14 05 2025

$

388.08
4.81
€

430.96

+18.96 ^oC

Բարձր տեխնոլոգիական արդյունաբերության ոլորտին առնչվող հարցեր են քննարկել ՀՀ ԲՏԱ նախարարի պաշտոնակատարը և ՀՀ-ում ԱՄԷ-ի դեսպանության գործերի ժամանակավոր հավատարմատարը

ԳԻՏՈՒԹՅՈՒՆ ԵՎ ՏՏ

19:12 06.07.2021

ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը հանդիպել է ՀՀ-ում Արաբական Միացյալ Էմիրությունների դեսպանության գործերի ժամանակավոր հավատարմատար Ահլամ Ալ Սալամիի հետ։

Հայկ Չոբանյանն իր ողջույնի խոսքում շնորհակալություն է հայտնել Ահլամ Ալ Սալամիին հանդիպման համար և հույս է հայտնել, որ հանդիպումն առաջին քայլը կլինի երկու երկրների միջև բարձր տեխնոլոգիական արդյունաբերության ոլորտում հետագա առավել արդյունավետ համագործակցության համար: Նախարարի պաշտոնակատարն իր երախտագիտությունն է հայտնել ԱՄԷ-ին մեր երկրում իր ցուցաբերած մասնակցության համար, մասնավորապես վերականգնվող էներգետիկայի ոլորտում իրականացրած ներդրումների համար, քանի որ դա, բիզնես ոլորտին ցուցաբերած օժանդակությունից զատ, կարևոր է նաև կայունության և տեխնոլոգիական առումներով:

Ոլորտում առկա համագործակցության բազմաթիվ հնարավորություններից նախարարի պաշտոնակատարն առավել կարևորել է կրթությունը, քանի որ բարձր տեխնոլոգիական արդյունաբերությունը առաջին հերթին գիտելիքին է վերաբերում, և մրցակցային լինելու համար անհրաժեշտ է անվերջ կատարելագործել գիտելիքը: Չոբանյանը նշել է, որ բարձր է գնահատում ԱՄԷ-ում արդեն իսկ ձևավորված պլատֆորմները, որոնք ակտիվ գործունեություն են իրականացնում աքսելերացիոն, ստարտափերի, վենչուրային հիմնադրամների, արհեստական բանականության, ռոբոտաշինության նախագծերի իրականացման ոլորտներում և ակնկալում է ՀՀ ՏՏ ոլորտում գործող ընկերությունների հետ համագործակցության ընդլայնում և ԱՄԷ ներդրողների կողմից ՀՀ-ն ազգային վենչուրային հիմնադրամում ներգրավելու հնարավորություն:

Նախարարի պաշտոնակատարը հրավիրել ԱՄԷ դեսպանության գործերի ժամանակավոր հավատարմատարին այցելել Երևանի ինժեներական քաղաք և ծանոթանալ քաղաքի էկոհամակարգի հետ:

Ահլամ Ալ Սալամիին շնորհակալություն է հայտնել հանդիպման հրավերի համար, ինչպես նաև փոխնախարարին՝ դեսպանատան կողմից կազմակերպած էքսպոյի միջոցառմանը մասնակցելու համար և նշել, որ տեխնոլոգիական ոլորտում համագործակցության զարգացման մեծ հեռանկարներ կան: Վերջին տարիներին նկատելի են բազմաթիվ փոխայցելություններ բարձր մակարդակով պատվիրակությունների տեսքով: ԱՄԷ դեսպանության գործերի ժամանակավոր հավատարմատարը նշել է, որ ԱՄԷ-ն կարևորում է ՀՀ հետ համագործակցության խորացումը բարձր տեխնոլոգիական արդյունաբերության ոլորտում և, որ ինքը փոխանցելու է նախարարության կողմից ներկայացված առաջարկները ԱՄԷ պատկան մարմիններին և հետևել ընթացքին՝ երկու երկրների միջև առավել արդյունավետ համագործակցություն զարգացնելու նպատակով:

Կողմերն անդրադարձել են մի քանի այլ հարցերի, մասնավորապես ԲՏԱ նախկին նախարարի ԱՄԷ իրականացրած այցերի և ձեռք բերված պայմանավորվածություններին, որոնցից շատերը առայժմ չեն իրականացվել մեր երկրում տեղի ունեցած ցավալի զարգացումների հետ կապված: Մասնավորապես անդրադարձ է կատարվել «Թավազուն» հիմնադրամի ներկայացուցիչների հետ ստորագրված փոխըմբռնման հուշագրով ձեռք բերված պայմանավորվածությունների կատարմանը, ԱՄԷ արհեստական բանականության նախարար Օմար ալ Օլամայի առաջարկությանը՝ երկկողմ համագործակցության շրջանակները ներկայացնող փոխըմբռնման հուշագրի կամ համաձայնագրի կնքելուն, որը ներառելու է կիբերանվտանգության, տվյալների կենտրոնների և ISO ստանդարտների մշակման, CERT թիմերի զարգացման, էլեկտրոնային կառավարության, ինժեներական ու տեխնոլոգիական կենտրոնների բացման ու փորձի փոխանակման կետեր:

Հաշվի առնելով, որ Dubai Future Accelerator-ը միտված է հեշտացնելու ձեռնարկատերերի, մասնավոր ոլորտի կազմակերպությունների և պետական մարմինների միջև գործընկերությունը՝ Չոբանյանն առաջարկել է քննարկել «Հայկական վիրտուալ կամուրջ ծրագրի շրջանակներում ՀՀ-ից ոլորտային մասնագետների աքսելերացիայի կազմակերպման հնարավորությունը Dubai Future Accelerator-ում:

Հանդիպման ավարտին Հայկ Չոբանյանը հրավիրել է Ահլամ Ալ Սալամիին մասնակցելու հոկտեմբերին կայանալիք տեխնոլոգիական շաբաթի միջոցառումներին, ինչպես նաև 2022թ․-ի մարտին նախատեսված «ԱրմՀայԹեք» սպառազինության և պաշտպանական տեխնոլոգիաների միջազգային ցուցահանդեսին:

Բաժանորդագրվեք SHANTNEWS.am-ին Telegram-ում

Բոլոր լուրերը

11:43 14.05.2025
Թրամփը հանդիպել է Սիրիայի առաջնորդի հետ․ Al Arabiya

Կապակցված լուրեր

11:39 14.05.2025

ԿԳՄՍ նախարարությունը դատապարտում է Մերձավան գյուղի միջնակարգ դպրոցում տեղի ունեցած միջադեպը

ՀՀ կրթության, գիտության, մշակույթի և սպորտի նախարարությունը խստորեն դատապարտում է Արմավիրի մարզի Փարաքար համայնքի Մերձավան գյուղի միջնակարգ դպրոցում տեղի ունեցած միջադեպը, որի ընթացքում պատմության ուսուցչի նկատմամբ դրսևորվել է անթույլատրելի վերաբերմունք՝ դպրոցի տնօրենի ժամանակավոր պաշտոնակատարի, որոշ ուսուցիչների, աշակերտների և ծնողների մասնակցությամբ։ «Միաժամանակ տեղեկացնում ենք, որ Արմավիրի մարզպետի աշխատակազմի հետ համագործակցությամբ որոշում է կայացվել սահմանված կարգով տնօրենի […] ...

11:27 14.05.2025

Արարատ Միրզոյանի դեմ մահափորձի գործով Արա Բադոյանը դատապարտվել է 3,5 տարվա ազատազրկման

Արտաքին գործերի նախարար Արարատ Միրզոյանի նկատմամբ 2020 թվականին (խմբ. Արարատ Միրզոյանն այդ ժամանակ ՀՀ ԱԺ նախագահն էր) իրականացված մահափորձի գործով մեղադրյալ Արա Բադոյանը դատապարտվել է 3.5 տարվա ազատազրկման։ Այս մասին «Արմենպրես»-ի հետ զրույցում հայտնել են ՀՀ գլխավոր դատախազության հանրային կապերի բաժնից։ «Հաշվի առնելով անձի անազատության մեջ գտնվելու հանգամանքը, ազատության մեջ գտնվելու օրերը հաշվակցվել են նշանակված […] ...

11:18 14.05.2025

ԵՄ դեսպանները հաստատել են Ռուսաստանի դեմ պատժամիջոցների 17-րդ փաթեթը

ԵՄ դեսպանները հաստատել են Ռուսաստանի դեմ պատժամիջոցների 17-րդ փաթեթը։ Այս մասին լրագրողներին հայտնել է ԵՄ ինստիտուտների աղբյուրը։ «ԵՄ մշտական ներկայացուցիչների կոմիտեն հաստատել է Ռուսաստանի դեմ պատժամիջոցների 17-րդ փաթեթը», – ասել է նա՝ հավելելով, որ ԵՄ արտաքին գործերի նախարարների կողմից այս սահմանափակումների հաստատումը սպասվում է մայիսի 20-ին։ ...

11:10 14.05.2025

Կոտայքի մարզի դպրոցներից մեկում գործարկվելու է էլեկտրական շչակ

Մայիսի 15-ին՝ ժամը 10:00-ից մինչև 14:00-ն ընկած ժամանակահատվածում, Կոտայքի մարզի «Աղավնաձորի Զ. Դանիելյանի անվան միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով դասախոսություն, որի ընթացքում գործարկվելու է էլեկտրական շչակ։ ...

11:05 14.05.2025

«Ինտերը» չունի ՊՍԺ-ի, «Մանչեսթեր Սիթիի» կամ «Բավարիայի» բյուջեները․ Ինձագի

Իտալիայի չեմպիոն «Ինտերի» գլխավոր մարզիչ Սիմոնե Ինձագին խոսել է Եվրոպայի խոշորագույն ակումբների հետ ֆինանսական տեսանկյունից մրցակցության մասին։ Ա Սերիայի 36-րդ տուրում «Ինտերը» 2:0 հաշվով հաղթել է «Տորինոյին» եւ առաջատար «Նապոլիից» հետ է 1 միավոր։ «Ցավոք, Սկուդետոյի ճակատագիրը մեր ձեռքում չէ, բայց մենք պետք է կենտրոնացած լինենք մինչեւ վերջին խաղը։ Այս խաղում բացակայած ֆուտբոլիստները չեն լինի […] ...

10:58 14.05.2025

Լուլա դա Սիլվան մտադիր է Մոսկվայում Պուտինին փոխանցել Կիևի հարցադրումները

Բրազիլիայի նախագահ Լուիս Ինասիո Լուլա դա Սիլվան մտադիր է Չինաստան կատարած այցից հետո մեկնել Մոսկվա՝ Ռուսաստանի նախագահ Վլադիմիր Պուտինի հետ քննարկելու Ուկրաինայի իշխանությունների խնդրանքները մայիսի 15-ին Ստամբուլում հնարավոր բանակցությունների և պատվիրակությունների կազմի վերաբերյալ։ «Երբ ես մեկնեմ Մոսկվա, կփորձեմ խոսել Պուտինի հետ այս մասին», – ասել է Լուլա դա Սիլվան Պեկինում կայացած մամուլի ասուլիսում։ Նա նաև […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.