18:15 14.09.2020
Այսօր նոր ուսումնական տարին մեկնարկեց առաջին դասարանցիների համար: Շիրակի մարզում այսօր դպրոց է հաճախել 3080 աշակերտ: Սա նախորդ տարվա համեմատ ավելին է 20-ով: Գյուղական 6 դպրոցներում առաջին դասարանցիներ չեն ընդունել: Դպրոց մուտքի կանոնները թելադրում է համավարակը: Դպրոցներում տոնական միջոցառումներ թույլատրված չեն: Ընդամենը երաժշտության ու փուչիկների ուղեկցությամբ առաջին դասարանցիները դասավորվել են հատուկ արված գծանշումների համաձայն, հնչել է առաջին զանգն ու ազդարարել նրանց մուտքը դպրոց: Բոլոր աշակերտները մտել են դպրոց միայն ջերմաչափումներից հետո: Իսկ ծնողների մուտքը դպրոցներ արգելված է:
Ծնողները վերնաշապիկի օձիքն ուղղելու փոխարեն, նախ՝ դիմակներին ու դրանց ճիշտ կրելու ձևին են ուշադրություն դարձնում: Ու եթե դպրոցում տոնական միջոցառումներ չեն թույլատրվում, ապա երեխաների՝ մինչև դպրոց հասնելու ճանապարհն են տոնական դարձնում: Պապիկը թոռնիկին դպրոց բերելու համար որոշել էր մեքենան գունավորել ու ծաղիկներով զարդարել:
Գյումրիի թիվ 7 հիմնական դպրոցը 162 աշակերտ է ընդունել։ Ձևավորել են 6 առաջին դասարան: 3 առանձին մուտքերով է կազմակերպվել աշակերտների մուտքը դպրոց:
«Ոչ մի ծնող չի մտնելու դպրոց: Այստեղ ծնողին կողմնակի անձ անվանելը մի քիչ դժվար է, բայց, ամեն դեպքում, հանուն երեխայի առողջության պետք է կանոնները պահպանենք: Կարող է մեզ անհանգստություն է պատճառում, որևէ խնդիր կամ որևէ հարցի հետ համաձայն չենք, բայց չենք կարող համաձայն չլինել, որ երեխայի առողջությունը ամենակարևորն է»,- Shantnews-ին ասել է Գյումրիի թիվ 7 հիմնական դպրոցի տնօրեն Գագիկ Կարապետյանը:
Դասասենյակում միայն դասվարն է աշակերտների հետ: Ամեն դասարան երկու մասի են բաժանել: Ամենաշատը 18 հոգանոց խմբեր են ձևավորել: Տետրերից, գրքերից ու գրիչներից բացի, աշակերտների պայուսակում պարտադիր են ալկոգելերը, դիմակներն ու թաց անձեռոցիկները: Ոչ միայն աշակերտական նստարանին, այլև դրանց կիրառությանը երեխաները նոր են ընտելանում:
Ծանոթությունը համադասարանցիների հետ դեռ առջևում է: Անկախ համավարակից, մուտքը դպրոց 6 տարեկան երեխաների համար երազանքներով լի է: Փոքր են, բայց մեծ նպատակներ ունեն:
Այսօր ուսումնական տարին մեկնարկեց միայն առաջին դասարանցիների համար: Վաղվանից նաև 2-րդից 12-րդ դասարանցիները դպրոց կգնան: Գյումրիի դպրոցներում հիմնականում հաջողվել է դասարանները խմբերի բաժանելով, դասապրոցեսը մեկ հերթով կազմակերպել: Աշակերտների թվով մեծ դպրոցներում մի քանի դասարանների համար միջին հերթ է ձևավորվել:
14:51 03.05.2025
Համապետական շաբաթօրյակին մասնակցել է ՀՀ ԱԺ աշխատակազմըՀՀ Ազգային ժողովի աշխատակազմի ղեկավար-գլխավոր քարտուղար Դավիթ Առաքելյանի գլխավորությամբ աշխատակազմի տարբեր ստորաբաժանումների աշխատակիցներ մասնակցել են մայիսի 3-ին կազմակերպված համապետական շաբաթօրյակին: Մայրաքաղաքի Կոմիտասի անվան զբոսայգում իրականացվել են մաքրման, հողի փխրեցման, խոտածածկ տարածքների բարեկարգման աշխատանքներ: ...
14:37 03.05.2025
Կառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը. վարչապետԿառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը: Դրանով լուծվել է նաև բեռնատար տրանսպորտային միջոցներով երթևեկության հարցը: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
14:24 03.05.2025
Առաջիկա օրերի եղանակային կանխատեսումըՀանրապետության տարածքում մայիսի 3-ի ցերեկը, 4-ի գիշերը, 7-8-ին առանձին շրջաններում, 4-ի ցերեկը, 5-6-ին շրջանների զգալի մասում սպասվում է կարճատև անձրև և ամպրոպ, 5-6-ին առանձին վայրերում՝ հորդառատ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանը մայիսի 4-ի ցերեկը կնվազի 3-5 աստիճանով։ Երևան քաղաքում մայիսի 3-ի երեկոյան, 4-6-ին սպասվում է […] ...
14:12 03.05.2025
Էկոնոմիկայի նախարարության աշխատակիցները մասնակցել են համապետական շաբաթօրյակինՀՀ էկոնոմիկայի նախարարի տեղակալները, նախարարության գլխավոր քարտուղարը, ստորաբաժանումների ղեկավարների ու համակարգի ենթակայության կազմակերպությունների ներկայացուցիչների հետ այսօր մասնակցել են համապետական շաբաթօրյակին: Նախարարության աշխատակիցները սանիտարական մաքրման և աղբահավաքման աշխատանքներ են իրականացրել մայրաքաղաքի Շենգավիթ վարչական շրջանում՝ Երևանյան լճի տարածքում։ Մաքուր և բարեկարգ միջավայրը սկսվում է յուրաքանչյուրիս հոգատար վերաբերմունքից մեր քաղաքի ու շրջապատի նկատմամբ։ ...
13:58 03.05.2025
Ծառուկյանը գրեփլինգի գոտեմարտում վստահ հաղթանակ է տարել Մախաչևի թիմակցի նկատմամբUFC-ի թեթև քաշային կարգի դասակարգման առաջին համար Արման Ծառուկյանը Դուբայում ընթացող Karate Combat 54 գրեփլինգի մրցաշարում պարտության է մատնել ռուս մարզիկ Մագոմեդ Զայնուկովին, հայտնում է armsport.am-ը: Մենամարտը տեղի է ունեցել մինչև 79.4 կգ բանակցային քաշային կարգում։ Երկու հինգ րոպեանոց ռաունդ տևած մենամարտում Ծառուկյանը միաձայն որոշմամբ հաղթել է UFC-ի թեթև քաշային կարգի գործող չեմպիոն Իսլամ Մախաչևի […] ...
