16:10 06.05.2020
Ավելի վաղ հայտնել էինք՝ նախօրեին ՀՀ շրջակա միջավայրի նախարար Էրիկ Գրիգորյանը հրաժարական է տվել, իսկ Արգիշտի Քյարամյանը նշանակվել է ԱԱԾ տնօրենի տեղակալ: «Իմ քայլը» խմբակցության ղեկավար Լիլիթ Մակունցը լրագրողների հետ զրույցում, պատասխանելով հարցերին, ասաց հետևյալը.
«Արդեն վարչապետի մամուլի խոսնակը նշել է, որ ԱԱԾ պետի տեղակալի հետ կապված քաղաքական նշանակում է եղել, ինչ վերաբերում է պարոն Գրիգորյանին, ապա նրա դիմումի հիման վրա կայացվել է այդ որոշումը»:
Լիլիթ Մակունցն անդրադարձավ նաև Սահմանադրական հանրաքվեին, նշեց.
«Գիտեք, որ հիմա, իհարկե, մեզ մոտ քննարկումներ տեղի են ունենում հետագա մեր գործողությունների առնչությամբ, որովհետև հասկանալի է՝ կան հստակ սահմանափակումներ կորոնավիրուսով պայմանավորված, և, բնականաբար, քանի դեռ վտանգ է ներկայացնում իրենից բազմամարդ միջոցառումներ անցկացնելը, այդ թվում՝ հանրահավաքը, բնականաբար, դա տեղի չի ունենա: Երբ մենք վերջնական որոշում կունենանք հետագա գործողությունների առնչությամբ, անպայման հրապարակային կտեղեկացնենք, որովհետև դա իսկապես կարևոր հարցի առնչվող միջոցառում է: Այս պահին դեռ վերջնական որոշում չունենք, թե ինչ ենք անելու»:
Հարցին, թե Գուրգեն Խաչատրյանը, որին կալանավորելու որոշում էր կայացվել, փախուստի է դիմել, ո՞ւմ թերացումն է դա, Մակունցը պատասխանեց հետևյալը.
«Ես նախորդ շաբաթ էլ այդ առումով հնչեցրեցի առաջարկ, որ «Իմ քայլը» խմբակցությունը բաց է և համագործակցային իրավապահ համակարգին օգնելու՝ տրամադրելով այն բոլոր լրացուցիչ գործիքները, որոնք իրենց աշխատանքը կդարձնեն ավելի արդյունավետ: Մենք, իհարկե, առանց նրանց հետ աշխատելու, համագործակցելու գործիքներ ստեղծելուն այդքան էլ հակված չենք, որովհետև հասկանում ենք՝ իրավապահ համակարգում ցանկացած նմանատիպ գործիք կարող է մի բանի օգուտ տալ և 10 այլ բանի վնասել»:
«Հետևաբար, մենք ակնկալում ենք, որ իրավապահ համակարգից կգա առաջարկ, թե իրենց ինչ է պետք ավելի արդյունավետ աշխատելու համար: Եթե նման լրացուցիչ գործիքների կարիք կա, մենք՝ որպես օրենսդիրներ, մեր լիազորությունների շրջանակներում պատրաստ ենք աշխատել և օգնել նրանց: Իսկ եթե չկա լրացուցիչ գործիքների անհրաժեշտություն, ապա այստեղ հարցը տեղափոխվում է բոլորովին այլ դաշտ, և չեմ կարող չհնչեցնել նաև «Իմ քայլը» խմբակցության կողից նմանատիպ դեպքերի առնչությամբ մտահոգություն»,- եզրափակեց խոսքը Մակունցը:
18:50 29.06.2025
Անգլիայի Մ21 հավաքականը երկրորդ անգամ անընդմեջ դարձավ Եվրոպայի չեմպիոնՖուտբոլի Անգլիայի Մ21 հավաքականը երկրորդ անգամ անընդմեջ նվաճել է Եվրոպայի երիտասարդական առաջնության չեմպիոնի կոչումը: Սլովակիայում կայացած եզրափակչում անգլիացիները 3-2 հաշվով հաղթել են Գերմանիայի Մ21 հավաքականին: Խաղի հիմնական ժամանակն ավարտվել է 2-2 հաշվով: Լրացուցիչ ժամանակում` 92-րդ րոպեին, անգլիացիներից հաղթական գոլ է խփել ֆրանսիական «Մարսելի» հարձակվող Ջոնաթան Ռոուն: ...
18:40 29.06.2025
Իսրայելը Գազայում ոչնչացրել է ՀԱՄԱՍ-ի հիմնադիրներից մեկինԻսրայելի պաշտպանության ուժերը (IDF) հայտարարել են Գազա քաղաքում արմատական ՀԱՄԱՍ շարժման հիմնադիրներից մեկի՝ կազմակերպության ռազմական թևի շտաբի պետի վերացման մասին։ «Իսրայելի պաշտպանության բանակը հարձակվել և սպանել է ահաբեկիչ Հահամ Մոհամմեդ Իսա ալ-Իսային, որը ՀԱՄԱՍ-ի հիմնադիրներից մեկն է: Նա ահաբեկչական կազմակերպության ռազմական թևի շտաբի պետն էր», – ասվում է Իսրայելի պաշտպանության բանակի հայտարարության մեջ: Մամուլի ծառայությունը […] ...
18:20 29.06.2025
Արևմտյան ափին գաղութաբնակները հարձակվել են իսրայելցի զինվորների վրաՀրեա գաղութաբնակների մի խումբ հարձակվել է իսրայելցի զինվորների վրա Արևմտյան ափին, հաղորդում է բանակի մամուլի ծառայությունը։ Այդ հայտարարության համաձայն՝ միջադեպը տեղի է ունեցել հունիսի 28-ի գիշերը՝ պաղեստինյան Քաֆր Մալիկ գյուղի մոտակայքում։ Հաղորդագրության մեջ նշվում է, որ մի խումբ վերաբնակիչներ՝ իսրայելցի քաղաքացիներ, շարժվել են դեպի տարածքի փակ ռազմական գոտի, որի կապակցությամբ դեպքի վայր են ուղարկվել զինվորականներ։ […] ...
17:58 29.06.2025
Միխալ Չեշլյակը WBC-ի ծանր քաշային կարգի գոտու համար մենամարտում հաղթել է 42-ամյա Ժան ՊասկալինԿանադայում կայացած WBC-ի ծանր քաշային կարգի ժամանակավոր չեմպիոնի կոչման համար մենամարտում լեհ բռնցքամարտիկ Միխալ Չեշլյակը հաղթել է 42-ամյա կանադացի Ժան Պասկալին (37-8-1, 21 նոկաուտ): Չեշլյակը նոկաուտի է ենթարկել վետերան մրցակցին չորրորդ ռաունդում: Սա լեհ բռնցքամարտիկի 28-րդ հաղթանակն է պրոֆեսիոնալ ռինգում, 22-ը` նոկաուտով, նա նաև երկու պարտություն ունի: Չեշլյակը ժամանակավոր գոտու համար պետք է մենամարտեր Յամիլ […] ...
17:38 29.06.2025
Կուրիլյան կղզիների հարավում 4.1 մագնիտուդով երկրաշարժ է տեղի ունեցելԿիրակի օրը Կուրիլյան կղզիների հարավային ափերի մոտ 4,1 մագնիտուդով երկրաշարժ է տեղի ունեցել, «ՌԻԱ Նովոստի»-ին հայտնել է Յուժնո-Սախալինսկի սեյսմիկ կայանի ղեկավար Ելենա Սեմենովան։ «Հունիսի 29-ին, ժամը 14:46-ին (Մոսկվայի ժամանակով 6:46) Խաղաղ օվկիանոսում տեղի է ունեցել 4.1 մագնիտուդով երկրաշարժ։ Էպիկենտրոնը գտնվել է Իտուրուպ կղզու Ռեյդովո գյուղից 223 կիլոմետր արևելք, օջախը՝ 52 կիլոմետր խորության վրա», – ասել […] ...
17:18 29.06.2025
Նորվեգիան չի խոչընդոտում վարձկանների մուտքը Ուկրաինա․ դեսպանՆորվեգիայի իշխանությունները չեն խոչընդոտում վարձկանների Ուկրաինա մեկնելուն, նրանք սահմանափակվում են միայն ճանապարհորդությունից զերծ մնալու առաջարկություններով, նորվեգացի զինվորներից մի քանիսն արդեն մահացել են, «ՌԻԱ Նովոստի»-ին տված հարցազրույցում ասել է Օսլոյում Ռուսաստանի դեսպան Նիկոլայ Կորչունովը։ «Տեղական լրատվամիջոցների տվյալներով՝ Ուկրաինայի զինված ուժերի կողմից մարտերին տարբեր կարգավիճակով կարող էին մասնակցել տասնյակ նորվեգացի զինվորներ, որոնցից մի քանիսն արդեն զոհվել են […] ...
