18:43 04.10.2021
Հիմնանորոգումից հետո այսօր վերաբացվել է Արթիկի թիվ 4 հիմնական դպրոցը։ Խիստ վթարային շենքի հիմնանորոգումն անցած տարի էր սկսվել։ Դպրոցի շենքը կառուցվել է 1984 թվականին։ Շահագործվել է ընդամենը 4 տարի և երկրաշարժի հետևանքով վթարային է դարձել: 88-ից հետո շենքի ամրությունն ու անվտանգությունն ապահովել են արտաքինից տեղադրված հենասյուները, վերանորոգման աշխատանքներ չեն կատարվել։
«Տանիքից կաթում էր, պատուհաններից փչում էր, փորձում էինք պոլիէթիլենային տոպրակներով փակել պատուհանների ճեղքերն ու տաքացնեինք, բայց միևնույն է, հնարավորությունը այնքան չէր, որ կարողանայինք բարեկեցիկ պայմաններ ունենալ, ջեռուցվում էր հնարավորինս շատ, բայց դա էլ չէր նպաստում, որ դպրոցը տաք լիներ»,- ասում է Արթիկի թիվ 4 հիմնական դպրոցի փոխտնօրեն Լաուրա Կարախանյանը։
Հենապատ հանդիսացող սյունը դեռ մնում է, իսկ ներսից դպրոցն ամբողջությամբ վերափոխվել է: Նորոգվել են բոլոր դասասենյակները, փոխվել են պատուհաններն ու դռները, փայտե փտած հատակները սալիկապատվել են։ Բարեգործական կազմակերպությունը անմիջապես համաձայնել է ֆինանսավորել շենքի վերականգնումը, երբ տեսել է, թե ինչ պայմաններում են աշակերտները դաս պարապում:
«Արթիկի թիվ 4 դպրոցը, երբ դիմեց վերանորոգման համար, շատ վատ, անմխիթար ու անբարեկարգ վիճակում էր գտնվում, նույնիսկ դասարանների պատերին սունկ էր աճած։ Մեր խորհուրդը միահամուռ որոշեց, որ պետք է վերանորոգման ծրագրում ընդգրկվի դպրոցն, ու աշխատանքները սկսվեցին․ շուրջ 250 հազար դոլարի ներդրում է կատարվել»,- ասում է Հայ կրթական հիմնարկության հայաստանյան մասնաճյուղի տնօրեն Արմինե Հարոյանը։
5285 քմ ընդհանուր տարածքից բացի, ամբողջությամբ նորացվել է դպրոցի տանիքը: Վթարային ու բաց տանիքից անձրևաջրերը լցվում էին դասասենյակներ, որոնց պատերը մշտապես խոնավ էին։
Դպրոցի շենքի վթարայնության պատճառով ամեն տարի թիվ 4 դպրոցի աշակերտների թիվը պակասում էր: Ծնողները նախընտրում էին իրենց երեխաներին տեղափոխել այլ ուսումնական հաստատություններ։ Այս տարի արդեն հակառակ պատկերն է՝ աշակերտների թիվ է ավելացել։
«Մեր դպրոցն ունեցել է մոտ 1000 աշակերտ, աստիճանաբար աշակերտների թիվը պակասեց՝ հասնելով 143-ի։ Այս տարի ունենք արդեն երկու առաջին դասարան՝ 41 աշակերտով, արդեն 203 աշակերտական համակազմ ունենք»,- նշում է դպրոցի տնօրեն Նունե Գրիգորյանը։
Հիմնանորոգման ու վերանորոգման աշխատանքներից բացի, Հայ կրթական հիմնարկությունը դպրոցին է տրամադրել նաև գույք և սարքավորումներ։ Այժմ դպրոցն ունի միայն մարզագույքի կարիք։
Հայ կրթական հիմնարկության ծրագրում առաջնահերթությունը տրվում է սահմանամերձ ու ծայրամասային համայնքների դպրոցներին, ինչպես նաև ընդգրկվում են վթարային մասնաշենքեր ունեցող դպրոցները։ Այս տարի Արցախում, Ջավախքում և Հայաստանում շուրջ 200 դպրոցներ են հիմնանորոգվել ու վերանորոգվել, որից երկուսը Շիրակի մարզում են։
Իսկ պետական դպրոցաշինության ծրագրով մի քանի օրից կմեկնարկեն Արթիկի թիվ 2 հիմնական դպրոցի նոր մասնաշենքի կառուցման աշխատանքները։
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
