22:16 19.08.2019
Այսօր ողջ օրվա ընթացքում իրականացվել է Ամուլսարի հանքի հետ կապված ակցիաների դիտարկում ինչպես անմիջականորեն, այնպես էլ լրատվամիջոցների ու սոցիալական մեդիայի միջոցով: Այս մասին հայտնում են ՀՀ մարդու իրավունքների պաշտպանի աշխատակազմի հանրային կապերի բաժնից:
Ուսումնասիրության ներքո են եղել նաև Ոստիկանության գործողությունները:
Մարդու իրավունքների պաշտպանի աշխատակազմի թեժ գծին ստացվել է 7 ահազանգ այն մասին, որ Ոստիկանության ծառայողներն անհամաչափ ուժ են գործադրել ակցիաների մասնակիցների նկատմամբ ու նրանցից մի քանիսին բերման են ենթարկել Ոստիկանության բաժին: Ահազանգերից մեկի համաձայն՝ բերման ենթարկվածներից մեկն ունի բժշկական օգնության կարիք:
Մարդու իրավունքների պաշտպանի հանձնարարությամբ՝ անմիջապես արագ արձագանքման խումբ է մեկնել Ոստիկանության Երևան քաղաքի վարչության Արաբկիրի բաժին: Բաժնում գտնվելու ընթացքում պարզվել է, որ բերման է ենթարկվել բողոքի ակցիայի 6 մասնակից, որոնցից մեկը տեղափոխվել է «Սուրբ Գրիգոր Լուսավորիչ» բժշկական կենտրոն: Ուստի, Պաշտպանի որոշմամբ` մեկ այլ խումբ էլ անմիջապես մեկնել է բժշկական կենտրոն:
Ոստիկանության բաժնում Պաշտպանի ներկայացուցիչներն առանձնազրույց են ունեցել ակցիայի ժամանակ բերման ենթարկված բոլոր մասնակիցների հետ: Վերջիններս պնդել են, որ Ոստիկանության ծառայողներն իրենց չեն ներկայացրել ազատությունից զրկելու պատճառները և բերման ենթարկելիս կիրառել են օրենքը խախտող անհամաչափ ֆիզիկական ուժ:
Պաշտպանի ներկայացուցիչներն ուսումնասիրել են բերման ենթարկված աձանց հաշվառման մատյանը և արձանագրել լրացման կարգի խախտումներ: Նաև արձանագրվել է, որ Ոստիկանության բաժնում գտնվողներն ազատ են արձակվել «Վարչական իրավախախտումների վերաբերյալ» ՀՀ օրենսգրքով սահմանված ժամկետում: Անազատության մեջ գտնվող անձանց պարզաբանել են նրանց իրավունքները, ինչպես նաև Մարդու իրավունքների պաշտպանին դիմելու կարգը և Պաշտպանի կողմից բողոքի քննարկման ընթացակարգը:
«Սուրբ Գրիգոր Լուսավորիչ» բժշկական կենտրոն մեկնած արագ արձագանքման խումբն առանձնազրույց է ունեցել բուժկենտրոն տեղափոխված անձի հետ: Արձանագրվել է նրա առողջական վիճակի վերաբերյալ բժշկական անձնակազմի գնահատականը: Առանձնազրույցի ընթացքում բժշկական հաստատություն տեղափոխված ակցիայի մասնակիցը տեղեկացրել է, որ իր նկատմամբ Ոստիկանության ծառայողները կիրառել են բռնություն, այդ թվում՝ հարվածել են դեմքին և ոտքերին, ինչի պատճառով վատթարացել է իր առողջական վիճակը:
Պաշտպանի ներկայացուցիչները նրա հետ առանձնազրույց են ունեցել նաև Ոստիկանության բաժնում, ով ևս մեկ անգամ հաստատել է այդ տեղեկությունը:
Այցի ընթացքում պարզվել է նաև, որ Ոստիկանության բաժին բերված երեք անձ, այդ թվում՝ բուժկենտրոն տեղափոխվածը, Ոստիկանության ծառայողների գործողությունների վերաբերյալ ներկայացրել են հանցագործության մասին հաղորդում:
Վերը նշված այցերի արդյունքները սահմանված կարգով կամփոփվեն և համապատասխան գրություններ կուղարկվեն ՀՀ ոստիկանություն և ՀՀ դատախազություն:
Ամուլսարի հանքի հետ կապված խնդիրները շարունակելու են գտնվել Մարդու իրավունքների պաշտպանի ուշադրության կենտրոնում։
21:34 30.06.2025
Ինչո՞ւ Մարուքյանը առաջարկեց Աջապահյանի, այլ ոչ թե Բագրատ Գալստանյանի թեկնածությունը«Լուսավոր Հայաստան» կուսակցության նախագահ Էդմոն Մարուքյանն առաջարկում է վարչապետին իմպիչմենտ հայտնել և իր փոխարեն վարչապետի թեկնածու ներկայացնել Միքայել արքեպիսկոպոս Աջապահյանին: Հիշեցնենք, Շիրակի թեմի առաջնորդը կալանավորվեց ռազմական հեղաշրջում իրականացնելու կոչեր հնչեցնելու մեղադրանքով: Թեմային «Հեռանկար»-ի տաղավարում անդրադարձել է Էդմոն Մարուքյանը: ...
21:29 30.06.2025
Արզական-Բջնի ավտոճանապարհին վթար է տեղի ունեցել, 6 մարդ տեղափոխվել է հիվանդանԿոտայքի մարզային փրկարարական վարչության ճգնաժամային կառավարման կենտրոն հունիսի 30-ին ժամը 13:48-ին ահազանգ է ստացվել, որ Արզական-Բջնի ավտոճանապարհին տեղի է ունեցել ՃՏՊ, կան տուժածներ: Ըստ Փրկարար ծառայության տարածած հաղորդագրության, դեպքի վայր մեկնած փրկարարները պարզել են, որ Արզական-Բջնի ավտոճանապարհի 2-րդ կմ-ի մոտակայքում բախվել է երկու «Opel» մակնիշի ավտոմեքենա:Մինչ փրկարարների կանչի վայր հասնելը՝ վարորդները և չորս ուղևոր հոսպիտալացվել […] ...
21:22 30.06.2025
Հայաստանի և Ֆրանսիայի նախագահները զրուցել են տարածաշրջանային զարգացումների շուրջՄԱԿ-ի Զարգացման ֆինանսավորման չորրորդ միջազգային համաժողովի շրջանակում Հանրապետության նախագահ Վահագն Խաչատուրյանը զրույց է ունեցել Ֆրանսիայի նախագահ Էմանուել Մակրոնի հետ։ Նախագահներն անդրադարձել են տարածաշրջանային ընդհանուր իրավիճակին և զարգացումներին։ Մտքեր են փոխանակվել երկկողմ համագործակցության օրակարգային հարցերի շուրջ։ ...
21:13 30.06.2025
Կանադան վերսկսում է առևտրային բանակցությունները ԱՄՆ-ի հետԿանադան և Միացյալ Նահանգները վերսկսում են առևտրային բանակցությունները, կողմերին հաջողվում է ժամանակավորապես լուծել իրենց տարաձայնությունները։ Նախկինում Կանադան, ի պատասխան Թրամփի 25% մաքսատուրքերի, նախատեսում էր թվային ծառայությունների հարկ սահմանել ամերիկյան ընկերությունների վրա. ծրագիրը նախատեսում էր Amazon-ի, Google-ի և Meta-ի նման ընկերությունների կանադական շահույթի 3%-ը գանձել։ Հարկերը կկիրառվեին հետադարձ ուժով, այնպես որ ընկերությունները ստիպված կլինեին անմիջապես վճարել […] ...
21:06 30.06.2025
ՀՀ ժողովրդավարական արժեքները պետք է պաշտպանվեն՝ հիբրիդային սպառնալիքների և երկրի ներքին գործերին միջամտելու փորձերի պայմաններում. Կալասը՝ ՓաշինյանինՎարչապետ Նիկոլ Փաշինյանն ընդունել է Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին:Ինչպես «Արմենպրես»-ին տեղեկացրին ՀՀ վարչապետի աշխատակազմից, hանդիպման ընթացքում քննարկվել են Հայաստան-Եվրոպական միություն հարաբերությունների օրակարգին, ժողովրդավարական ինստիտուտների ամրապնդմանը, իրավունքի գերակայության և կառավարման բարեփոխումների ուղղությամբ համագործակցության խորացման հնարավորություններին վերաբերող հարցեր:Վարչապետ Փաշինյանը շնորհակալություն է հայտնել ԵՄ-ին՝ Հայաստանին ցուցաբերվող շարունակական աջակցության համար և […] ...
