12:50 29.08.2019
ՀՀ ֆինանսների նախարար Ատոմ Ջանջուղազյանը Կառավարության նիստում, արձագանքելով ձկնարդյունաբերության ոլորտում սուբսիդավորման տրամադրման մասին նախագծին, նշեց՝ սուբսիդավորում արվում է՝ ինչ-որ նպատակ հետապնդելով: Ըստ նախարարի՝ ենթադրվում է, որ կարճաժամկետ միջամտություն է սուբսիդավորումը, քանի որ եթե պետք է մի բան սուբսիդավորել, նշանակում է, որ այն կենսունակ չէ, հետևաբար պետք է մտածել՝ արդյո՞ք սա այն դեպքն է, որ պետությունն իր վրա է վերցնում նման պարտավորություն:
ՀՀ վարչապետ Նիկոլ Փաշինյանն արձագանքեց, որ ձկնարդյունաբերությունն այսօր Հայաստանի տնտեսության կայացած ճյուղերից է:
«Պարզ է, որ մենք նաև լուրջ պրոբլեմներ ու ռիսկեր ենք ունեցել, տարեկան 1 մլրդ դոլարի ջուր ենք սպառում, որ 150-200 մլն դոլարի ձուկ արտադրենք: Ընտրությունը հետևյալն է՝ կամ ասենք, որ արտեզյան ավազանի վրա խաչ ենք քաշում, որ չենք կարող անել, կամ ձկնարդյունաբերության վրա ենք խաչ քաշում, որ էլի չենք կարող անել, որովհետև երկու դեպքում էլ նշանակում է հարվածել տնտեսությանը»,- ասաց նա:
Վարչապետն ընդգծեց՝ պետք է քայլ-քայլ գնալ և ռիսկերը, հնարավորությունները կառավարել, գալ հավասարակշռված լուծումների:
«Մենք, այսպես ասած, տնտեսությունը թողնում ենք՝ ինչ ուզում է, անի, եթե մրցունակ է՝ մրցունակ է, եթե ոչ՝ թող գնա, փակվի՞: Պետք է հրաժարվել դրանից, նույնիսկ այն երկրները, որ այս բանաձևը հորինել են, այսպես չեն անում: Ուրիշ երկրների ասում են՝ մի սուսբիդավորեք, գյուղատնտեսությանը, արտադրությանը մի աջակցեք, բայց որ բյուջեն բացում- նայում ես, ամբողջը սուբսիդավորվում է: Համալսարանական դասագրքերի վերնագրերին միշտ չէ, որ պետք է լուրջ վերաբերվել: Այդ տեսությունը ստեղծած երկրներում բացարձակապես հակառակ տրամաբանությունն է գործել և շարունակում է գործել, և այժմ դա երևում է նաև լուրերի թողարկումից»,- նշեց վարչապետը:
Փաշինյանը շեշտեց՝ իրենց կուրսը հստակ է. աջակցելու են տեղական արտադրողներին բոլոր ոլորտներում՝ մի պայմանով, համոզվելով միայն, որ դրանով նրանց մրցունակությունն են բարձրացնում, ոչ թե, կոպիտ ասած, «նստեցնում են աջակցության թմրանյութի ասեղի վրա», այլ օգնում են, որ նրանք լինեն առավել ինովացիոն, մրցունակ, արդյունավետ:
«Այո, մենք այս ոլորտում լուրջ խնդիր ունենք, բայց եթե փորձենք մի քայլով այդ խնդիրը լուծել, ունքը սարքելու տեղ աչքը կհանենք, դրա համար հավասարակշռված քայլերով առաջ գնանք, նաև այսպիսի ծրագրերի արդյունավետությունը մոնիթորինգ անենք, ու եթե պարզվի՝ արդյունավետ չէ, պետք է հրաժարվել դրանից»,- նշեց նա:
13:30 04.07.2025
Օպերատիվ իրավիճակը հանրապետությունում հուլիսի 3-4-ըԲացահայտվել է 108 հանցագործություն, որոնցից 6-ը՝ նախկինում կատարված: Մասնավորապես՝ 15-ական դեպք՝ մարմնական վնասվածք պատճառելու, թմրանյութի հայտնաբերման, 9-ական դեպք՝ ֆիզիկական ներգործության, խարդախության, 7-ական դեպք՝ անձնական ունեցվածքի գողության, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 6 դեպք՝ պաշտոնեական կեղծիքի կամ անփութության, 5 դեպք՝ հոգեկան ներգործության, 4 […] ...
13:20 04.07.2025
ԿՈՆԿԱԿԱՖ-ի գավաթի խաղարկության եզրափակչում կհանդիպեն ԱՄՆ-ի ու Մեքսիկայի հավաքականներըԿՈՆԿԱԿԱՖ-ի գավաթի խաղարկության եզրափակչում կհանդիպեն ԱՄՆ-ի ու Մեքսիկայի հավաքականները: Կիսաեզրափակչում ԱՄՆ-ի հավաքականը 2-1 հաշվով հաղթել է Գվատեմալայի թիմին, իսկ մեքսիկացիները 1-0 հաշվով՝ Հոնդուրասի ընտրանուն: Մրցաշարի գլխավոր հանդիպումը կկայանա հուլիսի 7-ին Հյուսթոնում: Մեքսիկայի հավաքականը ԿՈՆԿԱԿԱՖ-ի գավաթի գործող հաղթողն է և ռեկորդակիրը տիտղոսների քանակով: Մեքսիկացիները տիտղոսին տիրացել են 7 անգամ։ ...
13:10 04.07.2025
Շրջանառությունից հանվել է առանձնապես խոշոր չափերի մեթամֆետամին ու մարիխուանա․ հերթական բացահայտումըՔրեական ոստիկանության Սյունիքի մարզային վարչության ծառայողները մաքսանենգ ճանապարհով առանձնապես խոշոր չափերի սինթետիկ ու բուսական ծագման թմրամիջոցներ Հայաստան ներմուծելու վերաբերյալ հերթական օպերատիվ տեղեկությունն են ստացել: Հայաստանի Հանրապետության Քննչական կոմիտեի Սյունիքի մարզային քննչական վարչությունում նախաձեռնվեց քրեական վարույթ: Օրեր տևած համագործակցված նախապատրաստական աշխատանքից հետո իրավապահներն անցան տեղեկության իրացման գործին, որին մասնակցեցին նաև Քրեական ոստիկանության թմրամիջոցների անօրինական շրջանառության դեմ […] ...
13:02 04.07.2025
Արդեն երրորդ անգամ անցկացվում է Կապանի միջազգային երաժշտական փառատոնըՀՀ կրթության, գիտության, մշակույթի և սպորտի նախարարության աջակցությամբ հուլիսի 4-ից 15-ն անցկացվում է Կապանի միջազգային երաժշտական փառատոնը: Փառատոնը երրորդ տարին անընդմեջ շարունակում է մշակութային վերածնունդը՝ միավորելով միջազգային ճանաչում ունեցող երաժիշտների և հայ հանդիսատեսին ներկայացնելով բազմազան երաժշտական ժանրեր: Այս տարվա փառատոնի կարևորագույն իրադարձությունը լեգենդար դաշնակահար, 2016 թվականի Քենեդիի կենտրոնի պատվավոր դափնեկիր Մարթա Արգերիխի հայաստանյան մեկնարկային կատարումն […] ...
12:53 04.07.2025
Կոբախիձե. Եվրոպացի բյուրոկրատները չեն կարող ընդունել վրաց ժողովրդի կամքըՎրաստանի վարչապետ Իրակլի Կոբախիձեն կարծում է, որ «եվրոպական բյուրոկրատիայում» կան մարդիկ, ովքեր չեն կարող ընդունել վրաց ժողովրդի կամքը։ «Մենք տեսնում ենք, որ եվրոպական բյուրոկրատիայում կան մարդիկ, ովքեր չեն կարողանում հարմարվել վրաց ժողովրդի կամքին երկրի խաղաղության և զարգացման վերաբերյալ։ Բացի այդ, ԱՄՆ նախորդ վարչակազմում կային բազմաթիվ բյուրոկրատներ, որոնք նույնպես չէին կարողանում հաշտվել վրաց ժողովրդի կամքի հետ։ […] ...
12:45 04.07.2025
114 տարվա պատմություն ունեցող «Բրեշիան» զրկվել է պրոֆեսիոնալ ակումբի կարգավիճակիցԻտալիայի երկրորդ՝ Բ Սերիայում հանդես եկող «Բրեշիան» պաշտոնապես զրկվել է պրոֆեսիոնալ ակումբի կարգավիճակից և չի կարող մասնակցել նույնիսկ C Սերիային, հայտնում է ֆեդերացիայի մամուլի ծառայությունը։ «Բրեշիան» 2024/25 մրցաշրջանում 43 միավորով զբաղեցրել է 15-րդ տեղը և մեծ դժվարությամբ պահել տեղը Բ Սերիայում, սակայն չի վճարել 3 միլիոն եվրո պարտքը, ինչի հետևանքով այժմ ակումբին սպառնում է սնանկացում։ […] ...
