22:25 09.07.2020
Այս տարի պետբյուջեի ֆինանսավորմամբ հիմնանորոգման ծրագրում են ընդգրկվել Շիրակի մարզի մի շարք հանրապետական ու մարզային նշանակության ճանապարհներ: Հիմնանորոգվում են 3 կարևոր մայրուղիները՝ Երևան-Գյումրի-Բավրա, Արմավիր – Գյումրի և Հոռոմ- Արթիկ – Ալագյազ ճանապարհահատվածը: Հոռոմ-Արթիկ -Ալագյազ ճանապարհը երկու մարզերի տարածքով է անցնում՝ Շիրակի և Արագածոտնի, Շիրակի մարզում հիմնանորոգվում է 4 ու կես կիլոմետրանոց հատվածը: Այն ճանապարհներից է, որը 13 տարի առաջ հիմնանորոգվել է, բայց ընդամենը միաշերտ ասֆալտ է փռվել: Իսկ հիմա հիմնային խնդիրներ են առաջացել՝ նստվածքային հատվածներ կան ճանապարհին:
Հոռոմ-Արթիկ-Ալագյազ ճանապարհի հիմնանորոգման ծրագրերում ընդգրկված հատվածը միացնում է Գուսանագյուղը Հոռոմի խաչմերուկին: Հանրապետական նշանակության ճանապարհ է և հանդիսանում է տարանցիկ երկու կարևոր՝ Երևան-Գյումրի և Արմավիր-Գյումրի մայրուղիների համար: Տարանցիկ ճանապարհը շարքից դուրս էր եկել՝ ճաքեր ու նստավածքներ էին առաջացել:
«2007թվին է նորոգվել, բայց վրայի մենակ 5 սմ ասֆալտբետոնի ծածկն է եղել, հիմքին, ինչքան գիտեմ, ձեռք չեն տվել: Հիմա տեղեր կա, որ ծածկը քանդելուց հետո արդեն պարզ է դառել, որ գրունտը չի ապահովում ամրություն: Ներքևում հատվածներ ունենք, որ սևահող է կամ կավահող»,-SHANTNEWS-ին ասել է ճանապարհաշինական ընկերության աշխղեկ Վարդան Արզումանյանը:
13 տարի առաջ, երբ հիմնանորոգել են ճանապարհը, հիմքերի ամրացում չի կատարվել: Ճանապարհի առանձին հատվածներում նստվածքներ են ու շատ թույլ գրունտ:
Հիմնանորոգման աշխատանքներ են կատարվում նաև Երևան-Գյումրի-Բավրա ուղղությամբ, ճանապարհաշինական սուբվենցիոն հաստատված հայտերով տասնյակ մրցույթներ են կայացել ու նորերը հայտարարվել: Ճանապարհաշինության բաժնի պետը թվերով է ներկայացնում, թե ինչքան երկարության ու ինչ արժեքով աշխատանքներ են այս տարի մարզում կատարվելու:
«Մեր մարզում կիրականացվի, այս պահի դրությամբ, 4 մլրդ դրամի և 28,5 կմ երկարության ճանապարհների հիմնանորոգման աշխատանքներ: Ի դեպ, ասեմ, որ շինաշխատանքներ կսկսվեն մարզային, տեղական նշանակության ևս մեկ ճանապարհահատվածում: Դա Շիրակ-Կամո ճանապարհն է, որի մրցութային գործընթացն արդեն ավարտվել է»,-SHANTNEWS-ին ասել է Շիրակի մարզպետարանի տրանսպորտի և ճանապարհաշինության բաժնի պետ Խաչատուր Խնձրցյանը:
Ամենաշուտը Արմավիր-Գյումրի մայրուղում էին աշխատանքերը սկսվել: Բայց կարճ ժամանակ անց էլ դադարեցվեցին: Ասֆալտաշերտը հեռացնելուց հետո հիմնային աշխատանքներ են ի հայտ եկել, որոնք նախագծերում հաշվի առնված չեն եղել: Հիմա հիմնային աշխատանքների նոր նախագիծ է կազմվելու: Վերսկսման ժամկետները հստակ չեն, բայց մարզպետարանի պատասխանատուն վստահ նշում է, որ հիմնանորոգումն այս տարի կավարտեն:
Հոռոմ-Արթիկ-Ալագյազը 32 ու կես կիլոմետր է: Շիրակի մարզի 4 ու կես կմ այս տարի, ևս 6 կմ հաջորդ տարի է նախատեսված: Ընդհանուր առմամբ Շիրակի մարզի շուրջ 200 կմ տեղական ու մարզային նշանակության ճանապարհ վատ քանդված կամ անանցանելի վիճակում է: Հաջորդ տարի նախատեսվում է ծրագրում ընդգրկել ճանապարհներ Արթիկի տարածաշրջանում, ինչպես նաև Գյումրի-Հացիկ հատվածը:
23:59 06.07.2025
BRICS-ի առաջնորդները կոչ են արել Իսրայելին դուրս բերել զորքերը ՍիրիայիցՌիո դե Ժանեյրոյում կայացած գագաթնաժողովից հետո ընդունված հայտարարության մեջ BRICS պետությունների ղեկավարները վերահաստատեցին իրենց հավատարմությունը Սիրիայի անկախությանը, ինքնիշխանությանը և տարածքային ամբողջականությանը և կոչ արեցին Իսրայելին դուրս բերել իր զորքերը երկրից։ «Մենք վերահաստատում ենք մեր հավատարմությունը Սիրիայի ինքնիշխանությանը, անկախությանը, միասնությանը և տարածքային ամբողջականությանը»,-ասվում է հռչակագրում։ Տեքստում նաև կոչ է արվում Իսրայելին անհապաղ դուրս բերել իր զորքերը […] ...
23:40 06.07.2025
Եգիպտոսի վարչապետը կոչ է արել BRICS-ին առաջընթաց գրանցել ազգային արժույթներով հաշվարկների հարցումBRICS երկրները պետք է առաջընթաց գրանցեն ազգային արժույթներով հաշվարկների հարցում, հայտարարել է Եգիպտոսի վարչապետ Մոստաֆա Մադբուլին։ ԲՐԻԿՍ-ի տասնյոթերորդ գագաթնաժողովը տեղի է ունենում Ռիո դե Ժանեյրոյում հուլիսի 6-7-ը։ Բրազիլիա մեկնած ռուսական պատվիրակությունը գլխավորում էր Ռուսաստանի արտաքին գործերի նախարար Սերգեյ Լավրովը։ «Մենք պետք է առաջընթաց գրանցենք ազգային արժույթներով ֆինանսական հաշվարկներում՝ համապատասխան BRICS-ի միջսահմանային հաշվարկների նախաձեռնությանը, և ավելացնենք […] ...
23:18 06.07.2025
Բրազիլիայի նախագահը կոչ է արել ընդլայնել ՄԱԿ-ի Անվտանգության խորհուրդըԲրազիլիայի նախագահ Լուիս Ինասիո Լուլա դա Սիլվան կոչ է արել ընդլայնել ՄԱԿ-ի Անվտանգության խորհուրդը՝ որպես մշտական անդամներ ներառելով ասիական, աֆրիկյան և լատինաամերիկյան պետություններին։ «Մեր առջև ծառացած վստահության ճգնաժամը հաղթահարելու համար մենք պետք է խորապես փոխենք ՄԱԿ-ի Անվտանգության խորհուրդը։ Այն դարձնենք ավելի լեգիտիմ, ներկայացուցչական, արդյունավետ և ժողովրդավարական։ Ներառենք նոր մշտական անդամներ Ասիայից, Աֆրիկայից, Լատինական Ամերիկայից և […] ...
23:00 06.07.2025
Ըմբշամարտիկ Սարգիս Բեգոյանը՝ Եվրոպայի չեմպիոնԻտալիայում ընթացող մինչև 20 տարեկանների ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Սարգիս Բեգոյանը (61 կգ) նվաճեց ոսկե մեդալ։ Եզրափակիչ գոտեմարտում Բեգոյանը մրցեց Ռուսաստանի ներկայացուցչի՝ Ադլան Սայտիևի հետ։ Այս մասին տեղեկացնում է Հայաստանի ըմբշամարտի ֆեդերացիան: ...
22:40 06.07.2025
Անցած աշխատանքային շաբաթը Շրջակա միջավայրի նախարարության ենթակա կառույցներումՀՀ Շրջակա միջավայրի նախարարությունը ամփոփել է անցած աշխատանքային շաբաթը նախարարության ենթակա կառույցներում․ «Անցած աշխատանքային շաբաթը Շրջակա միջավայրի նախարարության ենթակա կառույցներում ՀՀ ՇՄՆ էկոպարեկային ծառայությունում Ծառայության պետ Վլադիմիր Կիրակոսյանի գլխավորած աշխատանքային խումբը մասնակցել է Սյունիքի մարզային վարչության Կապանի տեղամասում տեսուչների երդմնակալության հանդիսավոր արարողությանը: Աշխատանքային այցով եղել են Սյունիքի մարզպետարանում. կողմերը վերահաստատել են համագործակցության իրենց հանձնառությունը։ Կիրակոսյանը […] ...
22:20 06.07.2025
Պուտին. Լիբերալ գլոբալիզացիան սպառել է իր օգտակարությունը, մինչդեռ BRICS-ը աճ է ցույց տալիսԱրևմուտքի կողմից ձևավորված գլոբալիզացիայի լիբերալ մոդելը սպառել է իր օգտակարությունը, և գործարար գործունեության տեղափոխումը զարգացող երկրներ խթանում է հզոր տնտեսական աճ, այդ թվում՝ BRICS-ում: Սա նշել է Ռուսաստանի նախագահ Վլադիմիր Պուտինը՝ ասոցիացիայի գագաթնաժողովում տեսակապի միջոցով ելույթ ունենալով: «Գլոբալ տնտեսական կարգի փոփոխությունը շարունակում է թափ հավաքել։ Ամեն ինչ ցույց է տալիս, որ լիբերալ գլոբալացման մոդելը հնանում […] ...
