11:16 05.12.2020
Հայաստանի ազատ ոճի ըմբշամարտի հավաքականն այս օրերին ուսումնամարզական հավաք է անցկացնում Օլիմպավանում՝ նախապատրաստվելով դեկտեմբերի 12-18-ը Բելգրադում (Սերբիա) կայանալիք Աշխարհի գավաթի խաղարկությանը:
Հավաքականի մարզչական անձնակազմի որոշմամբ՝ Աշխարհի գավաթի խաղարկությունում Հայաստանը կներկայանա 8 ըմբիշով, մեր ընտրանին ներկայացուցիչներ չի ունենա 92 կգ և 97 կգ քաշային կարգերում․
✅Արսեն Հարությունյան (57 կգ),
✅Ռազմիկ Պապիկյան (61 կգ),
✅Վազգեն Թևանյան (65 կգ),
✅Արման Անդրեասյան (70 կգ),
✅Հրայր Ալիխանյան (74 կգ),
✅Արման Ավագյան (79 կգ),
✅Հովհաննես Մխիթարյան (86 կգ),
✅Հովհաննես Մաղաքյան (125 կգ):
?Ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրղինյանի խոսքով՝ մասնակիցների ընտրությունը կատարել են՝ հաշվի առնելով վերջերս կայացած ՀՀ առաջնության արդյունքները (https://escs.am/am/news/7478): Հ․ Կուրղինյանը վստահեցում է՝ ըմբիշների տրամադրվածությունը մարտական է, մարզավիճակը՝ գոհացուցիչ․
?«Հաշվի առնելով, որ տևական ժամանակ մրցաշարերի չենք մասնակցել՝ տղաների մարզավիճակը նորմալ եմ գնահատում, բոլորի տրամադրվածությունը մարտական է։ Բավականին ուժեղ կազմ ունենք, մեր երիտասարդ մարզիկներն արդեն պատրաստ են նման խոշոր մրցաշարերի։ Ներկայացուցիչներ չենք ունենա միայն 92 կգ և 97 կգ քաշային կարգերում, քանի որ այս պահին պատրաստ ըմբիշներ չունենք»։
?Հավաքականի գլխավոր մարզչի կարծիքով՝ առաջիկայում կայանալիք Օլիմպիական վարկանիշային մրցաշարերից առաջ Աշխարհի գավաթի խաղարկությունը լավ հնարավորություն է ըմբիշների ուժերը գնահատելու և համապատասխան հետևություններ անելու տեսանկյունից․
?«Մեր ընտրանու վերջին մրցաշարը եղել է փետրվարին Հռոմում կայացած Եվրոպայի առաջնությունը։ Մեզ վարկանիշային մրցաշարեր են սպասվում, որոնց նախապատրաստական փուլի համար Աշխարհի գավաթը, կարելի է ասել, մեկնարկային մրցաշար է։ Ուժերը գնահատելու տեսանկյունից սա շատ լավ հնարավորություն է»։
❗Հաբեթնակ Կուրղինյանը նաև նշել է, որ արդեն կազմել են հաջորդ տարվա օրացուցային ծրագիրը՝ հունվարից ըմբիշները մարզումային և մրցումային հագեցած գրաֆիկ են ունենալու՝ նախապատրաստվելով 2021 թվականի գլխավոր իրադարձությանը՝ Տոկիոյում կայանալիք Օլիմպիական խաղերին։
Հիշեցնենք, որ ավելի վաղ հրապարակվել է նաև Հայաստանի հունահռոմեական ոճի ըմբշամարտի հավաքականի կազմը
23:59 25.05.2025
Նախաձեռնություն՝ տարեցների համար. նրանք մասնակցում են օտար լեզուների, պարի և երգի դասընթացներիԵրևանը բոլորի քաղաքն է։ Կարևոր է, որ յուրաքանչյուր քաղաքացի՝ անկախ տարիքից, ունենա ակտիվ, ստեղծագործ և իմաստալից առօրյա։ Տարեցների աշխույժ ժամանցն ապահովելու նպատակով «Արժանավայել ծերություն» տարեցների շահերի պաշտպանություն ՀԿ-ն նախաձեռնել է մի ծրագիր, որի ընթացքում մեծահասակները մասնակցում են օտար լեզուների, պարի և երգի դասընթացների: Նախագծին աջակցում է Կենտրոն վարչական շրջանը: Մանրամասները՝ քաղաքապետարանի տեսանյութում: ...
23:34 25.05.2025
Երեք ֆուտբոլիստ լքում է ՄՅՈւ-նԱնգլիական «Մանչեսթեր Յունայթեդ» ակումբը իր պաշտոնական կայքում հայտարարել է, որ պաշտպաններ Վիկտոր Լինդելոֆը և Ջոնի Էվանսը, ինչպես նաև դանիացի կիսապաշտպան Քրիստիան Էրիկսենը, ընթացիկ մրցաշրջանի ավարտին կհեռանան ակումբից։ Այսօր՝ մայիսի 25-ին, երեք ֆուտբոլիստներն էլ մասնակցել են Անգլիայի Պրեմիեր լիգայի 38-րդ տուրի՝ «Աստոն Վիլլայի» հետ խաղին (2-0): ...
23:10 25.05.2025
Առողջապահության նախարարի տեղակալը ներկայացրել է ակնաբուժական ոլորտում մեր երկրի ձեռքբերումներըԱկնաբուժական ոլորտի ամենամյա միջոցառմանն այս տարի մասնակցում են առաջատար մասնագետներ ու պրոֆեսորներ ԱՄՆ-ից, Եվրոպայից, ԱՊՀ երկրներից: «Շատ կարևոր է գիտակրթական, համահայկական այս հարթակի դերը, որն աշխարհի տարբեր երկրների անվանի ակնաբույժների փորձառությունն ու գիտելիքը մեկտեղելու հրաշալի հնարավորություն է ընձեռում»,- ողջունելով Հայկական միջազգային ակնաբուժական կոնֆերանսի մասնակիցներին՝ նշել է առողջապահության նախարարի տեղակալ Արմեն Գասպարյանը։ Նախարարի տեղակալը ներկայացրել է […] ...
22:40 25.05.2025
Ճապոնիան առանց նախազգուշացման կրակ է բացել Ռուսաստանի սահմանի մոտՃապոնիայի առափնյա պահպանությունը սխալմամբ առանց նախազգուշացման կրակ է բացել Կունաշիրի մոտ՝ հրաձգության ուսումնավարժանքի ժամանակ, հայտնում է Yomiuri թերթը։ «Մայիսի 23-ին Հոկայդո նահանգապետության Նեմուրո առափնյա պահպանությունը հայտնել է, որ «Կավագիրի» պարեկային նավի անձնակազմը սխալ է թույլ տվել՝ կրակային վարժություններ անցկացնելով Շիրետոկո հրվանդանի ափերի մոտ՝ առանց մոտակա նավերին նավիգացիոն նախազգուշացում տալու», – ասվում է հաղորդագրությունում: Ըստ հրապարակման՝ […] ...
22:07 25.05.2025
Սլովակիայի վարչապետ Ռոբերտ Ֆիցոն պաշտոնական այցով ժամանեց ՀայաստանԵրկօրյա պաշտոնական այցով Հայաստանի Հանրապետություն է ժամանել Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։ ...
22:01 25.05.2025
Մեքենավարը անմիջապես կիրառել է ձայնային ազդանշաններ և արտակարգ արգելակում, սակայն բախումը կանխել չի հաջողվել. ՀԿԵ-ն մանրամասներ է հայտնել ողբերգական դեպքից«Հարավկովկասյան երկաթուղի»-ն հայտարարություն է տարածել, որում ասվում է․ «2025 թվականի մայիսի 25-ին՝ ժամը 14:35-ին, Էջմիածին–Մասիս երկաթուղային հատվածում տեղի է ունեցել դժբախտ պատահար մահվան ելքով։ Գյումրի–Երևան երթուղով ընթացող էլեկտրագնացքի մեքենավարական անձնակազմը, շարժվելով սահմանված արագությամբ, նկատել է երկաթուղային գծերի վրա կանգնած անձի, որը գտնվել է գնացքից մոտ 130 մետր հեռավորության վրա՝ մեջքով դեպի գնացքը։ Մեքենավարը անմիջապես կիրառել […] ...
