16:32 10.03.2020
Խոակին դե Խեսուս Կապարոս Կամինյոն ծնվել է 1955 թվականի հոկտեմբերի 15-ին, Իսպանիայի Ուտրերա քաղաքում:
Նա Մադրիդի «Ռեալի» սան է, որտեղ առաջին քայլերն է կատարել ֆուտբոլում: Բայց ֆուտբոլիստի կարիերան Կապարոսի մոտ չի ստացվել: Հանդես գալով մի շարք ակումբներում, որոնց թվում է նաև «Լեգանեսը», նա 26 տարեկանում ավարտել է ֆուտբոլիստի կարիերան և զբաղվել մարզչական գործունեությամբ:
Մինչև 1996 թվականը Կապարոսն աշխատել է ցածր դիվիզիոնների ոչ այնքան հայտնի և սիրողական ակումբներում:
1996 թվականին Կապարոսին հրավիրել են նրա առաջին պրոֆեսիոնալ ակումբ՝ «Ռեկրեատիվո»: Այն ժամանակ թիմը հանդես էր գալիս երրորդ դիվիզիոնում: Նա Իսպանիայի ամենահին թիմում աշխատել է 3 տարի:
1999/2000 մրցաշրջանը սկսել է «Վիլյառեալի» գլխավոր մարզչի պաշտոնում, սակայն հեռացել է Սեգունդայի 7-րդ տուրից հետո:
2000 թվականին Խոակին Կապարոսին հրավիրել են «Սևիլյա»: Այստեղ իսպանացի մասնագետը անցկացրել է 5 տարի: Անդալուզյան ակումբը Կապարոսի գլխավորությամբ Սեգունդայից վերադարձել է Պրիմերա:
«Սևիլյայում» բացահայտել է այնպիսի ֆուտբոլային տաղանդների, ինչպիսիքն են Կարլոս Մարչենան, Խոսե Անտոնիո Ռեյեսը, Խեսուլին և Սերխիո Ռամոսը:
2005 թվականին Կապարոսին «Սևիլյայում» փոխարինեց Խուանդե Ռամոսը ում գլխավորությամբ անդալուզյան ակումբը 2005/06 և 2006/07 մրցաշրջաններում դարձավ ՈւԵՖԱ-ի 
գավաթակիր:
2005 թվականի ամռանը Կապարոսը գլխավորում է Լա Կորունիայի «Դեպորտիվոն»: Երկու մրցաշրջան աշխատելուց հետո հեռացել է գալիսյան ակումբից:
2007 թվականին Կապարոսը գլխավորել է Բիլբաոյի «Աթլետիկը», որի հետ 2009 թվականին հասել է մինչև Իսպանիայի գավաթի և Սուպերգավաթի եզրափակիչներ` երկու խաղերում էլ զիջելով «Բարսելոնային»:
Իսպանացի մասնագետն աշխատել է նաև Քսամաքսում (Շվեյցարիա) – 2011թ., Մալյորկայում (Իսպանիա) – 2011-2013թթ., Լևանտեյում (Իսպանիա) – 2013-2014թթ., Գրանադայում (Իսպանիա) – 2014-2015 թթ., Օսասունայում (Իսպանիա) – 2016-2017թթ., Ալ Ահլիում (Կատար) – 2017թ.:
2018-ի գարնանը Կապարոսը կրկին վերադարձել է «Սևիլյա»: Վինչենցո Մոնտելայի հրաժարականից հետո նա մինչև մրցաշրջանի ավարտը գլխավորել է ակումբը: Մրցաշրջանի ավարտից հետո նա աշխատանքի է անցնել թիմի մարզական տնօրենի պաշտոնում։ Թիմի գլխավոր մարզիչ է նշանակվել Պաբլո Մաչինը:
2019 թվականի մարտի 15-ին Մաչինի հեռանալուց հետո Կապարոսը կրկին` մինչև մրցաշրջանի ավարտը, գլխավորել է անդալուզյան ակումբը:
64-ամյա մասնագետը «Սևիլյայի» ղեկին ամենաշատ հանդիպումներ անցկացրած մարզիչն է։
2019 թվականին Կապարոսը Սևիլյայի նահանգի կողմից պարգևատրվել է Ոսկե մեդալով։
23:59 26.07.2025
Համագործակցության բազմաթիվ ծրագրեր ենք նախանշել. ԿԳՄՍ նախարարը հանդիպել է Հունաստանի մշակույթի և կրթության նախարարների հետՀունաստանի մշակույթի նախարար տիկին Մենդոնիի և կրթության, կրոնի հարցերի ու սպորտի նախարար տիկին Զախարակիի հետ շատ արդյունավետ հանդիպումներ անցկացրեցինք, համագործակցության փաստաթղթեր ստորագրեցինք։ Այս մասին Ֆեյսբուքի իր էջում գրել է ԿԳՄՍ նախարար Ժաննա Անդրեասյանը։ «Մշակույթի ոլորտում առանձին ուշադրություն կդարձնենք մշակութային արժեքների ապօրինի վաճառքի դեմ համատեղ աշխատանքներին, պեղումների և հուշարձանային ոլորտի համագործակցությանը, թանգարանային ցուցադրություններ կունենանք Հայաստանում և […] ...
23:50 26.07.2025
Հրաձգության վազող թիրախ մրցաձևի Եվրոպայի առաջնությունում Աիդա Ազատյանը ոսկե մեդալ է նվաճելՀրաձգության վազող թիրախ նորմալ վազք, երիտասարդներ, անհատական պայքարում Աիդա Ազատյանը՝ լավագույնն է երիտասարդների պայքարում, նա ոսկե մեդալակիր է, իսկ Լիլիթ Մկրտչյանը՝ արծաթե։ Այս մասին հայտնել են Հայաստանի հրաձգության ֆեդերացիայից: Որակավորման փուլում Ազատյանը խոցեց 533, իսկ Մկրտչյանը՝ 528 միավոր, և համապատասխանաբար 3-րդ և 4-րդ տեղերով անցան կիսաեզրափակիչ փուլ։ Կիսաեզրափակչում մեր մարզուհիները հաղթեցին մրցակիցներին և դուրս եկան […] ...
23:47 26.07.2025
Ծառուկյանը ոչ մեկին չի հետաքրքրում․ ՓիմբլեթUFC-ի բրիտանացի մարտիկ Փեդի Փիմբլեթը կարծում է, որ Արման Ծառուկյանն անհետաքրքիր մրցակից է, հաղորդում է One on One-ը: «Արմանը շատ լավ մարտիկ է, բայց նա ոչ մեկին չի հետաքրքրում։ Բոլորը գիտեն, որ Ջասթին Գեյջին արյունարբու մարտիկ է։ Նա լեգենդ է, իսկ Արմանը՝ ոչ։ Այնպես որ, ես ցանկանում եմ մենամարտել լեգենդի հետ»,- ասել է բրիտանացին: Փիմբլեթը, […] ...
23:36 26.07.2025
Արարատի մարզում բախվել են «ՎԱԶ 2106»-ը և «Opel»-ը․ վերջինը կոտրել է գազատար խողովակները․ 4 վիրավորներից մեկին ավտոմեքենայից դուրս են բերել փրկարարները՝ օգտագործելով հատուկ տեխնիկաՀուլիսի 26-ին, խոշոր ավտովթար է տեղի ունեցել Արարատի մարզում։ Ժամը 20։30-ի սահմաններում Երևան-Երասխ ավտոճանապարհին՝ Սուրենավան-Արմաշ գյուղերի միջև ընկած հատվածում բախվել են «ՎԱԶ 2106» մակնիշի և «Opel» մակնիշի ավտոմեքենաները, ինչի հետևանքով վերջինը դուրս է եկել երթևեկելի գոտուց բախվել գազատար խողովակներին և խողովակների հենասյուների վրայից պոկել այն։ Ինչպես հայտնում է shamshyan.com-ը, վթարի հետևանքով 4 հոգի տարբեր աստիճանի մարմնական […] ...
23:22 26.07.2025
Թրամփ. Թաիլանդը և Կամբոջան համաձայնել են անհապաղ հանդիպել՝ քննարկելու հրադադարըԱՄՆ նախագահ Դոնալդ Թրամփը հայտարարել է, որ Կամբոջայի և Թաիլանդի իշխանությունները պատրաստակամություն են հայտնել անհապաղ հանդիպել՝ հրադադարի հարցը քննարկելու համար։ «Նրանք համաձայնել են անհապաղ հանդիպել և արագ աշխատել հրադադարի և, ի վերջո, խաղաղության հասնելու համար», – գրել է նա իր Truth Social – ում։ Թրամփը զգուշացրել է, որ ԱՄՆ-ն առևտրային բանակցություններ չի վարի Թաիլանդի կամ […] ...
23:14 26.07.2025
«Կրասնոդարի» սանը կարիերան կշարունակի «Ալաշկերտում»Երևանի «Ալաշկերտը» հայտարարել է ռուսական «Կրասնոդարի» նիգերիացի կիսապաշտպան Իֆեանի Դավիդ Նդուկայի տրանսֆերի մասին: 21-ամյա ֆուտբոլիստը ռուսական «Վիստայի» ակադեմիայի սան է, խաղացել է նաև Տուլայի «Արսենալում», Սարատովի «Սոկոլում»։ Նիգերիացին մեկ խաղ է անցկացրել Ռուսաստանի Պրեմիեր լիգայում, իսկ հիմնականում հանդես է եկել Ռուսաստանի չեմպիոն «Կրասնոդարի» երկրորդ թիմում: ...
