17:41 02.07.2019
Տեղեկատվական անվտանգության մասնագետ Սամվել Մարտիրոսյանը ֆեյսբուքյան իր էջում ցուցակ էր հրապարակել, որտեղ ներկայացված են հուլիսի 1-ին՝ ժամը 23:00-ի սահմաններում, ադրբեջանական հաքերային խմբերից մեկի կողմից իրականացված հարձակման հետևանքով կոտրված մեյլերի հասցեները:
SHANTNEWS.am-ը զրուցել է ցուցակը հրապարակած SamiSecurity-ի համակարգող, ծրագրավորող, համացանցային անվտանգության մասնագետ Սամվել Հայրապետյանի հետ: Ըստ նրա՝ հարձակումը, ըստ ամենայնի, իրագործվել է AntiArmenia հաքերային խմբավորման սաների կողմից: Մասնագետի խոսքերով՝ սրանք 14-16 տարեկան երիտասարդներ են, ովքեր փորձ են ձեռք բերում ժամանակ առ ժամանակ նման հարձակումներ գործելով:
«Սա Ադրբեջանի ամենամեծ խմբավորումն է համարվում, որը որոշակի տարիքային չափանիշներով խմբեր է ձևավորում, որոնք, բնականաբար, հարձակվում են Հայաստանի վրա: Այս անգամ հարձակվողները haqer_33 խմբավորումն է եղել: Այստեղ հիմնականում 15-18 տարեկան երեխաներ են: Գիշերը ժամը 11-ի կողմերն են սկսել: Ինձ առավոտյան ուղարկել են կոտրված բոլոր մեյլերը՝ գաղտնաբառերով: Կոտրողները եղել են 2 հոգի»,- մանրամասնել է Սամվել Հայրապետյանը։
Սամվել Հայրապետյանին ուղարկված մոտ 400 հասցեների մեջ կան gmail, mail.ru, rumbler, կոտրվել է նաև TUMO ստեղծարար տեխնոլոգիաների կենտրոնի երկու մեյլ, որից մեկը, ի թիվս մի շարք այլ հասցեների, ավելի ուշ, մասնագետը վերականգնել է:
Մասնագետի խոսքերով՝ ադրբեջանական հաքերային խոշոր կազմակերպությունները հարձակման հստակ օրեր ունեն. դրանցից են, օրինակ՝ մայիսյան հաղթանակների շրջանը, իրենց բանակի օրը ու նման այլ օրեր:
Ի տարբերություն դրանց՝ նման փոքր խմբերի հարձակումները ամսվա ընթացքում հաճախակի են տեղի ունենում:
Միևնույն ժամանակ, այս հարձակումները հստակ թիրախավորում չունեն: Մասնագետը հայտնում է, որ դրանք իրականացվում են հենց այդ էջերի հասցեատերերի մասնակցությամբ, երբ իրենք իսկ փոխանցում են իրենց հասցեներն ու գաղտնաբառերը:
Սա, իր բնորոշմամբ, տեղի է ունենում միայն ոչ տեղեկացված օգտատերերի հետ:
«Մարդկանց չեն ընտրում, ուղղակի «ֆիշինգ» են անում: Ով ֆիշինգին ենթարկվեց՝ ենթարկվեց, ով չէ՝ չէ: Կոնկրետ նայում են, ինչ-որ մեկի էջը կոտրում են, օրինակ, հետո այդ նույն աղջկա էջից հայերենով գրում են մեկ ուրիշի՝ ենթադրենք «Մարինե ջան, խնդրում եմ այնինչ նկարը մեծացնել ու հավանել»: Նրանք էլ մեծացնում են, մեյլի լոգինն ու գաղտնաբառը գրում են ու հայտնվում հաքերների այս ցուցակներում»,- ասել է նա:
Սամվել Հայրապետյանի խոսքերով՝ այս դեպքում արդեն գաղտնաբառի բարդությունը կորցնում է իր նշանակությունը:
Ըստ համացանցային անվտանգության մասնագետի՝ այսպես կոչված «ֆիշինգի» դեմ պայքարելու միակ ճանապարհը երկփուլային անվտանգության համակարգի ներդրումն է: Այս դեպքում անգամ փոխանցված գաղտնաբառով մեյլ մուտք գործելը հնարավոր չի լինում:
«Դրա համար պետք է նախ երկփուլային կոդն իմանալ, որը գալիս է օգտատիրոջ հեռախոսահամարին: Իսկ եթե, օրինակ, դրսում եք գտնվում, ճամփորդության մեջ եք, կամ հեռախոսը կորցրել եք՝ կարող եք ռեզերվ կոդ գրել ու մուտք գործել: Այդ կոդերը պետք է պահել ինչ-որ մի տեղում, որը միշտ ձեզ մոտ կլինի»,- ասել է նա:
Մասնագետը հայտնում է, որ ցանկացած սոցիալական ու էլեկտրոնային հասցե տրամադրող ընկերություն ունի այս համակարգը:
Բացի դրանից՝ համացանցային անվտանգության նման համակարգերի ներդրման մանրամասներ կարելի է գտնել նաև համացանցում:
17:30 16.06.2025
Որպես անհետ կորած որոնվող 13-ամյա պատանին հայտնաբերվել էՀունիսի 13-ին՝ ժամը 16:43-ին, ոստիկանություն զանգած կինը հայտնել էր, որ ժամը 14․00-ի սահմաններում 13-ամյա տղան դուրս է եկել Վանաձորի ավտոկայանից, և նրա գտնվելու վայրի մասին տեղեկություն չունի։ Տարոնի և Բազումի բաժինների համայնքային ոստիկանների, Լոռու մարզի գումարտակի պարեկների համատեղ ձեռնարկած միջոցառումների արդյունքում՝ ժամը 17:20-ին, Վանաձոր քաղաքի Համբարձումյան փողոցի վերջնամասում 13-ամյա պատանին հայտնաբերվել ու ներկայացվել է Տարոնի […] ...
17:21 16.06.2025
Վարքագծի կանոնները՝ ուժեղ քամու դեպքումՆԳՆ փրկարար ծառայությունը հորդորում է ուժեղ քամու դեպքում խստորեն պահպանել անվտանգության կանոնները: Ուժեղ քամու դեպքում խորհուրդ է տրվում՝ ▫️Խուսափե՛լ բաց տարածություններից, հատկապես՝ այն վայրերից, որտեղ կան բարձր ծառեր ▫️Եղե՛ք զգոն շինությունների մոտ՝ չամրացված կամ թույլ ամրացված կառուցատարրերը կարող են ընկնել Եթե գտնվում եք անկայուն շինության մեջ՝ Արագ տեղափոխվե՛ք դեպի ավելի ամուր կառույց՝ հնարավորինս մնալով ներսում […] ...
17:14 16.06.2025
1 արծաթ, 3 բրոնզ և 4-րդ տեղը թիմային պայքարում․ ազատ ոճի ըմբշամարտի Մ17 ԵԱՀյուսիսային Մակեդոնիայի մայրաքաղաք Սկոպյեում ավարտված ազատ ոճի ըմբշամարտի մինչև 17 տարեկանների Եվրոպայի առաջնության մրցումային վերջին օրը Հայաստանի ներկայացուցիչներից Արեն Փիրուզյանը (45 կգ) և Ռազմիկ Ոսկանյանը (60 կգ) դարձել են բրոնզե մեդալակիրներ։ Փիրուզյանը բրոնզե մեդալի համար գոտեմարտում 12-2 հաշվով հաղթել է ադրբեջանցի Օմեր Ուսուբովին։ Ոսկանյանը 6-4 հաշվով հաղթանակի է հասել Ռուսաստանի ներկայացուցչի նկատմամբ։ Հայաստանը ներկայացնող ազատոճայիններից […] ...
17:07 16.06.2025
Կապանցի տղամարդը հետախուզվում էր պատժից խուսափելու համար․ խափանման միջոցը՝ կալանքՔրեական ոստիկանության Սյունիքի մարզային վարչության ծառայողների ձեռնարկած օպերատիվ-հետախուզական միջոցառումների շնորհիվ հունիսի 12-ին Կապանի Մուշեղ Հարությունյան փողոցում հայտնաբերվել է 36-ամյա տղամարդ, որը հունիսի 10-ից հետախուզվում էր բնակարանային գողության մեղադրանքով պատժից խուսափելու համար, խափանման միջոցը` կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված […] ...
17:00 16.06.2025
ՌԴ-ում Իսրայելի դեսպանը հայտարարել է, որ Իրանի դեմ գործողությունների ավարտի համար վերջնաժամկետ չկաԻսրայելը չի սահմանում Իրանի դեմ գործողության ժամկետ, ինչպես նաև չի սահմանափակում դրա իրականացման տարածքը, լրագրողներին ասել է Ռուսաստանում Իսրայելի դեսպան Սիմոնա Գալպերինը։ «Իսրայելը իր համար որևէ սահմանափակում կամ ժամկետ չի սահմանում։ Մենք կաշխատենք այնքան ժամանակ, որքան անհրաժեշտ է», – ասել է դեսպանը։ Նա հավելել է, որ Իսրայելը հարվածում է բոլոր օբյեկտներին և այն անձանց, որոնք […] ...
16:53 16.06.2025
Տեղի է ունեցել Ազգային ժողովի խորհրդի նիստըԱզգային ժողովի խորհրդի նիստը տեղի է ունեցել հունիսի 16-ին: Այն վարել է ՀՀ ԱԺ նախագահ Ալեն Սիմոնյանը: Քննարկվել եւ հաստատվել են ԱԺ ութերորդ գումարման իններորդ նստաշրջանի օրակարգում լրացումներ կատարելու մասին եւ հունիսի 17-ին գումարվող հերթական նիստերի օրակարգի նախագծերը: Սահմանվել է հերթական նիստերի օրակարգային հարցերի քննարկման հաջորդականությունը: Հունիսի 17-ին գումարվող հերթական նիստերի օրակարգի նախագծում ընդգրկվել է […] ...
