13:14 06.05.2020
ԱԺ «Բարգավաճ Հայաստան» խմբակցության անդամ Սերգեյ Բագրատյանն այսօր ՀՀ վարչապետին հարց ուղղեց համավարակից հետո տնտեսության վիճակի և վերագործարկման հնարավորությունների մասին: Պատգամավորը հետաքրքրվեց՝ կա՞ մեխանիզմ՝ ինչպես տնտեսությունը բերել նախկին մակարդակին:
«Ես ուզում եմ ասել՝ մեր քննարկումներում մեզ արգելել ենք խոսել տնտեսությունը նախկին վիճակին բերելու անհրաժեշտության մասին, քանի որ եթե բերենք այդ վիճակին, կհամարենք, որ խոշոր պարտություն ենք կրել: Մենք տնտեսությունը պետք է բերենք նոր վիճակի: Մեր նպատակադրումն այդպիսին է: Տնտեսությունը նոր վիճակի բերելու գործիքակազմերի մեջ կարող են լինել բազմաթիվ գործիքներ, բայց կա մի գործիք, որը աներկբա է և միանշանակ, այդ գործիքը կրթությունն է, եթե այս ոլորտում չունենանք լուրջ ներդրումներ, չդարձնենք ազգային ապրելակերպ, յուրաքանչյուրն իր առաջ պետք է խնդիր ունենա յուրաքանչյուր հաջորդ օրը լինել ավելի հմուտ, բարձր պրոֆեսիոնալ մակարդակի՝ սկսած վարչապետից մինչև փականագործ»,- ասաց վարչապետը:
Գյուղատնտեսության վարկավորմանն անդրադառնալով՝ Փաշինյանը տեղեկացրեց՝ 6 մլրդ տվել են բանկերին, որ վերահասցեագրեն գյուղատնտեսությանը, իսկ երեկ որոշում է կայացվել, որ ևս երկու միլիարդ կտրամադրեն, այս անգամ՝ 50-50 սկզբունքով: Վարչապետը շեշտեց՝ միջոցների սահմանափակության թեմա չկա, հարցն այն է՝ արդյո՞ք պահանջարկը հարյուր տոկոսով պետք է բավարարեն:
«659 խոշոր վարկ ենք ֆինանսավորել, սա ենթադրում է, որ այս ոլորտում կստեղծվեն աշխատատեղեր: Չեմ կարծում, թե բոլոր վարկային հայտերը պետք է բավարարենք, միայն նրանք, որոնք հաջողության հասնելու հնարավորություն ունեն, քանի որ եթե հաջողության հասնելու հնարավորություն չունեցող վարկը ֆինանսավորենք , դուք բոլորդ արդարացիորեն կասեք՝ գյուղացին էլի ընկավ վարկի տակ»,- նշեց նա:
Վարչապետը տեղեկացրեց՝ ամենօրյա ռեժիմով աշխատում են բոլոր նախարարների, պատասխանատուների հետ, օրը երկու ժամ տրամադրում են հակաճգնաժամային տնտեսական միջոցների քննարկմանը:
«Եթե ակնկալում եք, որ ես իմ և մեր կառավարության աշխատանքից երբևէ պետք է գոհ լինեմ, մոռացե՛ք դա: Եթե աստղեր էլ իջեցնենք, ասելու եմ՝ մոլորակներ իջեցրե՛ք»,- ասաց Փաշինյանը:
Նա խոստովանեց՝ իրենք ականջալուր են լինում նաև ընդդիմության խորհուրդներին, դժգոհություններին:
«Ճիշտ է, կարող է՝ ռեակցիա ենք տալիս, կռիվ անում, բայց հետո սկսում ենք մտածել: Մենք, փառք Աստծո, բռնապետական երկիր չենք: Մինչ զեկուցում էի, պարզվեց՝ Freedom House կազմակերպության «Անցումային երկրներ» զեկույցի պատմության մեջ Հայաստանը ժողովրդավարության բարելավման ամենաբարձր ցուցանիշն է արձանագրել»,- ասաց նա:
18:40 29.06.2025
Իսրայելը Գազայում ոչնչացրել է ՀԱՄԱՍ-ի հիմնադիրներից մեկին
18:20 29.06.2025
Արևմտյան ափին գաղութաբնակները հարձակվել են իսրայելցի զինվորների վրաՀրեա գաղութաբնակների մի խումբ հարձակվել է իսրայելցի զինվորների վրա Արևմտյան ափին, հաղորդում է բանակի մամուլի ծառայությունը։ Այդ հայտարարության համաձայն՝ միջադեպը տեղի է ունեցել հունիսի 28-ի գիշերը՝ պաղեստինյան Քաֆր Մալիկ գյուղի մոտակայքում։ Հաղորդագրության մեջ նշվում է, որ մի խումբ վերաբնակիչներ՝ իսրայելցի քաղաքացիներ, շարժվել են դեպի տարածքի փակ ռազմական գոտի, որի կապակցությամբ դեպքի վայր են ուղարկվել զինվորականներ։ […] ...
17:58 29.06.2025
Միխալ Չեշլյակը WBC-ի ծանր քաշային կարգի գոտու համար մենամարտում հաղթել է 42-ամյա Ժան ՊասկալինԿանադայում կայացած WBC-ի ծանր քաշային կարգի ժամանակավոր չեմպիոնի կոչման համար մենամարտում լեհ բռնցքամարտիկ Միխալ Չեշլյակը հաղթել է 42-ամյա կանադացի Ժան Պասկալին (37-8-1, 21 նոկաուտ): Չեշլյակը նոկաուտի է ենթարկել վետերան մրցակցին չորրորդ ռաունդում: Սա լեհ բռնցքամարտիկի 28-րդ հաղթանակն է պրոֆեսիոնալ ռինգում, 22-ը` նոկաուտով, նա նաև երկու պարտություն ունի: Չեշլյակը ժամանակավոր գոտու համար պետք է մենամարտեր Յամիլ […] ...
17:38 29.06.2025
Կուրիլյան կղզիների հարավում 4.1 մագնիտուդով երկրաշարժ է տեղի ունեցելԿիրակի օրը Կուրիլյան կղզիների հարավային ափերի մոտ 4,1 մագնիտուդով երկրաշարժ է տեղի ունեցել, «ՌԻԱ Նովոստի»-ին հայտնել է Յուժնո-Սախալինսկի սեյսմիկ կայանի ղեկավար Ելենա Սեմենովան։ «Հունիսի 29-ին, ժամը 14:46-ին (Մոսկվայի ժամանակով 6:46) Խաղաղ օվկիանոսում տեղի է ունեցել 4.1 մագնիտուդով երկրաշարժ։ Էպիկենտրոնը գտնվել է Իտուրուպ կղզու Ռեյդովո գյուղից 223 կիլոմետր արևելք, օջախը՝ 52 կիլոմետր խորության վրա», – ասել […] ...
17:18 29.06.2025
Նորվեգիան չի խոչընդոտում վարձկանների մուտքը Ուկրաինա․ դեսպանՆորվեգիայի իշխանությունները չեն խոչընդոտում վարձկանների Ուկրաինա մեկնելուն, նրանք սահմանափակվում են միայն ճանապարհորդությունից զերծ մնալու առաջարկություններով, նորվեգացի զինվորներից մի քանիսն արդեն մահացել են, «ՌԻԱ Նովոստի»-ին տված հարցազրույցում ասել է Օսլոյում Ռուսաստանի դեսպան Նիկոլայ Կորչունովը։ «Տեղական լրատվամիջոցների տվյալներով՝ Ուկրաինայի զինված ուժերի կողմից մարտերին տարբեր կարգավիճակով կարող էին մասնակցել տասնյակ նորվեգացի զինվորներ, որոնցից մի քանիսն արդեն զոհվել են […] ...
17:05 29.06.2025
Հրդեհ Սեբաստիայի փողոցում․ կա տուժածՀունիսի 29-ին, ժամը 13:00-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սեբաստիայի փողոցի շենքերից մեկում հրդեհ է բռնկվել: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 13:26-ին, մարվել՝ 13:36-ին: Այրվել է բնակարաններից մեկի ննջասենյակի (15 քմ) կահույքը՝ մասամբ, ջերմահարվել՝ շքամուտքի պատը […] ...
17:00 29.06.2025
Հայ սամբիստները 9 մեդալ են նվաճել ԿրասնոդարումԿրասնոդարում անցկացված «Սամբոյի Գրան Պրի» միջազգային մրցաշարում Հայաստանի ներկայացուցիչները 9 մեդալ են նվաճել: Մարզական սամբոյում Կարեն Սարգսյանը (58 կգ) ոսկե մեդալակիր է դարձել, Կառլեն Շահինյանը (71 կգ) և Ալեքս Ստեփանյանը (79 կգ) արծաթե մեդալ են նվաճել, Դավիթ Աբրահամյանն (71 կգ) ու Արման Մանուկյանը (+98)՝ բրոնզե մեդալներ: Մարտական սամբոյում Մայիս Ներսիսյանը (64 կգ) և Արման Ավանեսյանը […] ...
