Սուբվենցիոն ծրագրով նորոգվում է Շիրակի մարզի Նոր Կյանք գյուղի ճանապարհը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
11 05 2025
  • $
    389.25
  • RUBLE
    4.73
  • 439.39
WEATHER
+19.09 oC

Սուբվենցիոն ծրագրով նորոգվում է Շիրակի մարզի Նոր Կյանք գյուղի ճանապարհը

18:06 07.07.2019

Հանրապետության համայնքներն այս տարի ներկայացրել են 352 սուբվենցիոն հայտ, որից 330-ը հաստատվել է: Ընդհանուր՝ 16 մլրդ դրամի շինաշխատանքներ են տարվելու: Շիրակի մարզում դրանք վերաբերում են ոռոգման ցանցերի անցկացմանը, կրթական հաստատությունների վերանորոգմանը, արևային ֆոտովոլտային կայանների տեղադրմանը և ճանապարհաշինությանը: Բոլոր ծրագրերի դեպքում պետական համաֆինանսավորման չափը տարբեր է: Արթիկի տարածաշրջանի Նոր Կյանք գյուղում պետության և գյուղապետարանի 55:45 տոկոս հարաբերակցությամբ վերանորոգվում է Նոր Կյանք- Փանիկ-Սպանդարյան-Մեծ Մանթաշ ճանապարհի 2 կմ 100 մետր երկարությամբ հատվածը: Ճանապարհը մարզային նշանակության է, իսկ երթևեկությունն ավելի ծանրաբեռնված, քան հանրապետական ճանապարհներին է: Միջհամայնքային ճանապարհը հանրապետական նշանակության դարձնելու գյուղապետերի անպատասխան դիմումներից հետո Նոր Կյանքում որոշել են սուբվենցիոն հայտերում ներառել ու գոնե պետական համաֆինանսավորմամբ վերանորոգել:

Նոր Կյանք, Փանիկ, Սպանդարյան, Մեծ ու Փոքր Մանթաշներ…այս գյուղերի միակ ընդհանուր ճանապարհը նաև Շիրակի և Արագածոտնի մարզերն իրար կապող ամենակարճ ուղին է: Հիմնանորոգվել է 2010-ին ու վերջին 9 տարիների ընթացքում միայն մասնակի նորոգումներ են եղել: Հիմա ճանապարհի ծածկը տարբեր ժամանակներում արված կարկատաններից է կազմված: Հերթական նորոգման համար էլ մեծ փոսեր են փորել: Պետբյուջեի ու Նոր Կյանքի գյուղապետարանի համաֆինանսավորումը հիմնանորոգման համար չեն բավականացրել: 7մլն 664 հազար դրամով 2 կմ 100 մետր ճանապարհը փոսային նորոգումներով են կարգի բերելու, թեև գործի ծավալն այնքան շատ է, որ, ըստ շինարարի, հիմնանորոգմանն է հավասար: Հիմա, երբ ճանապարհը քանդել են, տեսանելի է դարձել, որ 2010-ին հիմնանորոգման ժամանակ ընդամենը 5 սմ ասֆալտաշերտ է արվել: 5 սմ ծածկով ճանապարհը ծառայել է մի քանի գյուղերի, նաև 102-րդ ռազմաբազայի տեխնիկան դեպի Արագածի կրակադաշտ տեղափոխելու համար: Գյուղապետը նշում է, որ այդ ժամանակ ճանապարհի հիմնանորոգման նախագծերում ծանրաբեռնվածությունը հաշվի չի առնվել և ընդհանրապես հիմնանորոգել են նախագծային թերություններով:

«Ոչ ճիշտ նախագիծ է արված եղել: Ճանապարհին ընդամենը 5 սմ ասֆալտ է: Ո՞նց կարող է ծանր տեխնիկմայի տակ դիմանալ 5 սմ-ն և ծառայել երկար տարիներ: Շատ արագ քայքայվում է: Այստեղ անհրաժեշտ է ներդրում անել ու հիմնանորոգել: 2010-ին մեր կարծիքն ընդհանրապես հարցնող չկար: Կառուցեցին, ասացին՝ ձեր խելքը չի հասնում, մենք նոր տեխնոլոգիայուվ ենք կառուցում: Բայց հիմա էլ ո՞ւմ ասենք: Գնացել են նրանք, ովքեր մեզ ուղղություն էին ցույց տալիս»,-Shantnews-ին ասել է Նոր Կյանքի գյուղապետ Արա Սուքիասյանը:

Նախագծային թերություններից մեկն էլ ջրահեռացման համակարգի բացակայությունն է: Ճանապարհը հիմնանորոգել են առանց տեղանքի գրունտային շերտը հաշվի առնելու: Իսկ տարածքում նախկինում ճահիճներ են եղել: Խոնավությունը մնացել է ճանապարհի տակ ու հիմա քանդված փոսերում ջուր է լցվում: Ջրահեռացում հիմա էլ նախատեսված չէ, քանի որ սուբվենցիոն ծրագիրը մասնակի նորոգման համար է: Իսկ խոնավության պայմաններում նորոգումը երկարակեցություն չի խոստանում:

Սա չեն թաքցնում շինարարն ու գյուղապետը, որը տեղական բյուջեից 3 մլն 450 հազար դրամ է հատկացրել։ Պետք է սահմանափակել տեխնիկայի շարժը կամ ճանապարհը դարձնել հանրապետական նշանակության, և վերանորոգումը պետբյուջեից ֆինանսավորել: Այս մասին Նոր Կյանքի և հարևան մի քանի գյուղերի ղեկավարները մեկ անգամ չէ, որ դիմել են կառավարությանը, նաև 102-րդ ռազմաբազայի հրամանատարությանը: Վերջին անգամ այս մասին պաշտպանության նախարարի հետ գյուղապետերը խոսել են անցած տարի՝ Փանիկում ռուսական ռազմաբազայի հայտնի զորավարժություններից հետո: Գյուղապետի  խոսքով՝ մինչ նախարարությունը խոստացել է ելք գտնել, իրենք նորից ժամանակավոր ելք են գտել՝ փոսային նորոգումներով:

Բոլոր լուրերը

Կապակցված լուրեր

Երևանի բոլոր վարչական շրջաններում շարունակվում են փոսային նորոգումները

23:59 10.05.2025

Երևանի բոլոր վարչական շրջաններում շարունակվում են փոսային նորոգումները

Երևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...

Լարսը բաց է

23:58 10.05.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

ՀՀ տարածքում ավտոճանապարհները հիմնականում անցանելի են

23:56 10.05.2025

ՀՀ տարածքում ավտոճանապարհները հիմնականում անցանելի են

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...

Ավարտվել է կարատեի Եվրոպայի մեծահասակների 60-րդ առաջնությունը

23:54 10.05.2025

Ավարտվել է կարատեի Եվրոպայի մեծահասակների 60-րդ առաջնությունը

Կ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...

Մակրոնը չի բացառում Արևմտյան զորքերի տեղակայումն Ուկրաինայում

23:42 10.05.2025

Մակրոնը չի բացառում Արևմտյան զորքերի տեղակայումն Ուկրաինայում

Ֆրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...

«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ում

23:26 10.05.2025

«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ում

Իտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...

BACK_TO_TOP