20:15 21.08.2019
Ռոք երաժիշտ և երգահան, ով ճանաչվել է աշխարհի 26-րդ լավագույն մեթալ վոկալիստը, աշխարհահռչակ գերաստղ, ում մասին The Los Angeles Times-ը գրում է.
«Թանկյանը պայծառ, ռասպուտինանման մի կերպար է՝ վառվռուն հայացքով ու բացառիկ ձայնով, ինչն օգնել է System of a Down-ին դառնալու Լոս Անջելեսի կարևորագույն ռոք բենդերից մեկը։ Իսկ երաժշտությունից բացի, նա հասարակական խնդիրների եռանդուն առաջամարտիկ է՝ Հայոց ցեղասպանության վրա հատուկ շեշտադրմամբ»:
Ամերիկահայ System of a Down ռոք խմբի առաջատար մեներգիչը, ով աշխարհին ներկայացնում է նաև հայերին ու հայության խնդիրները:
Սերժ Թանկյան
Ծագումը
Ծնվել է 1967թ․Բեյրութում, մեծացել Լոս Անջելեսում: Չնայած ապրել ու կայացել է հայրենիքից հեռու՝ ԱՄՆ-ում, իր ընտանիքի և հասարակական ակտիվության շնորհիվ շարունակում է ամուր կապված մնալ արմատներին։ Ընտանիքում հայկականը պահպանված է և պատահական չէ, որ նախնական կրթությունը ստացել է հայկական դպրոցում։ Թանկյանի երաժշտական կարիերան բավական ուշ է սկսվել: 20 տարեկանից նոր սկսել է լրջորեն զբաղվել երաժշտությամբ: Մինչև երաժշտի կարիերա սկսելը հասցրել է զբաղվել առք ու վաճառքով, ծրագրավորմամբ և ստեղծել է իր սեփական ծրագրավորական ընկերությունը: Նա նույնիսկ պատրաստվել է ընդունվել իրավաբանական դպրոց, սակայն շուտով հասկացել է, որ դա իր համար չէ:
Ընդդեմ սոցիալական անարդարությունների
Ստանձնելով հասարակական խնդիրների առաջամարտիկի դերը՝ Սերժ Թանկյանը Թոմ Մորելոյի հետ հիմնադրել է Axis Of Justice («Արդարության առանցք») հասարակական կազմակերպությունը, որը պայքարում է սոցիալական անարդարությունների դեմ։ Այդպիսի անարդարաություն է նաև Հայոց ցեղասպանության հարցը, որի ճանաչման պայքարին մեծ երաժիշտն ուղղել է իր համաշխարհային համբավը: Իսկ այդ պայքարի լավագույն այցեքարտը Screamers ֆիլմն է, որտեղ նկարահանվել են Թանկյանը և System of a Down խմբի մյուս անդամները: Ֆիլմում պատմվում է նաև հերոսների և իրենց հարազատների պատմությունը, որոնք Հայոց ցեղասպանության վերապրածներն են։
Ընտանիքը
2012թ. հունիսի 10-ին Մալիբու քաղաքում կայացավ Սերժ Թանկյանի և ծագումով վանաձորցի Անժելա Մադաթյանի հարսանեկան արարողությունը։
Իսկ 2014 թվականին ծնվեց առաջնեկը՝ որդին՝ Ռումին։
Ի դեպ, Սերժ Թանկյանն իր կնոջ` Անժելա Մադաթյանի հետ, ֆինանսավորում են նաև «Օրրան» բարեգործական ցերեկային խնամքի կենտրոնի Վանաձորի մասնաճյուղը:
Հետաքրքիր է
Համաձայն Vintage Vinyl News-ի կատարած հետազոտության՝ Թանկյանը ունի չափազանց բարձր և բազմաժանր վոկալ: Նրա ձայնի դիապազոնը կազմում է 4.2 օկտավա: Ձայնի նման դիապազոն ունեն Էլվիս Փրեսլին, Սթիվեն Թայլերը և Էնթոնի Քիդիսը:
Սերժ Թանկյանի ֆիլմերի իր սիրելի ժանրը սարսափն է, ամենասիրելի ֆիլմը՝ «Օմեն»-ը:
Սերժ Թանկյանը բուսակեր է:
«Ապրելակերպի փոփոխումը կապված է շրջագայությունների ժամանակ կերած անորակ սննդի հետ, դա ինչ-որ տեղ բնազդային բնույթ էր կրում: Բացի դրանից, ես նաև մայր հողի նկատմամբ հարգանքի անհրաժեշտություն եմ զգում»:
Ի դեպ 2009 թվականի հուլիսին Թանկյանը խնդրագիր ստորագրեց KFC-ի սպանդանոցներում հավերին մորթելու եղանակների դեմ:
Սերժ Թանկյանի խորհուրդները
«Ապրել ձևացնելը մեզ չի ապրեցնում»:
«Երբեմն մեկ լավ սիրային երգը կարող է փոխել աշխարհն ու ստեղծել ավելի շատ դրական էներգիա, քան ցանկացած քաղաքական երգ»։
«Քաղաքակրթությունը ձախողում է։ Պետք է մտածել, թե միասին ինչ կարող ենք անել՝ սիրով և խաղաղությամբ»:
«Երկրները մարդկանց նման են։ Երբ հասկանում ես պետությունների փոխհարաբերությունները, պարզ է դառնում, թե արտաքին քաղաքականության մեջ շատ բաներ ինչու են կատարվում խիստ որոշակի կերպով։ Իսկ տարբերությունը մարդկանցից այն է, որ մենք հավաքականորեն ներկայացված ենք այլոց կողմից, իսկ մեր շահերի մասին վերջիններիս ընկալումները կարող են և չհամընկնել մեր իրական շահերին։ Վտանգը սա է. նույնիսկ ժողովրդավարության դեպքում»։
«Կյանքը տարաբնույթ հեգնանքների միջև ընկած նուրբ սահմանն է»։
10:23 10.06.2025
ՃՏՊ Արմավիր քաղաքում․ կա տուժածՀունիսի 10-ին, ժամը 00:35-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արմավիր քաղաքի Աբովյան և Սահմանապահների փողոցների խաչմերուկում տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ բախվել են «Mercedes-Benz» և «BMW» մակնիշների ավտոմեքենաները: Փրկարարները հոսանքազրկել են […] ...
10:16 10.06.2025
Այրվել է ավտոմեքենաՀունիսի 10-ին, ժամը 01։42-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նուբարաշենի տնակների մոտակայքում այրվում են ավտոմեքենաներ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ: Պարզվել է, որ Նուբարաշեն 2-րդ փողոցի տներից մեկի մոտակայքում այրվում է «Ford» մակնիշի ավտոմեքենա։ Հրդեհը մեկուսացվել է ժամը 02։04-ին, մարվել՝ […] ...
10:11 10.06.2025
Հայաստանի սամբիստները 11 մեդալ են նվաճել աշխարհի գավաթի խաղարկությունումԵրևանում ավարտվել է սամբոյի աշխարհի գավաթի խաղարկությունը: Հայաստանի հավաքականը նվաճել է 11 մեդալ: Երկրորդ մրցումային օրը Ավետիք Պողոսյանը (88 կգ) և Արման Ավանեսյանը (98 կգ) արծաթե մեդալ են նվաճել, իսկ Մայիս Ներսեսյանը (64 կգ), Մհեր Մերջանյանը (71 կգ), Նորիկ Խուրշուդյանը (+98 կգ) բրոնզե մեդալակիր են դարձել: Առաջին մրցումային օրը Հայաստանի սամբիստները 2 ոսկե և 4 […] ...
10:06 10.06.2025
ՃՏՊ Իսակովի պողոտայում․ կա տուժածՀունիսի 10-ին, ժամը 02։02-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Իսակովի պողոտայում տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Mercedes-Benz» և «BYD» մակնիշների ավտոմեքենաները։ Փրկարարները փակել են «Mercedes-Benz» մակնիշի ավտոմեքենայի գազի բալոնի […] ...
10:00 10.06.2025
Վերականգնվել է պետությանը պատճառված 52 մլն դրամ վնասըՀՀ քննչական կոմիտեի Արմավիրի մարզային քննչական վարչությունում 2024 թվականի օգոստոսի 7-ին ապօրինի ձեռնարկատիրական գործունեության և հողը փչացնելու դեպքերի առթիվ նախաձեռնվել է քրեական վարույթ, հայտնում են ՔԿ-ից։ «Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ՀՀ-ում գործող ընկերություններից մեկը Արմավիրի մարզի բնակավայրերից մեկի վարչական տարածքում վարձակալական հիմունքներով ձեռք բերված հողատարածքներում ձկնաբուծարան […] ...
