20:07 29.08.2020
Արփի ազգային պարկի արգելոցներից մեկը Կրասար գյուղի տարածքում է, որտեղ հազվադեպ կարելի է հանդիպել արագիլներին դաշտում ազատ ու անկաշկանդ շրջելիս: Բնության ստեղծածին այս տարածքում ավելացել է շինարար վարպետների ձեռակերտ հուշարձանը ։ 19-րդ դարում սև ու կարմիր տուֆով կառուցել են «Եռաթռիչք » կամուրջը, որը պատմամշակութային հուշարձանների ցանկում է:
Կամուրջն Արևմտյան Հայաստանի Սուլուխ գյուղի կամրջի նմանությամբ է կառուցվել: Հարևանությամբ՝ սարի վրա, կառուցել են նաև քարավանատներ առևտրականների համար: Քարավանատներից ոչինչ չի պահպանվել: Հիմա փլուզման վտանգից ապահովագրված չէ նաև պատմական հուշարձան կամուրջը:
Ընդամենը մեկ տարի առաջ կամրջով երկու մենքենա համընթաց կարող էին անցնել , հիմա դրա հնարավորությունն էլ չկա։ Կամուրջը տասնյակ գյուղերի կապող միակ ճանապարհն է:
Կամրջի փլուզման գլխավոր պատճառը խորհրդային տարիներին կառուցված մեծ տրամաչափի ջրագծի խողովակն է, որը վնասել է շինության ամրությունը: Ջրագիծը շահագործվել է մինչև 1970-ականները: Վերջին տասը տարում կամուրջն ընդգրկվում էր հրատապ խնդիրների լուծման ծրագրերում, բայց ֆինանսներ չգտնվելու պատճառով հետո մերժվում։ Նախագծային փաստաթղթերով վերակառուցման համար պահանջվում էր 40 մլն դրամ։
Երկու տարի առաջ նորից ուսումնասիրվել է ու եզրակացություն տրվել, այդքան գումարով չորրորդ աստիճանի վթարայնության կամրջի վերակառուցում հնարավոր չէ։ Ըստ վերահաշվարկի կպահանջվի եռակի ավելի գումար։ Այժմ նոր հստակեցումներ են պետք։ Կամրջի վերականգնումը ներառվել է տարածքային կառավարման և ենթակառուցվածքների նախարարության 2021 թվականի ծրագրում։
«Մեր առաջնահերթությունների մեջ է վերակառուցումը, և 2021 թվականին մենք նախատեսում ենք շինարարություն սկսել։ Դրա համար մեկ տարի առաջ արդեն նախագիծ պետք է ունենանք, որ իմանանք անելիքները։ Ուսումնասիրություն պիտի արվի նորից ու ամեն բան հստակեցվի»,-SHANTNEWS.am-ի հետ զրույցում ասաց տարածքային կառավարման և ենթակառուցվածքների նախարարության ճանապարհաշինական քաղաքականության վարչության պետ Աշոտ Գիլոյանը։
Նախագծա-նախահաշվային նոր աշխատանքների համար տարածքային կառավարման և ենթակառուցվածքների նախարարությունը կամրջի նոր ուսումնասիրություն է տանելու , որի արդյունքներից է կախված շինմրցույթ հայտարարելու ժամկետները , բայց այն չի կարող գերազանցել այս տարեվերջը ։
08:39 05.08.2025
Արագածոտնում գազ չի լինի
10:35 05.08.2025
Շիրակի քրեական ոստիկանները բացահայտեցին բնակարանային գողությունը․ գողոնը հայտնաբերվել էՕգոստոսի 1-ին Ոստիկանության Շիրակի մարզի օպերատիվ կառավարման կենտրոն զանգահարած տղամարդը հայտնեց բնակարանից կատարված գողության մասին: Քրեական ոստիկանության Շիրակի մարզային վարչության ծառայողները մեկնեցին Գյումրիի Տերյան փողոց: Պարզվեց, որ այդ օրը, ժամը 8-ին մոտ, մի տղամարդ, օգտվելով խոհանոցի պատուհանը բաց լինելու հանգամանքից, մտել է տուն և կնոջ պայուսակից գողացել 100 հազար ռուբլի և 475 հազար դրամ: Ձեռնարկված […] ...
10:27 05.08.2025
Տարադրամի փոխարժեքներն օգոստոսի 5-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 385 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 446․5 դրամ: Ռուսական ռուբլու առքի առավելագույն արժեքն է 4.77 դրամ, վաճառքի նվազագույն արժեքը՝ 4.87 դրամ: ...
10:20 05.08.2025
Իրանում տեղի է ունեցել 5.6 մագնիտուդով երկրաշարժԻրանում տեղի է ունեցել 5.6 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը: Սեյսմոլոգիական կենտրոնի տվյալներով՝ ցնցումը տեղի է ունեցել երեքշաբթի օրը՝ UTC-ի ժամանակով ժամը 5:06-ին՝ Բամ քաղաքից 125 կիլոմետր հարավ-արևելք, որի բնակչությունը կազմում է 99 հազար մարդ։ Էպիկենտրոնը գտնվել է 10 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
10:11 05.08.2025
Սևանա լճի ջրի միջին ջերմաստիճանն առափնյա հատվածում՝ օգոստոսի 5-ի 08։00 դրությամբՍևանա լճի ջրի միջին ջերմաստիճանն առափնյա հատվածում օգոստոսի 5-ի 08։00 դրությամբ կազմել է 21.1 աստիճան: Այս մասին հայտնում է «Հիդրոօդերևութաբանության և մոնիթորինգի կենտրոնը»։ ...
10:00 05.08.2025
Թուրքմենստանում բացվել է ցամաքով շրջափակված երկրներին նվիրված ՄԱԿ-ի երրորդ համաժողովըԿասպից ծովի ափին գտնվող Թուրքմենբաշի քաղաքի Ավազա ազգային զբոսաշրջային գոտում օգոստոսի 5-ին բացվում է ՄԱԿ-ի (ՄԱԿ) ցամաքով շրջափակված զարգացող երկրների երրորդ համաժողովը։ Կազմակերպիչների խոսքով՝ դրան կմասնակցեն ավելի քան 30 երկրների, այդ թվում՝ Ռուսաստանի ներկայացուցիչներ։ Համաժողովը կսկսվի լիագումար նիստով, որի ժամանակ պետությունների և կառավարությունների ղեկավարները ելույթ կունենան համաժողովում: Նախատեսվում է, որ այն կբացի ՄԱԿ-ի գլխավոր քարտուղար […] ...
09:59 05.08.2025
Առանձնապես խոշոր չափերով թմրամիջոցներ մաքսանենգությամբ Հայաստան տեղափոխած անձինք կալանավորվել ենՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթի նախաքննության ընթացքում իրականացված լայնածավալ վարութային և ապացուցողական գործողությունների արդյունքում պարզվել է, որ ՀՀ երեք քաղաքացիներ, որոնցից մեկը նախկինում ցմահ դատապարտված և պայմանական վաղաժամկետ ազատված, հանցակցելով այլ երկրում գտնվող անձանց հետ, իրացնելու նպատակով, մաքսանենգությամբ Հայաստան են տեղափոխել առանձնապես խոշոր չափերով «Մեթամֆետամին» և «Մարիխուանա» […] ...
