19:20 11.09.2021
Այս տարվա սուբվենցիոն ծրագրերում նորից համայնքները առաջնահերթություն են տվել գյուղամիջյան ճանապարհների, ջրագծերի նորոգմանը, մանկապարտեզների կառուցմանը։ Ախուրյան խոշորացված համայնքի ներկայացրած յոթ ծրագրերն էլ հաստատվել են, որոնց ընդհանուր արժեքը 350 միլիոն դրամ է, միջինը՝ 50 տոկոս համայնքի ներդրումով։
Երկրաշարժի հետևանքով նախկին Ախուրյան շրջկենտրոնը ևս կորցրել է բազմաբնակարան շենքերի կեսից ավելին, մի մասն էլ վթարայնության պատճառով ապամոնտաժվել են։ Այժմ բնակավայրում 23 շենք է հաշվառված, որոնք բնակեցված են։ Վերջին ուսումնասիրություններով Ախուրյանում վթարային շենքեր չկան: 60-70 ականներին կառուցված բնակելիները ամուր են, բայց դրանց տեխնիկական վիճակի վրա հետագայում կարող են ազդեցություն թողնել բաց ու կոտրված տանիքները։
Նախորդ տարիներին համայնքի բյուջեով 10-ից ավելի շենքերի տանիքներ վերանորոգվել են։ Այս տարի սուբվենցիոն ծրագրով հնարավորություն է ստեղծվել համայնքային բյուջեից քիչ ծախսումներով ևս 3 շենքի տանիք նորոգել ։
«Խիստ վթարված տանիքներն ենք ընդգրկել ծրագրում, 4 տանիք էր, բայց 3-ը կվերանորոգենք, մյուսի նախագծանախահաշվային փաստաթղթերը պատրաստ են, խնայված միջոցների հաշվին հաջորդ տարի կվերանորոգենք»,- նշել է Ախուրյանի համայնքապետարանի շինարարության գծող գլխավոր մասնագետ Սամվել Սարգսյանը։
1100 քմ ընդհանուր մակերեսով երեք տանիքների նորոգման համար կծախսվի 31 միլիոն դրամ, գումարի 60 տոկոսը խոշորացված համայնքն է տալիս։
Ախուրյան խոշորացված համայնքի Արևիկ գյուղում էլ ճանապարհ են հիմնանորոգվում, որն համարվում է գյուղամեջ տանող կենտրոնական փողոցը։ Այս տարի Շիրակի մարզում սկսված սուբվենցիոն ծրագրերի մեծ մասը վերաբերում են գյուղամիջյան ճանապարհներին։
1 կմ 200 մետր ընդհանուր երկարության գյուղամիջյան ճանապարհի տակ 60 տարի առաջվա ասֆալտից հատվածներ ու հին եզրաքարեր են շինարարները հանում ։ Անանցանելի փողոցը ավտոմեքենաների ու գյուղտեխնիկայի համար երթևեկելի պահելու համար խճապատումներ կատարվել են, բայց դրանք մնացել են մինչև ձյունն ու անձրևները։ Հեռացված հողային ու խճային զանգվածը օգտագործում են գյուղի այլ հատվածներում փողոցները հարթեցնելու համար:
«Ճանապարհը քանդելուց հետո շեբինային ու գրունտային նյութը օգտագործում ենք գյուղի երկրորդական ու դաշտամիջյան ճանապարհները հարթեցնելու համար։ Տեղափոխում ենք գյուղացիների օգնությամբ»,- ասում է Արևիկ գյուղի վարչական ղեկավար Վարդգես Մելքոնյանը։
Հիմնանորոգվող ճանապարհը կունենա նաև բետոնյա սալերով կառուցված ջրահեռացման համակարգ, իսկ ոռոգման ջուրը տնամերձներ հասցնելու համար որոշ հատվածներում կտեղադրվեն ստորգետնյա խողովակներ։
Խոշորացված փնջի գյուղերում այս տարի իրականացվող բոլոր 7 սուբվենցիոն ծրագրերը ներկայացվել են բնակիչների առաջարկություններն հաշվի առնելով։ Ամեն մի համայնքի ամար կա սահմանված ֆինանսական ներդրումների շեմ, որի համապատասխանության դեպքում է միայն ծրագիրը հաստատվում ։
Այս տարվա սուբվենցիոն ծրագրերը Շիրակի մարզի բոլոր համայնքներում ուշ են սկսվել, բայց ավարտի ժամկետներում փոփոխություններ չեն նախատեսվում, աշխատանքները մինչև տարեվերջ կավարտվեն: Արդեն քննարկում են հաջորդ տարվա սուբվենցիոն ծրագրերի փաթեթները։ Սպասվելիք կրկնակի խոշորացման արդյունքում համայնքային ընդհանուր բյուջեն ավելի կմեծանա, ինչն էլ հնարավորություն կտա ֆինանսավորմամբ ավելի մեծ ծրագրերի հայտ ներկայացնել։
22:08 06.08.2025
Ախուրյան համայնքում ընթանում են 10․000 գծամետր երկարությամբ միջբնակավայրային և դաշտամիջյան ճանապարհների հարթեցման աշխատանքներԱխուրյան համայնքի ղեկավար Զավեն Մանուկյանն այսօր հետևել է Ազատան բնակավայրի 10 0000 գծամետր երկարությամբ միջբնակավայրային և դաշտամիջյան ճանապարհների հարթեցման, բարեկարգման աշխատանքերին: Այս մասին հայտնել են Ախուրյանի համայնքապետարանից։ Այսուհետև Ախուրյան համայնքի Ազատանը Արևիկին և Այգաբացին միացնող ճանապարհը հարթ ու անցանելի կլինի: Խճավազային խառնուրդը համայնքին է տրամադրում Գյումրի-Արևիկ-Այգաբաց ճանապարհահատվածի հիմնանորոգումն իրականացնող շինարարական կազմակերպությունը, իսկ հարթեցման աշխատանքներն իրականացվում […] ...
21:52 06.08.2025
«Լինկոլն Ռեդ Իմփսն» ամրապնդում է կազմը «Նոայի» դեմ խաղից առաջ«Լինկոլն Ռեդ Իմփսն» ամրապնդել է կազմը Հայաստանի չեմպիոն «Նոայի» դեմ խաղից առաջ։ Ջիբրալթարի չեմպիոնը հայտարարել է հարձակվող Բուբակար Սադիք Դաբոյի տրանսֆերի մասին: Սենեգալցին Պիրինեյան թերակղզի է վերադարձել ազատ գործակալի կարգավիճակում: Նախկինում նա խաղացել է Իսպանիայում: Նրա նախորդ ակումբը ֆարերյան «Ստրեյմուրն» էր: Ֆարերյան կղզիներում մրցաշրջանը սկսվել է գարնանը: Այս ընթացքում 27-ամյա ֆուտբոլիստը մասնակցել է 17 խաղի, […] ...
21:46 06.08.2025
AP. ԱՄՆ Ջորջիա նահանգի ռազմաբազայում հրաձգություն է տեղի ունեցելԱնհայտ անձը կրակ է բացել Ջորջիա նահանգի Ֆորտ Ստյուարտ ամերիկյան ռազմաբազայում, ռազմական օբյեկտը մասամբ փակ է եղել։ Այս մասին հայտնել է Associated Press-ը։ «Մենք ներկայումս գնահատում ենք իրավիճակը, բայց կարող ենք հաստատել կրակողի հետ միջադեպը», – գործակալությունը մեջբերում է փոխգնդապետ Անգել Թոմկոյի խոսքերը։ Միջադեպի զոհերի և դրա դրդապատճառների մասին տեղեկություններ առայժմ չկան: Գործակալությունը նշում է, […] ...
21:36 06.08.2025
Ներքին Չարբախի տներից մեկում հրդեհ է բռնկվելՕգոստոսի 6-ին, ժամը 20։32-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ներքին Չարբախի տներից մեկում հրդեհ է բռնկվել։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման հերթապահ խմբերը: Հրդեհը մեկուսացվել է ժամը 21։18-ին։ Կտրվի լրացուցիչ տեղեկություն։ ...
21:25 06.08.2025
Օգոստոսի 1-ին ժամանակավորապես կդադարեցվի մի շարք հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 7-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Ամիրյան փ. 13/1, 18/3 շենքեր, Աբովյան փ. 5, 7 շենքեր, Սայաթ-Նովայի պող. 3, 5, 7 շենքեր, Սայաթ-Նովայի պող. 4, 6 շենքեր և հարակից ոչ բնակիչ-բաժանորդներ, Թումանյան փ. 30, 32 […] ...
