17:55 30.09.2019
Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան իր էջում անդրադարձել է երեկ անցկացված ՏԻՄ ընտրություններին:
«Երեկ Արտաշատում տեղի ունեցան ավագանու անդամի արտահերթ ընտրություններ։ Առաջադրվել էին 48 թեկնածուներ, ինչի արդյունքում քվեաթերթիկի երկարությունը հավասարազոր էր երեք A4 թերթի։
Ընտրություններն ընթացան խաղաղ մթնոլորտում։ Բնակիչներից շատերը պնդում էին, որ որոշ տեղամասերում նախկինում տիրում էր լարված մթնոլորտ, ինչը այս անգամ չկար։ Ու թերևս պետք է արձանագրեմ, որ 2018 թվականից այս կողմ ՏԻՄ ընտրությունները ևս անցնում են շատ հանգիստ պայմաններում, առանց լարվածության և տեղամասերի առջև սևազգեստները այլևս տեսանելի չեն։
Անցնեմ գրառմանս քաղաքական ենթատեքստին․ առաջադրված 48 թեկնածուներից ընդամենը երեք հոգի էին ներկայացված երկու կուսակցությունների կողմից, որոնք սակայն եղած ամփոփ տվյալներով անցողիկ տեղում չհայտնվեցին։ Առաջադրված 7 կին թեկնածուներից ևս որևէ մեկը ներկայացված չի լինի Արտաշատի ավագանիում, թեպետ նախկինում կար 2 ընտրված կին ավագանու անդամ։
ՏԻՄ ընտրություններին ներկայացված լինելը «Լուսավոր Հայաստանի» համար եղել է առաջնային, և մենք կարևոր ենք համարում մեր ներկայացվածությունը համայնքներում։ Այս անգամ մենք ևս Արտաշատում մասնակցություն չունեցանք օբյեկտիվ և սուբյեկտիվ պատճառներով, ինչը ինձ համար շատ մտահոգիչ է։ Մարզկենտրոնում քաղաքական ուժերի մասնակցությունը, ըստ իս, պետք է շատ լիներ և նպաստեր համայնքի կառավարման գործում քաղաքական պատասխանատվության ձևավորմանը։
Եվ ուրեմն ի՞նչն է պատճառը, որ թեկնածուները հակված չեն առաջադրվել որևէ կուսակցության կողմից։ Այս հարցին սպառիչ չեմ կարող պատասխանել, բայց մի գործոն հստակ տեսնում եմ․ ավագանու անդամ են ընտրվել խոշոր կազմակերպությունների ներկայացուցիչները, ինչպիսիք են «Ռոսգոսստրախը», «Վեոլիա ջուրը», գազի սպասարկման «Էյ-Ի-Ջի սերվիսը» և այլ խոշոր ձեռնարկությունների տնօրեններ։ Ակնհայտ է, որ այս անձինք ի բնե կցանկանան պահպանել քաղաքական չեզոքություն թե ավագանու ներսում թե առավել ևս կուսակցական գործիչ դառնալու հարցում։ Մյուս կողմից այս անձինք ունեն էլեկտորալ պոտենցիալ, ինչը որքան էլ պարադոքսալ հնչի՝ ոչ քաղաքական է․․․
Համայնքներում քաղաքական կյանքի ակտիվացումը կարծում եմ լավ կառավարմանն ուղղված հրամայական է։ Պետք է նախաձեռնել ՏԻՄ մարմնի կառավարման ռեֆորմներ, որոնք կենթադրեն ոչ միայն ընտրակարգի վերանայում, այլև բազմաթիվ նոր կոմպոնենտներ, որոնք քաղաքապետ-ավագանի փոխհարաբերությունները կդարձնեն ինստիտուցիոնալ, իսկ մարզերում քաղաքական կյանքը՝ հագեցած»:
11:30 12.07.2025
NYT. Նեթանյահուն միտումնավոր երկարաձգում է պատերազմը Գազայում՝ իշխանությունը պահպանելու համարԻսրայելի վարչապետ Բենիամին Նեթանյահուն կարող էր համաձայնել Գազայում հրադադարի 2024 թվականի ապրիլին, սակայն նա հրաժարվեց դա անել իր քաղաքական գոյատևման համար: Այս մասին հաղորդել է The New York Times-ը ՝ հիմնվելով Իսրայելից, ԱՄՆ-ից և արաբական երկրներից ավելի քան 110 աղբյուրների հետ զրույցների վրա: Հրատարակությունը պարզել է, որ իր ծայրահեղ աջ կոալիցիոն դաշնակիցների ճնշման տակ Նեթանյահուն […] ...
11:20 12.07.2025
Հնդկաստանը հրապարակել է հունիսի 12-ի ավիավթարի վերաբերյալ զեկույցըՀնդկաստանի ավիավթարների հետաքննության բյուրոն (AAIB) հրապարակել է նախնական զեկույցը Air India ավիաընկերության ինքնաթիռի վթարի վերաբերյալ, որը տեղի է ունեցել հունիսի 12-ին Ահմադաբադում: Ներկայացված փաստաթղթում նշվում է, որ վթարի վայրում աշխատանքներն ավարտվել են, այդ թվում՝ անօդաչու թռչող սարքի միջոցով լուսանկարահանումն ու տեսանկարահանումը, և բեկորները տեղափոխվել են օդանավակայանի մոտակայքում գտնվող անվտանգ վայր։ «Երկու շարժիչներն էլ հանվել են […] ...
11:16 12.07.2025
ՄԻՊ-ն անդրադարձել է մանկահասակ երեխաների մորը դատարանի որոշմամբ կալանավորելու մասին ահազանգին2025 թվականի հուլիսի 11-ին Մարդու իրավունքների պաշտպանի աշխատակազմի կողմից սոցիալական մեդիայի և զանգվածային լրատվության միջոցների մշտադիտարկման, ինչպես նաև Պաշտպանի թեժ գծին փաստաբանի կողմից իրականանացրած ահազանգի արդյունքում տեղեկություն է ստացվել առ այն, որ մանկահասակ երեխաների մորը դատարանի որոշմամբ կալանավորում են: «Հարկ ենք համարում հատուկ ընդգծել, որ «Մարդու իրավունքների պաշտպանի մասին» ՀՀ Սահմանադրական օրենքով՝ Պաշտպանն իրավասու չէ […] ...
11:00 12.07.2025
«Ռեալի» համար սկսվում է նոր դարաշրջան. Բեյլ«Սաութհեմփթոնի», «Տոտենհեմի» և «Ռեալի» նախկին ֆուտբոլիստ Գարեթ Բեյլը հայտարարել է, որ մադրիդյան ակումբի համար սկսվում է նոր դարաշրջան։ Ավելի վաղ մադրիդյան ակումբը 0:4 հաշվով ջախջախիչ պարտություն էր կրել ՊՍԺ-ից Ֆուտբոլի ակումբային աշխարհի առաջնության կիսաեզրափակչում։ «Բարսելոնան» և ողջ աշխարհը զգուշացված են. «Ռեալի» համար սկսվում է նոր դարաշրջան», – Բեյլի խոսքերն է մեջբերում Madrid Xtra-ն։ Անցած մրցաշրջանում […] ...
10:40 12.07.2025
ՄԱԿ-ը նշանակել է Պաղեստինի հարցով համաժողովի ամսաթիվըՄերձավոր Արևելքի կարգավորման և Պաղեստինի պետության ճանաչման հեռանկարներին նվիրված ՄԱԿ-ի համաժողովը տեղի կունենա հուլիսի 28-30-ը Նյու Յորքում, «ՌԻԱ Նովոստիին» հայտնել է ՄԱԿ-ի Գլխավոր ասամբլեայի 79-րդ նստաշրջանի նախագահի ներկայացուցիչ Շարոն Բիրչը։ Համաժողովը նախատեսված էր անցկացնել հունիսի 17-21-ը Նյու Յորքում ՝ Սաուդյան Արաբիայի և Ֆրանսիայի համանախագահությամբ։ Տարածաշրջանում հունիսյան լարվածության ֆոնին, մասնավորապես՝ կապված Իսրայելի կողմից Իրանին հասցված հարվածների […] ...
10:22 12.07.2025
Թրամփը դիտարկում է Ուկրաինային հսկայական արժողությամբ զենքի մատակարարման հնարավորությունըԱՄՆ նախագահ Դոնալդ Թրամփը քննարկում է Կիևին հարյուր միլիոնավոր դոլարների արժողությամբ նոր ռազմական օգնության փաթեթ տրամադրելու հարցը, հաղորդում է Politico-ն՝ հղում անելով տեղեկացված աղբյուրներին։ Գումարը կտրամադրվի ԱՄՆ Կոնգրեսի կողմից անցյալ տարի նախագահ Ջո Բայդենի օրոք հաստատված հիմնադրամից, որը «թույլ է տալիս Պենտագոնին դուրս բերել զենքը ԱՄՆ ռազմական պաշարներից Ուկրաինայի համար», – ասվում է հաղորդագրության մեջ: […] ...
