Ֆիլիպ Մորրիս Արմենիա․ կիսելով արժեքները, կիսելով մարտահրավերները

Վերջին տարիներին բավականին սրվել է բիզնեսի ու հասարակության միջև բևեռացումը։ Հասարակությունը հենց բիզնեսին է ճանաչում տնտեսական, էկոլոգիական ու մշակութային խնդիրների գլխավոր պատճառ։ Ամերիկացի տնտեսագետ, Նոբելյան
մրցանակակիր Մայքլ Պորտերն առաջարկել է բիզնես-հասարակություն բևեռացմանը լուծում տալու յուրահատուկ տարբերակ։ Պորտերի առաջարկը բիզնեսի փոխակերպումն է այնպես, որ հասարակության հետ ստեղծվի համընդհանուր արժեք՝ հաշվի
առնելով հասարակական շահերն ու պահանջմունքները։ Իր մոտեցումը Պորտերն անվանել է Կորպորատիվ համընդհանուր արժեքի տեսություն (Corporate Shared Value)։

Հիմնական տարբերությունը կորպորատիվ սոցիալական պատասխանատվությունից (Corporate Social Responsibility) այն է, որ բիզնեսը ոչ թե պարզապես շահույթի մի մասը վերադարձնում է հասարակությանը՝ բարեգործության տեսքով, այլ տնտեսվարման ամեն փուլում հաշվի է առնում հասարակական պահանջը։ Կարճ ասած, հասարակության հետ համընդհանուր արժեք ստեղծել նշանակում է հասարակությանը օգտակար լինել՝ ոչ միայն հարկերի վճարման կամ բարեգործության միջոցով, այլ ամեն քայլի, ամեն բիզնես գործընթացի, ամեն նախագծի միջոցով։

Ֆիլիպ Մորրիս Ինթերնեյշնլ ընկերությունը համընդհանուր արժեք ստեղծելու գաղափարախոսությունը որդեգրել է տասից ավելի տարի առաջ՝ հաշվի առնելով սիգարետի համեմատ ավելի լավ այլընտրանք ունենալու հասարակական պահանջը։ Եվ այսօր գոյություն ունի գիտական ուժեղ հենք ունեցող արտադրանք, որը չափահաս ծխողներին օգնում է նիկոտին ստանալ ավելի քիչ վնասակար եղանակով։  Ի՞նչ կարող է անել ընկերությունը սրանից առավել։ Ինչպե՞ս այն կարող է օգտակար լինել հայ հասարակությանը։ Թերևս, Ֆիլիպ Մորրիսի գլխավոր արժեքը Հայաստանում միջազգային ընկերության բիզնես մշակույթը, գիտելիքներն ու տեխնոլոգիական փորձառնությունն է։ Բոլոր գործողությունները կազմակերպվում ու իրագործվում են ի շահ բիզնեսի և ի օգուտ հասարակության։

Հայաստանում PMI Science գիտահետազոտական կենտրոնի հիմնում

Ֆիլիպ Մորրիսը բարձր է գնահատում Հայաստանում գիտական հարուստ ժառանգությունը և տեխնոլոգիական զարգացման մեծ պոտենցիալը։ Գիտական և տեխնոլոգիական ոլորտներում երկրի փորձառության շնորհիվ Ֆիլիպ Մորրիսը 2018 թվականին Հայաստանում հիմնադրեց Հայաստանում PMI Science գիտահետազոտական կենտրոնը։

Ներկայումս PMI Science-ը համագործակցում է հայաստանյան մի շարք հետազոտական ինստիտուտների և համալսարանների հետ՝ իրականացնելով համատեղ ծրագրեր։ Գիտական և տեխնոլոգիական էկոհամակարգը զարգացնելու նպատակով
ուշադրության կիզակետում մարդկային կապիտալն է։ Էկոհամակարգի զարգացման շրջանակում ցուցաբերվում է աջակցություն մագիստրոսական երկու ծրագրերի՝ Համակարգային Ինժեներիայի և Տվյալագիտության ոլորտներում։ Երկու տարվա ընթացքում գիտահետազոտական կենտրոնը մագիստրոսական կրթաթոշակ է տրամադրել մոտ 55 ուսանողների, ինչպես նաև աջակցել է 20 ասպիրանտների՝ իրենց հետազոտություններն իրականացնելու համար։ Միաժամանակ, Հայաստանի առաջատար կառույցների 29 հետազոտական թիմեր նույնպես ստացել են աջակցություն և հետազոտություններ են իրականացնում հետևյալ ուղղություններով՝  նյութագիտություն, տվյալների վերծանում, տվյալների կառավարում, էլեկտրական ինժեներություն, Էլեկտրոնիկայի կառավարման համակարգեր, մոդելավորում, կիրառական մաթեմատիկա և ֆիզիկա։ Գիտահետազոտական կենտրոնն այժմ վերակառուցվում է Հայաստանում տեխնոլոգիական և գիտական կրթության սրտում՝ Հայաստանի ազգային պոլիտեխնիկական համալսարանում։ Կառույցն ունենալու է ուսումնական և գիտահետազոտական լաբորատորիաներ՝ հագեցված ժամանակակից սարքավորումներով, ինչը մեկ հարկի տակ կհյուրընկալի համապատասխան ուղղությունների ուսանողներին և դասախոսներին։

Ի դեպ, Ձեռնարկությունների ինկուբատոր հիմնադրամը Հայաստանում Ֆիլիպ Մորրիսի PMI Science գիտահետազոտական կենտրոնի հետ համատեղ արդեն մեկնարկել են 2020-2021 ուսումնական տարվա «Տվյալագիտությունը բիզնեսում» մագիստրոսական ծրագրի ֆինանսավորումը։ Լավագույն 10 ուսանողները կստանան կրթաթոշակներ, իսկ ուսուցման երկրորդ տարում մի շարք ուսանողներ հնարավորություն կունենան ուսումը շարունակել ԱՄՆ Սան Խոսեի պետական համալսարանում՝ ստանալով կրկնակի դիպլոմ։ Բոլոր ցանկացողները կարող են դիմել՝ անցնելով հղումով։ Շտապե՛ք։

“Sharing is Caring” անվճար վեբինարների շարք

Ֆիլիպ Մորրիսի կողմից Բիզնես Դիվելոփմենթ Գրուպ ընկերության հետ համատեղ կազմակերպված Sharing is Caring անվճար վեբինարների շարքը ավելին է, քան սոցիալական պատասխանատվության դրսևորում։ Ֆիլիպ Մորրիսում վստահ են․
մասնագիտորեն վերապատրաստված, զարգացած ու գիտակ հասարակությունը կարող է նպաստել Հայաստանում ցանկացած բիզնեսի զարգացմանն ու մեր երկրի բարգավաճմանը։ Այդ իսկ պատճառով ընկերության աշխատակիցները պատրաստակամ
են բոլոր ցանկացողներին անվճար դասընթացներ տրամադրել մարքեթինգի, մարդկային ռեսուրսների կառավարման, հանրային կապերի, տվյալագիտության և մի շարք այլ ոլորտներում։ Միջազգային ընկերության առաջադեմ փորձն ու ոլորտային պրակտիկ գիտելիքները, թեմայի շուրջ ակտիվ քննարկումներն ու մեկնաբանությունները վեբինարի բոլոր մասնակիցներին օգնում են այլ անկյան տակ նայել ոլորտում առկա մարտահրավերներին ու գտնել լավագույն լուծումը։

Դասընթացները ձայնագրված են․ պարզապես անցե՛ք հղումով․

Մարքեթինգ Կորոնավիրուսի պայմաններում․ Լիլիթ Մաթևոսյան

Նեյրոմարքեթինգ․ Լիլիթ Մաթևոսյան

Մեծ տվյալներ, մեծ ապագա․ Նարեկ Մելքոնյան

Տվյալահենք ինֆլյուենսեր մարքեթինգ․ Անի Մկրտչյան

“Aspire” ամենամյա վճարվող պրակտիկայի ծրագիր

Հայ ուսանողները բավականին պահանջկոտ են իրենց գործատուների և ամբիցիոզ՝ ապագայի պլանների նկատմամբ․ ուսանողական նստարանից արդեն բոլորն ուզում են աշխատանքի անցնել խոշոր, ցանկալի է՝ միջազգային ընկերությունում, արժանավայել աշխատավարձով, վերապատրաստման ու մասնագիտական զարգացման հեռանկարներով։ Միևնույն ժամանակ, շատերն անգամ չեն էլ պատկերացնում այն լայն հնարավորությունները, որ տրամադրում են Հայաստանում գործող միջազգային ընկերությունները նորավարտ մասնագետներին։ Ամեն տարի Ֆիլիպ Մորրիսը մեկնարկում է “Aspire” վճարվող պրակտիկայի ծրագիրը՝ հավաքագրելով լավագույն տաղանդներին։ Ամեն պրակտիկանտ միանում է ընկերությանը՝  կոնկրետ նախագծի շրջանակներում աշխատելու համար։ Ֆիլիպ Մորրիսի դռները բաց են ինչպես հեռակա, այնպես էլ առկա կրթություն ստացող
տաղանդավոր, ակտիվ, մարտահրավերներից չվախեցող ու աշխատասեր ուսանողների ու նորավարտ մասնագետների համար։ Առաջնային կարևորությունը տրվում է աշխատանքի արդյունքին և, եթե կա ցանկություն ու պատրաստակամություն այդ
արդյունքն ապահովելու, ամեն բան հնարավոր է։

Գործընկերային նյութ