Կայացել է ազատ ոճի ըմբշամարտի Հայաստանի առաջնությունը։ 10 քաշային կարգում Հայաստանի չեմպիոնի կոչման համար պայքարել է 80 ըմբիշ։ Ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրղինյանի կարծիքով՝ պատերազմը և կորոնավիրուսի համավարակը չէին կարող ազդեցություն չունենալ մարզիկների վրա, ուստի ստեղծված իրավիճակում առաջնության մակարդակը բավարար է գնահատում։

«Ներկա իրավիճակը հաշվի առնելով՝ առաջնության արդյունքները բավարար եմ գնահատում։ Անակնկալներ չեն եղել, սակայն եղել են սպասելի փոփոխություններ մի շարք քաշային կարգերում։ Մինչև 74 կգ քաշային կարգերում մարզիկների խնդիր ինչ-որ առումով չունենք, սերնդափոխությունը լավ է ընթանում, սակայն ավելի բարձր քաշային կարգերում մասնակիցների թիվը չի ուրախացնում»,- ասել է Հ․ Կուրղինյանը։

Դեկտեմբերի 2-ից ազատոճային ըմբիշներն ուսումնամարզական հավաք կանցկացնեն՝ նախապատրաստվելով դեկտեմբերի 12-18-ը Բելգրադում կայանալիք Աշխարհի առաջնությանը, որն անցկացվելու է գավաթային ձևաչափով։

«Հավաքի արդյունքներով վերջնական կորոշենք, թե ովքեր կմասնակցեն Բելգրադում կայանալիք Աշխարհի առաջնությանը։ Այս պահի դրությամբ նախատեսում ենք, որ կունենանք 7-8 մասնակից, սակայն ամեն ինչ կախված է հավաքից, ըմբիշների մարզավիճակից, ինչպես նաև կորոնավիրուսի թեստերի պատասխաններից»,- ասել է հավաքականի գլխավոր մարզիչը։

Ըստ քաշային կարգերի ազատ ոճի ըմբշամարտի Հայաստանի 2020 թվականի առաջնության մրցանակակիրները՝

57 կգ

1 – Արսեն Հարությունյան

2 – Կարեն Զուրաբյան

3 – Սերժիկ Մխիթարյան

3 – Վրեժ Գևորգյան

 

61 կգ

 

1 – Ռազմիկ Պապիկյան

2 – Հարություն Մանուկյան

3 – Նորիկ Հարությունյան

3 – Րաֆֆի Արտուշյան

65 կգ

1 – Վազգեն Թևանյան

2 – Գևորգ Թադևոսյան

3 – Վալոդյա Ֆրանգուլյան

3 – Մուշեղ Մկրտչյան

70 կգ

1 – Արման Անդրեասյան

2 – Նարեկ Սիրունյան

3 – Հայկ Պապիկյան

3 – Գևորգ Մխեյան

 

74 կգ

1 – Հրայր Ալիխանյան

2 – Վարուժան Կաջոյան

3 – Խաչատուր Պապիկյան

3 – Դավիթ Գևորգյան

79 կգ

1 – Արման Ավագյան

2 – Ռազմիկ Սիմոնյան

3 – Ազատ Կարապետյան

86 կգ

1 – Հովհաննես Մխիթարյան

2 – Համլետ Հախվերդյան

3 – Տիգրան Մկրտչյան

 

92 կգ

1 – Սերգեյ Սարգսյան

2 – Լաբեր Գրիգորյան

97 կգ

1 – Մարզպետ Գալստյան

2 – Կարո Խաչատրյան

3 – Տարոն Բարսեղյան

125 կգ

1 – Հովհաննես Մաղաքյան

2 – Մարտին Սիմոնյան

3 – Աշոտ Ռուշանյան