Պանդեմիան լավագույն ժամանակն է ծխելուց հրաժարվելու համար. ԱՄՆ Սննդի և դեղորայքի վարչություն

Սիգարետի ազդեցությունը իմունիտետի վրա

ԱՄՆ Սննդի և դեղորայքի վարչությունը բազմիցս հայտարարել է, որ սիգարետ ծխելը բացասաբար է անդրադառնում կորոնավիրուսի ընթացքի վրա։ Սիգարետի այրման արդյունքում տեղի են ունենում բջջային մակարդակում որոշակի փոփոխություններ, թուլանում է իմունիտետը, ինչի արդյունքում էլ COVID-19-ի հոսպիտալացման դեպքեր ավելի հաճախ են գրանցվում։ ԱՄՆ Սննդի և դեղորայքի վարչության Ծխախոտային արտադրատեսակների որակի վերահսկման կենտրոնի տնօրեն Միտչ Զեպլերը նշում է, որ ներկայումս նիկոտինի մատակարարման էլեկտրոնային սարքավորումների՝ կորոնավիրուսի ընթացքի վրա ազդեցության մասին հաստատված փաստեր չկան։

«Պանդեմիան լավագույն ժամանակն է ծխելուց հրաժարվելու համար,» – նշել է Զեպլերը, հավելելով, որ «որպես արդյունավետ միջոց ԱՄՆ Սննդի և դեղամիջոցների գործակալությունը խորհուրդ է տալիս նիկոտինի փոխարինման թերապիան, որը ներառում է նիկոտին պարունակող դեղորայքային և ոչ դեղորայքային միջոցներ, ինչպես նաև առանց նիկոտինի միջոցներ»։

Սննդի և դեղորայքի գործակալությունն ակտիվորեն պայքարում է հմնավոր ստուգումներ չանցած ծխախոտային արտադրանքների դեմ։ ԱՄՆ-ում ծխախոտային արտադրատեսակների վաճառքը թույլատրվում է միայն վարչության կողմից հավատարմագրման գործընթացը հաջողությամբ անցնելու դեպքում։

Գիտական հետազոտությունները՝ ծխախոտային արտադրանքների հավատարմագրման հիմքում

Ինչպես նշել է գործակալության Ծխախոտային արտադրատեսակների որակի վերահսկման կենտրոնի փոխտնօրեն Թոդդ Սեսիլը, ծխախոտային արտադրատեսակի հավատարմագրման որոշում կայացնելիս առաջին հերթին գնահատվում է դրա ազդեցությունը հանրային առողջության վրա՝ անկախ նրանից, թե որ ընկերությունն է արտադրում։ Հավատարմագրման գործընթացը ներառում է արտադրողի կողմից ներկայացված բոլոր տվյալների մանրակրկիտ ստուգում՝ անկախ գիտնականների կողմից։

«Սննդի և դեղամիջոցների գործակալության աշխատանքի հիմքում գիտական մոտեցումն է, սակայն անհնար է դեղագիտության ոլորտում կիրառվող մոտեցումները կիրառել ծխախոտարտադրության ոլորտում,» – նշել է Սեսիլը։  «Անհրաժեշտ է մշակել կարգավորման այլ սկզբունքներ, այդ իս պատճառով գնահատվում է արտադրանքի ընդհանուր ազդեցությունը բնակչության առողջության վրա։»

Սննդի և դեղամիջոցների գործակալության կայացրած որոշումների հիմքում բազմակողմանի գիտական մոտեցումն է։ Տվյալներն ուսումնասիրվում են քիմիայի, ճարտարագիտության, վարքագծային դեղագիտության, համաճարակաբանության, հասարակագիտության, թունաբանության և այլ գիտական ճյուղերի տեսանկյունից։

Ծխախոտի տաքացման համակարգերի հավատարմագրումը

2020 թ-ին Սննդի և դեղամիջոցների գործակալությունը թույլատրել է Ֆիլիպ Մորիս Ինթերնեշնլ ընկերության կողմից արտադրված IQOSծխախոտի տաքացման էլեկտրոնային համակարգի վաճառքը՝ նվազեցված ռիսկով արտադրատեսակի կարգավիճակով։ Անկախ գիտական ուսումնասիրությունները փաստում են, որ համակարգը տաքացնում է ծխախոտը, ոչ թե՝ այրում, ինչի արդյունքում զգալիորեն կրճատվում է արտազատվող վնասակար քիմիական նյութերի քանակը։ Հավատարմագրման փաստաթղթերում նշվում է, որ արտադրանքի վաճառքը ԱՄՆ-ում նպատակահարմար է հանրային առողջության մակարդակի բարձրացման տեսանկյունից։

Վերջին տարիներին վարչության գիտական ուսումնասիրություններից 203-ը նվիրված են եղել նիկոտինի օգտագործման էլեկտրոնային համակարգերին, իսկ դրանց հիման վրա հրապարակվել է 581 գիտական հոդված։

Բացի այդ, վարչությունը ապահովում է այլընտրանքային արտադրանքի սպառողներից ստացվող հետադարձ կապի վերլուծությունը։

Գործընկերական նյութ