18:20 26.05.2018
«Որևէ մեկը այն անձանցից, ով նախաձեռնել է այդ բողոքի ակցիան, կարծում եմ՝ կասկած չունեն, որ Վճռաբեկ դատարանի կողմից այդ գործի ընդունելը դեռ բոլորովին չի նշանակում դրական որոշում և սպասելիքների արդարացում»,- անդրադառնալով Արցախի Պաշտպանության բանակի նախկին հրամանատար Սամվել Բաբայանի համակիրների ու հարազատների՝ Վճռաբեկ դատարանի մոտ իրականացվող բողոքի ակցիաներին՝ նշել է Մարդու իրավունքների նախկին պաշտպան Լարիսա Ալավերդյանը:
Ըստ Ալավերդյանի՝ Սամվել Բաբայանի գործն այն գործերից է, որ նախնական փուլից, այսինքն՝ իրավապահների կողմից բերված ապացույցներով ու հիմնավորումներով հանդերձ, համոզիչ չէ: Որպես իրավական-հասարակական կազմակերպություն՝ Բաբայանի գործը Լարիսա Ալավերդյանի ղեկավարած կառույցը դիտարկում է ԵԽԽՎ Քաղբանտարկյալների մասին որոշման 5-րդ կետով:
«Արդյո՞ք դատավարական իրավունքները պահպանվել են պատշաճ ձևով և արդյո՞ք այդ դատավարական իրավունքների խախտումները չեն ստեղծում կասկած կամ հիմքեր՝ համարել իրեն քաղաքական պատճառներով դատապարտված: Մենք գտնում ենք, որ այստեղ կա խնդիր, և եթե Վճռաբեկ դատարանը կարողանա բերել մասնագիտական այնպիսի փաստարկներ, որոնք գոնե ինձ կհամոզեին, որ այդտեղ չկա դատավարական նորմերի կամ իրավունքների ոտնահարում, դա կլինի բացասական որոշման հիմք: Բայց մինչ այսօր դատապաշտպանների մեջ, հասարակության մի ստվար զանգվածի մեջ կա համոզմունք, որ այստեղ ոչ միայն իմ նշած դատավարական իրավունքների ոտնահարում կա, այլև նյութական մասով համոզիչ չեն այն բոլոր ապացույցները, որոնք դրվել են դատարանի վճռի հիմքում»,- նշել է Ալավերդյանը:
Ալավերդյանը նաև ընդգծել է, որ շատ կցանկանար, որ Բաբայանի գործով լիներ որևէ կոնսեսուս մասնագետների միջև ու խնդիրը հանգուցալուծվեր, սակայն, մյուս կողմից, համոզմունք է հայտնել, որ կա քաղաքական մտահոգություն շատ գործիչների կողմից, որ Սամվել Բաբայանի՝ ազատության մեջ գտնվելը կարող է բերել կտրուկ հեղափոխական քայլերի որոշ խմբերի կողմից:
«Կա անհանգստություն, որ Սամվել Բաբայանը, հայտնվելով ազատության մեջ, կարող է ինչ որ ալիք, դժգոհության, բարձրացնել ոչ միայն Հայաստանում, այլև Արցախում»,- նշել է Ալավերդյանը՝ միաժամանակ ավելացնելով, որ Հայաստանում նման զարգացումն այլ իրավիճակ է, սակայն եթե նույն սցենարը կրկնվի Արցախում, բոլորովին այլ ընթացք կարող է ունենալ ու բերել այլ ռիսկերի ու վտանգների:
Այդ պատճառով էլ Ալավերդյանը հավաստում է, որ փորձում է ամենայն զգուշավորությամբ արտահայտել բոլոր կողմերի տեսակետը ու ևս մեկ անգամ համոզմունք հայտնել, որ ի սկզբանե սխալ էին սկսվել Բաբայանի գործի նախաքննությունն ու դատավարությունը, որն էլ այսօր ստեղծել է առավել բարդ վիճակ փոխզիջումային եզրեր գտնելու հարցում: Այդ սխալը, ըստ Լարիսա Ալավերդյանի, նախորդ իշխանությունների կոպիտ քայլերի հետևանքն է:
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
16:45 30.04.2025
Բռնության ցանկացած դրսևորում խիստ անընդունելի և դատապարատելի է․ ՄԻՊՄարդու իրավունքների պաշտպան Անահիտ Մանասյանի հանձնարարությամբ աշխատակազմում սկսվել է ուսումնասիրություն Նոր Նորք վարչական շրջանի ղեկավարի աշխատակազմում տեղի ունեցած միջադեպի առնչությամբ։ Պաշտպանի հանձնարարությամբ, արագ արձագանքման խումբ է մեկնել Նոր Նորքի ոստիկանության բաժին՝ հանդիպելու Արթուր Չախոյանին և ձերբակալված այլ անձանց։ Պաշտպանի ներկայացուցիչներն առանձնազրույց են ունեցել նաև Արթուր Չախոյանի փաստաբանների հետ։ Պաշտպանի ներկայացուցիչների այցի ընթացքում պարզվել է, որ […] ...
16:40 30.04.2025
Անչելոտին չի գլխավորի Բրազիլիայի հավաքականը«Ռեալի» գլխավոր մարզիչ Կառլո Անչելոտին չի գլխավորի Բրազիլիայի հավաքականը, հայտնում է Marca-ն: Իտալացի մասնագետը Լոնդոնում հանդիպել ու բանակցել է Բրազիլիայի ֆուտբոլի կոնֆեդերացիայի ներկայացուցիչների հետ, հասել բանավոր համաձայնության: Չնայած դրան՝ «Ռեալի» նախագահ Ֆլորենտինո Պերեսը թույլ չի տվել, որ Անչելոտին ստորագրի պայմանագիրը: «Ռեալի» նախագահին դուր չի եկել այն փաստը, որ Անչելոտին բանակցություններ է վարել մրցաշրջանի այս հատվածում: […] ...
16:36 30.04.2025
51-ամյա արմավիրցին տանը թմրանյութ և զինամթերք էր պահումՔրեական ոստիկանության Արմավիրի մարզային վարչության ծառայողներն տեղեկություն էին ստացել, որ Նոր Արմավիր գյուղի բնակիչներից մեկը տանը և օժանդակ շինություններում պահում է կանեփից պատրաստած թմրամիջոց և զենք-զինամթերք: Նշված բնակարանում իրավապահները հայտնաբերել են մարիխուանա տեսակի թմրամիջոցի նմանվող մոտ 8 գրամ զանգված և 7,62 մմ տրամաչափի ինքնաձիգի փամփուշտներ: Նա ձերբակալվել և ներկայացվել է Քրեական ոստիկանության Արմավիրի մարզային վարչություն: ...
