19:55 10.04.2020
ՀՀ հաշվեքննիչ պալատը անցած տարի ստուգումներ է կատարել Գյումրիի քաղաքապետարանի բաժիններում։ Ստուգման արդյունքում մի շարք բացթողումներ ու թերություններ են արձանագրվել, որոնք վերաբերել են քաղաքային բյուջեի պլանավորման աշխատանքներին և համայնքային բյուջեի ծախսման ընթացքում օրենսդրական դրույթների կիրառմանը։ Գյումրիի քաղաքապետարանին ժամանակ է տրվել թերացումները շտկելու առաջարկություններ ներկայացնելու համար։ Դրանք այսօր ներկայացվել են ավագանու նիստին։ Գյումրիի քաղաքապետի խորհրդական Արարատ Բալաբեկյանը նշել է, որ բացթողումները վերաբերում են նրան, որ բյուջեի պլանավորմանը ապառքները չեն ներառել։ Նա ներկայացրել է պատճառները։
«Պլանավորման և հավաքագրման հետ կապված մեր դիրքորոշումը ներկայացրել ենք Հաշվեքննիչ պալատին՝ կապված, ինչպես իրենք են ասում, թերի պլանավորման հետ ապառքները չներգրավելու բյուջեում։ Բյուջետային համակարգի մասին օրենքը սահմանում է մի քանի սկզբունքներ, որոնցից մեկը իրատեսական է, պլանավորել ենք իրատեսության սահմաններում։ Որոշ ապառքներ գալիս են տարիների խորքից։ 2008-ին համաներում եղավ, ապառքները զրոյացվեցին, բայց հետո նորից կուտակվեցին պարտքեր՝ հողի հարկի և գույքահարկի մասով։ Այս տարի էլ ունենալու ենք նույն պրոբլեմը՝ կապված ներկրված ավտոմեքենաների հետ։ ԵԱՏՄ երկրների շատ քաղաքացիներ ժամանակավոր գրանցվել են տարբեր համայնքներում, այդ թվում՝ Գյումրիում, ձեռք են բերել և շահագործում են իրենց բնակության վայրում։ Այդ գույքահարկերը բազայով ներգրավում ենք, բայց դրա հավաքագրման հետ կապված ունենալու ենք մեծ պրոբլեմներ։ Այդ պրոբլեմներից տեղյակ է նաև կառավարությունը։ Լուծման համար ձեռնարկվում են քայլեր, որոշ բանակցություններ են տարվում այդ երկրների կառավարությունների հետ»,- ասել է Գյումրիի քաղաքապետի խորհրդական Արարատ Բալաբեկյանը։
Գյումրիի քաղաքապետարանը քննարկում է նաև ապառքներից գոյացած տույժ ու տուգանքները ներելու առաջարկություն ներկայացնելու հարցը։ Գյումրիի ավագանու այսօրվա նիստում հաստատվել են նաև մի քանի սուբվենցիոն հայտեր, որոնցով նախատեսվում է քաղաքի ու պետբյուջեի համաֆինանսավորմամբ Գյումրիում 18 երկրորդական փողոց հիմնանորոգել, կոմունալ տեխնիկա և ավտոբուսներ ձեռք բերել, կենտրոնական հրապարակի շատրվանները արդիականացնել, այգիներում ու պուրակներում նստարաններ, աղբամաններ տեղադրել, կառուցել հանրային զուգարաններ։
12:28 07.05.2025
Ուրսուլա ֆոն դեր Լայենը կոչ է անում արագացնել Ուկրաինայի անդամակցությունը ԵՄ-ինԵվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ ԵՄ-ն պետք է արագացնի Ուկրաինայի անդամակցության գործընթացը և Կիևի հետ սկսի էական բանակցություններ արդեն 2025 թվականին։ «Մենք պետք է արագացնենք Ուկրաինայի՝ մեր միությանը անդամակցելու ուղին։ Սա միայն Ուկրաինայի ձգտումը չէ։ Այն կարող է լինել անվտանգության ամենահուսալի երաշխիքը։ Մենք ջանասիրաբար աշխատում ենք Ուկրաինայի հետ՝ անդամակցության բանակցությունների […] ...
12:22 07.05.2025
Արվեստի ստեղծագործությունների առքուվաճառքի կանոնակարգման նպատակով օրենքի նախագիծ է մշակվելՀՀ կառավարությունը հանդես է եկել կարեւոր օրենսդրական նախաձեռնությոմբ, որը նոր էջ է բացում արվեստի ստեղծագործությունների առքուվաճառքի կանոնակարգման, ներգրավված բոլոր շահառուների շահերի պաշտպանության, արվեստի դաշտում շուկայական նոր հարաբերությունների ձեւավորման տեսանկյունից: Այս մասին ասել է ԿԳՄՍ նախարարի տեղակալ Ալֆրեդ Քոչարյանը՝ Ազգային ժողովի՝ մայիսի 7-ի հերթական նիստում առաջին ընթերցմամբ քննարկման ներկայացնելով «Մշակութային աճուրդների կազմակերպման մասին» օրենքի նախագիծը՝ կից […] ...
12:15 07.05.2025
Մարտական հերթապահություն իրականացնող զինծառայողի ամսական աշխատավարձը առնվազն 220 հազար դրամ է. փոխնախարարՀայաստանի պաշտպանության նախարարի տեղակալ Արման Սարգսյանը Ազգային ժողովի նիստում արձագանքեց «Հայաստան» խմբակցության պատգամավոր Գեղամ Մանուկյանի հայտարարությանը, որով վերջինս քննադատել էր զինծառայողներին վճարվող ցածր աշխատավարձերը՝ նշելով օրական 1700 դրամի չափը։ «Արմենպրես»-ի հաղորդմամբ՝ Արման Սարգսյանը հերքեց այս տվյալը։ «Օրական 1700 դրամ աշխատավարձ առհասարակ չունենք։Մարտական հերթապահություն իրականացնող պայմանագրային զինծառայողները ստանում են օրական առնվազն 4 հազար դրամ, իսկ դա […] ...
12:07 07.05.2025
Խորհրդարանը շարունակել է հերթական նիստերի աշխատանքը. նախատեսվում է «արգելոց-թանգարան» եզրույթը փոխարինել «հնավայր-թանգարան» եզրույթովՄայիսի 7-ին խորհրդարանը շարունակել է հերթական նիստերի աշխատանքը: «Պատմության եւ մշակույթի անշարժ հուշարձանների ու պատմական միջավայրի պահպանության եւ օգտագործման մասին» օրենքում օգտագործվում է «արգելոց» բառը, ինչը չի համապատասխանում միջազգային տերմինաբանությանը: Նախատեսվում է «արգելոց-թանգարան» եզրույթը փոխարինել «հնավայր-թանգարան» եզրույթով: Այս մասին ասել է ՀՀ կրթության, գիտության, մշակույթի եւ սպորտի նախարարի տեղակալ Ալֆրեդ Քոչարյանը: Առաջին ընթերցմամբ քննարկվել է […] ...
11:57 07.05.2025
50-ամյա տղամարդու մոտ և մեքենայում մարիխուանա է հայտնաբերվելՔրեական ոստիկանության Արմավիրի մարզային վարչության ծառայողները տեղեկություններ էին ստացել, որ Արագածոտնի մարզի Աշնակ գյուղի բնակիչ 50-ամյա տղամարդը թմրանյութ է պահում և օգտագործում: Քրեական ոստիկանները և մարզի պարեկները, համատեղ ձեռնարկած միջոցառումների արդյունքում, Դալարիկ-Քարակերտ ճանապարհին 50-ամյա տղամարդուն հայտնաբերել, ձերբակալել և իր վարած «Քրայսլեր» մակնիշի մեքենայով հանդերձ՝ տեղափոխել են վարչություն: 50-ամյա աշնակցու անձնական խուզարկությամբ հայտնաբերվել է շուրջ 3 […] ...
