23:44 18.06.2018
Թուրքիայի քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) պատգամավոր Գարո Փայլանը հարցազրույց է տվել թուրքական «Bianet» լրատվամիջոցին: Ի թիվս այլ հարցերի՝ այդ ընթացքում խոսել է նաև Հայաստանի Հանրապետության վարչապետ Նիկոլ Փաշինյանի և «Ելք» խմբակցության մասին։ Այս մասին փոխանցում է Ermenihaber-ը։
Պատասխանելով լրագրողի այն հարցին, թե ինչպես է գնահատում Հայաստանում տեղի ունեցած վերջին զարգացումները (թավշյա հեղափոխություն), Փայլանը, մասնավորապես, ասել է.
«Ես 2017թ. սեպտեմբերին մեկնեցի Հայաստան և հանդիպումներ ունեցա մի շարք պաշտոնյաների հետ։ Ասացի, որ ցանկանում եմ հանդիպել Հայաստանի բոլոր կուսակցությունների և խմբակցությունների ներկայացուցիչների հետ։ Դրանց թվում էր նաև «Ելք» խմբակցությունը, որի առաջնորդը Փաշինյանն էր։
Ինձ ասում էին, որ «Ելք»-ը խորհրդարանական փոքրաթիվ խմբակցություն է, և հանդիպման անհրաժեշտություն չկա։ Բայց ես չհամաձայնեցի:
Պարզվեց, որ նրանք շատ լավ գաղափարներ են դավանում, մոտ են իմ կուսակցության գաղափարախոսությանը: Նրանք այնպիսի քաղաքական ուժ են, որը կողմ է արդարությանը, իրավահավասարությանը և պաշտպանում է կանանց իրավունքները։ Երկար հանդիպում ունեցա Փաշինյանի հետ։
Իհարկե, ես չէի սպասում, որ այս ամենն այսքան արագ կլինի: Ընդամենը մի քանի ամիս անց իսկապես ժողովրդական հեղափոխությամբ, առանց արյուն թափելու նրանք եկան իշխանության։ Փաշինյանը Հայաստանի արժանավոր առաջնորդն է: Շատ երջանիկ եմ և շնորհավորում եմ նրանց։ Իրենք էլ են ցանկանում, որ Թուրքիայի հետ սահմանները բացվեն առանց նախապայմանների։ Հույս ունեմ, որ Թուրքիայում էլ ժողովրդավարական իշխանության առկայության դեպքում անհապաղ կբացվեն սահմանները Հայաստանի հետ»։
20:40 30.06.2025
Ռուսաստանում Ադրբեջանի դեսպան Ռահման Մուստաֆաևը հրավիրվել է ՌԴ արտգործնախարարությունՄոսկվայում Ադրբեջանի դեսպան Ռահման Մուստաֆաևը կանչվել է Ռուսաստանի արտաքին գործերի նախարարություն, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։ «Բաքվի ոչ բարեկամական գործողությունների և ռուս լրագրողների անօրինական կալանքի հետ կապված, որոնց դեմ ադրբեջանական իշխանությունները այս բոլոր տարիներին որևէ բողոք չեն ունեցել, Ադրբեջանի Հանրապետության դեսպանը կանչվել է Արտաքին գործերի նախարարություն», – երկուշաբթի օրը լրագրողներին […] ...
20:21 30.06.2025
Արմավիրում քամին պոկել ու շպրտել է շենքի տանիքը, վնասվել են ավտոմեքենաներ, պոկվել են էլեկտրալարեր, կոտրվել ծառերԱրմավիրում քամին շենքի տանիքի ահագին հատված պոկել ու շպրտել է․ վնասվել են ավտոմեքենաներ, պոկվել են էլեկտրալարեր, կոտրվել ծառեր։Այսօր՝ հունիսի 30-ին, արտակարգ իրավիճակ է ստեղծվել Արմավիրի մարզում։ Ժամը 18։00-ի սահմաններում ուժեղ քամու հետևանքով Արմավիր քաղաքի Հերացի փողոցի թիվ 10 շենքի տանիքի մի ահագին հատված քամին պոկել ու շպրտել է։ Ինչպես հայտնում է Shamshyan. com-ը, ըստ նախնական […] ...
19:54 30.06.2025
Հուսով եմ` Տոպուրիայի հաջորդ մրցակիցը կլինի Ծառուկյանը․ ՎարդանյանՀայ մարտիկ Էդուարդ Վարդանյանը հույս ունի, որ UFC-ի թեթև քաշային կարգի նոր չեմպիոն Իլյա Տոպուրիայի հաջորդ մրցակիցը կլինի Արման Ծառուկյանը։ Այս մասին հաղորդում է Mma.metaratings.ru-ն: «Ես սպասում էի այդքան արագ նոկաուտ։ Իլյան, հավանաբար, UFC-ի գլխավոր նոկաուտիստն է։ Հուսով եմ, որ նրա հաջորդ մրցակիցը կլինի Արման Ծառուկյանը։ Չնայած ընդհանուր առմամբ անհասկանալի է, թե ինչպես է Փիմբլեթը […] ...
19:46 30.06.2025
Արդյունավետ քաղպաշտպանությունը՝ օրակարգային․ երկփուլ ուսումնավարժանք Լոռու մարզումՀունիսի 27-ին Փրկարար ծառայության տնօրեն-ՆԳ նախարարի տեղակալ Կամո Ցուցուլյանն այցելել է Լոռու մարզային փրկարարական վարչություն։ Այցի շրջանակում տեղի է ունեցել աշխատանքային քննարկում, որին ներկա էին մարզային վարչությունների ղեկավար կազմն ու ստորաբաժանումների պատասխանատուները։ Նախարարի տեղակալը ներկայացրել է Փրկարար ծառայության առաջնահերթությունները, վեր է հանել առկա խնդիրները՝ դրանց արդյունավետ լուծման ուղղությամբ տալով կոնկրետ հանձնարարություններ։ Ծառայության որակի լավարկման նպատակով […] ...
19:42 30.06.2025
Վարչապետը միջազգային գիտաժողովի շրջանակում ներկայացրել է Իրական Հայաստանի գաղափարախոսությունըՎարչապետ Նիկոլ Փաշինյանը Հայաստանի ամերիկյան համալսարանում Հանրային հարցերի բարոյագիտական կենտրոնի միջազգային գիտաժողովի շրջանակում ներկայացրել է Իրական Հայաստանի գաղափարախոսությունը: Երկրի ղեկավարը նաև պատասխանել է ներկաների հարցերին, որոնք վերաբերել են բանախոսությամբ ներկայացված թեզերին, Հայաստանի առջև ծառացած մարտահրավերներին և դրանց լուծման ուղղությամբ ՀՀ Կառավարության քայլերին ու տեսլականին: Գիտաժողովի ընթացքում քննարկվել են ժամանակակից աշխարհում ազգային ինքնության դերին, նշանակությանը և […] ...
