:4 հաշվով շվեդ մրցակցին։ Մինչև եզրափակիչ Մանջիկյանը առավելության է հասել նաև հույն մրցակցի նկատմամբ, իսկ Նազարյանը ուժեղ է […] ...
21:33 09.06.2025
Իրազեկման ծավալուն միջոցառումներ՝ հակահրդեհային կանոնների պահպանման նպատակովՀրդեհների կանխարգելման և հնարավոր աղետներից խուսափելու կարևոր միջոցներից է արդյունավետ իրազեկումը։ Ջերմաստիճանի բարձրացմանը զուգընթաց ՆԳ նախարարության հանրային հաղորդակցության և իրազեկման վարչությունն ու Փրկարար ծառայությունը շարունակում են իրականացնել անտառային և բուսածածկ տարածքներում հակահրդեհային կանոնների պահպանման վերաբերյալ հանրային իրազեկման միջոցառումներ, որոնցում մինչ հունիսի 3-ը ներգրավված է եղել 528 փրկարարական ծառայող: Հանրային իրազեկման միջոցառումները նպատակ ունեն կանխարգելել հրդեհների […] ...
