17:35 17.07.2019
Հայաստանում այս պահին անհնար է մուտք գործել սոցիալական որոշ կայքեր: Տեղեկատվական անվտանգության փորձագետ Սամվել Մարտիրոսյանը SHANTNEWS.am-ի հետ զրույցում նշեց, որ խնդիր կա՝ կապված Facebook-ի ու Instagram-ի, այդ թվում՝ մեսենջերի հետ: Նրա խոսքերով՝ խնդիրը գլոբալ է, այն ոչ միայն Հայաստանում է, այլև մի շարք երկրներում, օրինակ՝ Թուրքիայում, Հունաստանում, Կիպրոսում:
«Արևելյան հատվածում հաստատ խնդիրը կա, բայց ընդհանուր այս պահին դժվար է ասել՝ ինչից է: Իրենց մոտ քանի օր է՝ ընդհանուր տեխնիկական վիճակը խառն է: Երեկ էլ է Instagram-ը կախել մի երկու ժամով: Եթե հիշում եք, մի քանի օր առաջ էլի գլոբալ խնդիր կար, նկարները չէին երևում, մի խոսքով՝ ընդհանուր տեխնիկական խնդիրներ կային»,- ասաց նա:
Հարցին՝ կարելի՞ է կանխատեսել՝ որքա՞ն ժամանակում կլուծվի խնդիրը, Մարտիրոսյանն ասաց, որ արդեն լինում է պահ, երբ խնդիրը կարգավորվում է, հետո նորից առաջանում: Նա նաև նշեց՝ խնդիրը ոչ բոլորի մոտ է:
«Օրինակ, ինձ մոտ գնում-գալիս է, կարծում եմ՝ մի քանի ժամվա գործ է, նման դեպքերում ավել չի տևում»,- նշեց նա:
Հետաքրքրվեցինք՝ հնարավո՞ր է այս վիճակից հաքերներ օգտվեն, տվյալների արտահոսք լինի:
«Չեմ կարծում: Կարող է, օրինակ, հաքերների հարձակման հետևանք լինի, այսինքն՝ ոչ թե օգտվեն սրանից, այլ հենց հարձակումը պատճառ լինի, բայց սովորաբար տեխնիկական ներքին ինչ-որ խնդիր է»,- ասաց նա:
Անդրադառնալով հարցին՝ արդյո՞ք այս խնդիրների պատճառը նաև սոցկայքի գերծանրաբեռնվածությունն է, Մարտիրոսյանն ասաց.
«Դե, ընդհանուր առմամբ իրենք վերջին մի տարում գերծանրաբեռնված են, քանի որ ահռելի քանակի օգտատերերի են սպասարկում: Եթե Ինստագրամ – Ֆեյսբուք- Մեսենջեր իրար ավելացնես, խոսքը երեք միլիարդ մարդու մասին է, հասկանալի է, որ պարբերաբար խնդիրներ են լինելու»:
Հարցին՝ ինչո՞ւ այս խնդիրը Հայաստանում գրանցվեց ավելի ուշ, քանի որ մի շարք երկրներում նման խնդիր կար երեկվանից, փորձագետը պատասխանեց, որ շատ բան կախված է սպասարկման կենտրոններից:
«Օրինակ՝ Հայաստանում ինչ-որ մարդկանց մոտ կարող է խնդիր լինել, ուրիշների մոտ՝ ոչ, որովհետև իրենք ուրիշ հատվածում են, դա զուտ կախված է նրանից, թե սպասարկման կենտրոնները որտեղ են»,- ասաց նա:
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
22:32 15.06.2025
Իրանում հայտնել են, որ Իսրայելի ուղղությամբ ռեկորդային թվով հրթիռներ են արձակելԻրանը «Ճշմարիտ խոստում 3» գործողության երկրորդ փուլի ընթացքում, որը տեղի է ունեցել շաբաթ երեկոյան, Իսրայելի տարածքի ուղղությամբ ռեկորդային թվով հրթիռներ է արձակել, հաղորդում է իրանական Fars պետական գործակալությունը ՝ հղում անելով իր աղբյուրին։ «Իսրայելի դեմ ԻՀՊԿ գործողության երրորդ ալիքը՝ հրթիռների և անօդաչու թռչող սարքերի կիրառմամբ, սկսվել է այսօր կեսօրին՝ նախատեսվածից շուտ։ Այս գործողությունն իրականացվում է […] ...
22:14 15.06.2025
Fars. Իրանը հրթիռների նոր ալիք է արձակել Իսրայելի ուղղությամբԻրանի զինված ուժերը բալիստիկ հրթիռների հերթական ալիքն են արձակել Իսրայելի տարածքի ուղղությամբ: Այս մասին հաղորդում է «Ֆարս» գործակալությունը։ Գործակալության հաղորդագրության համաձայն՝ արձակումն իրականացվել է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) ուժերի կողմից։ ...
