ՀԱՅԱՍՏԱՆ

Չեխիայի ԱԳ նախարարությունը նամակով դիմել է այդ երկրում Հայաստանի, Ադրբեջանի, Բելառուսի, Ղազախստանի և Ռուսաստանի դեսպաններին՝ կոչ անելով չմիջամտել Չեխիայի ներքին գործերին։ Պատճառն Հայաստանի ու նշված երկրների դեսպանների՝ դեկտեմբերին Չեխիայի ԱԳ նախարարությանն ուղղված նամակն է։

Նամակում դեսպանները խնդրել էին թույլ չտալ, որ Պրահայում Խորհրդային Միության մարշալ Կոնևի հուշարձանի մոտ նոր հուշատախտակ տեղադրվի։ Պրահայի տեղական ինքնակառավարման մարմինները որոշել էին զորահրամանատարի արձանին մոտ դնել հուշատախտակ, որը կպատմեր նրա՝ մարդկության դեմ գործած հանցագործությունները՝ նկատի ունենալով Հունգարիայում (1956 թ.) և Չեխոսլովակիայում (1968 թ.) խորհրդային բանակի կողմից զենքի գործադրմամբ ժողովրդական ապստամբությունների ճնշումը։

Դեսպաններն իրենց նամակում նշել էին, որ նման ցուցատախտակի նսեմացնում է հուշարձանի կարևորությունը և անարգում նացիզմի դեմ պայքարում զոհվածների հիշատակը։

ShantNews-ի հետ զրույցում Հայաստանի ԱԳՆ մամուլի խոսնակը դժվարացավ անմիջապես մեկնաբանել Չեխիայի ԱԳՆ նամակը։ Ինչ վերաբերում է դեկտեմբերին դեսպանների կողմից ուղարկված նամակին, Տիգրան Բալայանը նշեց. «Դա եղել է ռուսական կողմի նախաձեռնությունը, որին միացել է նաև մեր դեսպանը»։

Սեֆիկյանի գործով դատական նիստում պաշտպան Արայիկ Պապիկյանը նշեց, որ դատարանը զրկեց իրեն և իր պաշտպանյալ Ներսես Պողոսյանին՝ Գևորգ Սաֆարային հարցեր ուղղելու հնարավորությունից։ Պաշտպան Գուրգեն Մելիքյանն էլ միջնորդեց դատարան հրավիրել փորձագետի, քանի որ, իր խոսքով, եղել են բազմաթիվ անհամապատասախանություններ իրեղեն ապացույցների՝ մասնավորապես ինքնաձիգերի և փամփուշտների ուսումնասիրության ժամանակ։ Կրկին հայտարարվեց ընդմիջում, որպեսզի կողմերը ծանոթանան միջնորդությանը։

ՀՀ ԳԱԱ Հնագիտության և ազգագրության ինստիտուտը ներկայացրել է 2017 թվականի արշավախմբերի աշխատանքների արդյունքները։ Ընդհանուր առմամբ կազմակերպվել է 39 արշավախումբ, այդ թվում 16֊ը արտասահմանցի մասնագետների հետ։ Արդյունքները, ըստ ինստիտուտի տնօրենի, սենսացիոն են։ Արմավիրի մարզի Լեռնագոգ 1 հնավայրում հայտնաբերվել է ստացիոնար բնակատեղի, որը թվագրվում է Քիիստոսի ծնունդից առաջ 8֊րդ հազարամյակի վերջին, 7֊րդ հազարամյակի սկզբին, այսինքն շուրջ 9 […]

Նախագահ Սերժ Սարգսյանն այսօր ստորագրել է Ազգային ժողովի ընդունած Հայաստանի Հանրապետության ընտանեկան օրենսգրքում փոփոխություններ և լրացումներ կատարելու մասին, Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին օրենքը

Այսօր շարունակվում է Ժիրայր Սեֆիլյանի ու ևս 6 հոգու դատավարությունը: Ամբաստանյալներ Ժիրայր Սեֆիլյանը Գևորգ Սաֆարյանը լքեցին նիստը՝ ի պաշտպանություն հացադուլ հայտարարած ՊՊԾ գնդի գործով ամբաստանյալներ Արմեն Բիլյանի և Սմբատ Բարսեղյանի։ Պաշտպան Տիգրան Հայրապետյանը ևս լքեց դահլիճը, քանի որ, իր խոսքով, լիազորված չէ դատական նիստին մասնակցել առանց իր պաշտպանյալի և չի կարող դիրքորոշում ունենալ, որը կհակասի […]

Շենգավիթ վարչական շրջանի ընդհանուր իրավասության դատարանում շարունակվում է Ժիրայր Սեֆիլյանի ու ևս 6 ամբաստանյալների գործով դատաքննությունը։ Այս տարվա առաջին դատական նիստին դատարանը կրկին սանկցիա կիրառեց ամբասռանյալների նկատմանբ ովքեր ոտքի չէին կանգնել դատավորի ներս մտնելուց։ Դատավորը արձանագրեց, որ նիստին ներկա չէ փաստաբան Տիգրան Եգորյանը։ Փաստաբան Արայիկ Պապիկյանն ասաց, որ փաստաբանը խուզարկության է ենթարկվել կարգադրիչների կողմից և […]

Մարդու իրավունքների պաշտպանի որոշմամբ ստեղծված աշխատանքային խումբը կրկին չհայտարարված այց են կատարել «Նուբարաշեն» քրեակատարողական հիմնարկ։ Այցի ընթացքում խմբի անդամները առանձնազրույցներ կունենան հացադուլ հայտարարած Արմեն Բիլյանի և Սմբատ Բարսեղյանի հետ, կուսումնասիրեն նրանց բժշկական փաստաթղթերը։

«Վեոլիա Ջուր» ընկերությունը տեղեկացնում է, որ վթարի վերացման աշխատանքներով պայմանավորված, հունվարի 12-ին ժամը 09.30-20.00 կդադարեցվի Արարատի մարզի Նոր Կյուրին համայնքի 1, 2, 3, Մարմարաշեն համայնքի 1-ից-14 և 44-ից-48 փողոցների, Ջրահովիտ և Արևաբույր համայնքների ջրամատակարարումը:

«Հայաստանի էլեկտրական ցանցեր» ընկերությունից տեղեկացնում են, որ պլանային և վերանորոգման աշխատանքներ իրականացնելու նպատակով հունվարի 12-ին կհոսանքազրկվեն

Երևան քաղաքի

10:00-16:00 Սիլիկյան թաղամասն ամբողջությամբ

Տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հունվարի 12-ին՝ 09:30-ի դրությամբ, բքի և անբավարար տեսանելիության պատճառով Վարդենյաց լեռնանցքը փակ է:

Պաշտպանության նախարարության և զինված ուժերի կառավարման համակարգի բարելավման նպատակով նախատեսվում է սահմանել այդ կառույցների նոր կանոնադրություններն ու կառուցվածքները։

Սա բխում է կառավարության այսօրվա որոշումներից մեկով, որը սահմանել է գերատեսչություններից յուրաքանչյուրի՝ այս տարվա գերակա խնդիրներն ու միջոցառումները, որոնցով պետք է լուծվեն դրանք։

Պաշտպանության նախարարության խնդիրներից մեկն է լինելու մինչև ապրիլի 20-ից 30-ն ընկած ժամանակահատվածում կառավարության աշխատակազմ ներկայացնել «ՀՀ ՊՆ և ՀՀ ԶՈւ գլխավոր շտաբի կանոնադրություններն ու կառուցվածքը սահմանելու մասին» որոշման նախագիծ։

Կառավարության հիմնավորման մեջ նշվում է, որ ՀՀ ՊՆ և ՀՀ ԶՈւ ներկա կառուցվածքները սահմանվել են 2008 թվականին և արտացոլում են նույն ժամանակ ընդունված «Պաշտպանության մասին» ՀՀ օրենքի պահանջները: Մինչդեռ 2017 թվականի վերջին ընդունվել է «Պաշտպանության մասին» նոր օրենք, որի հետ էլ պետք է ներդաշնակեցնել ՊՆ և ԶՈւ ԳՇ կառուցվածքները։

SHANTNEWS.am-ը արդեն տեղեկացրել է, որ այսօր կայացել է ՀՀԿ գործադիր մարմնի հերթական նիստը: Նիստից հետո տեղի ունեցած ճեպազրույցում Էդուարդ Շարմազանովը անդրադարձել է նաև «Ճվճվ Արոյի» որդու մասնակցությամբ հունվարի 8-ին Երևանի կենտրոնում տեղի ունեցած ողբերգական վթարին: Լրագրողի այն դիտարկմանը, որ տարիներ շարունակ այդ մարդիկ եղել են տարբեր քրեական գործերի առանցքում, բայց չեն պատժվել, մինչդեռ իշխանությունները խոսում են Հայաստանում արդարադատության մասին, ի՞նչ դիրքորոշում կա իշխանություն կողմից իրավական համակարգում տիրող այս պատկերի հետ կապված, Շարմազանովը նշեց.

«Հանրապետության նախագահը և ՀՀԿ-ն մեկ անգամ չէ, որ խոսել են արդարադատության համակարգում տիրող խնդիրների մասին: Մեր նպատակը և մեր կարծիքը շատ լակոնիկ ներկայացնեմ, որը չի փոխվել: ՀՀ-ում որևէ քաղաքացի անկախ իր ծագումից, իր պաշտոնից, փողի քանակից, հայրիկի, մայրիկի կամ քեռու պաշտոնից, օրենքից վեր լինել չի կարող: Բոլորը պետք է օրենքի առջև հավասար լինեն: Երկրորդ՝ կա՞ աշխարհում մի ոլորտ, որտեղ ամեն ինչ իդեալական է: Իմ կարծիքով՝ ոչ: Դուք մատնանշում եք արդարադատության, ուժային կառույցների թերությունները: Թերություններ կան այնտեղ, որտեղ կա աշխատանք: Ես էլ Ձեզ կարող եմ բերել առավելություններ նույն ուժային կառույցների»:

Խորհրդարանի եվրոպական ինտեգրման հարցերի մշտական հանձնաժողովն այսօրվա նիստում, ի թիվս այլ նախագծերի, քննարկման է դրել «Ահաբեկչական խմբավորումների կողմից իրենց վերահսկողության ներքո գտնվող Իրաքի հանրապետության տարածքներում եզդի ժողովրդի նկատմամբ ցեղասպան գործողությունների դատապարտման մասին» հայտարարության նախագիծը:

Հայաստան այցելած զբոսաշրջիկների քանակի, քաղաքացիության, տարիքի և լրացուցիչ այլ տեղեկությունների ճշգրիտ հաշվարկման համար առաջարկվում է նոր մեթոդաբանություն:

Վարդենյաց լեռնանցքը դժվարանցանելի է: Սոթք-Քարվաճառ ավտոճանապարհին տեղ-տեղ առկա է մերկասառույց: Լոռու մարզի Սպիտակ քաղաքում տեղում է թույլ ձյուն:

2018 թվականի հունվարի 1-ից Եվրասիական տնտեսական միության երկրներում արտադրված կամ ներկրված բոլոր տեսակի ավտոմեքենաները, այդ թվում՝ բեռնափոխադրող և ուղևորափոխադրող ավտոտրանսպորտը կհամապատասխանի բնապահպանական հինգերորդ դասին (Եվրո-5):

Վարդենիսի ու Սիսիանի բժշկական կենտրոնները նախատեսվում է համապատասխանաբար միավորել Գեղարքունիքի և Զանգեզուրի կայազորային հոսպիտալներին։

ՀՀ կառավարության՝ այսօր ընդունած որոշումներից մեկով նախատեսվում է միավորել Վազգեն Սարգսյանի անվան ռազմական և Արմենակ Խանփերյանցի անվան ռազմաավիացիոն համալսարանները՝ ստեղծելով մեկ ռազմաուսումնական հաստատություն։

Հայաստանի կառավարությունն այսօր ընդունած որոշումով սահմանել է այս տարվա ընթացքում տարբեր գերատեսչությունների գերակա խնդիրները։ Պաշտպանության նախարարության դեպքում դրանք լինելու են.
• ՀՀ ՊՆ և ՀՀ ԶՈւ կառավարման համակարգի բարելավում,
• ՀՀ ԶՈւ արդիականացման գործընթացի ապահովում։
Որոշման մեջ սահմանվում է, որ այս խնդիրների լուծումը կապահովի 2017թ. հունիսի 19-ին ընդունված կառավարության ծրագրի՝ պաշտպանության ոլորտին վերաբերող բոլոր 6 կետերի կատարումը։
Այդ կետերում ներկայացված են մասնավորապես պաշտպանական ներուժի զարգացման (սեփական ռազմարդյունաբերություն, կադրերի պատրաստում, անվտանգության միջազգային երաշխիքներ), բանակի մարտունակության բարձրացման (տեսադիտարկման ու հետախուզության ուժեղացում և այլն), ինչպես նաև ազգ-բանակ հայեցակարգի ներդրման ուղղությամբ կատարվելիք աշխատանքները։
Այս խնդիրները լուծելու համար նախարարությունն իրականացնելու է հետևյալ միջոցառումները.
1. ՀՀ ԶՈւ 2018-2024 թվականների արդիականացման ծրագրի հաստատում (վերջնաժամկետը՝ հունվարի վերջ),
2. ՀՀ ՊՆ և ՀՀ ԶՈւ գլխավոր շտաբի նոր կանոնադրությունների և կառուցվածքի սահմանում (վերջնաժամկետը՝ ապրիլի վերջ),
3. Ռազմաբժշկական և ռազմաուսումնական հաստատությունների օպտիմալացում և գործունեության որակի բարձրացում (վերջնաժամկետը՝ հոկտեմբերի վերջ):
Այս հարցերը գերակա խնդիր սահմանելը կառավարության որոշման մեջ հիմնավորվում է մասնավորապես հակառակորդի ագրեսիվ քաղաքականությամբ.
«Գերակա խնդրի իրականացման անհրաժեշտությունը պայմանավորված է հակառակորդի կողմից հրադադարի խախտումների ավելացման և հակամարտությունը խաղաղ ճանապարհով լուծելու քաղաքական կամքի բացակայության, ինչպես նաև պաշտպանության համակարգը ՀՀ Սահմանադրության 2016թ. փոփոխություններին համահունչ կատարելագործելու հանգամանքով»։ 

Հունվարի 11-ին` երեկոյան ժամերին, շրջանների զգալի մասում սպասվում են տեղումներ

ԵԱՀԿ նոր նախագահն նշել է, որ ԵԱՀԿ-ում Իտալիայի նախագահության օրոք իրենք մշտապես այս հարցերը պահելու են իրենց ուշադրության կենտրոնում:

Բեքչյանը նշել է. «Հայաստանում տեղի են ունեցել իրադարձություններ, որոնցից ես անտեղյակ էի: Անհրաժեշտ էր, որ մենք պատրիարքարանի պաշտոնական կայքում դեպքի մասին հայտարարություն անեինք և արեցինք»:

Արդարադատության նախարարության քրեակատարողական վարչության հանրային կապերի բաժինը հայտարարություն է տարածել հացադուլ անող Արմեն Բիլյանի՝ «Արմավիր» ՔԿՀ տեղափոխելու պահանջի վերաբերյալ:

Երեկ՝ հունվարի 10-ին, Մարդու իրավունքների պաշտպանի գրասենյակի աշխատանքային խումբը չհայտարարված այց է կատարել «Նուբարաշեն» քրեակատարողական հիմնարկ՝ տեսակցելու Արայիկ Խանդոյանին, Արմեն Բիլյանին և Սմբատ Բարսեղյանին։

Երևան քաղաքի դատախազ Րաֆֆի Ասլանյանը դիմել է արտակարգ իրավիճակների նախարար Դավիթ Տոնոյանին և էներգետիկ ենթակառուցվածքների և բնական պաշարների նախարար Աշոտ Մանուկյանին՝ միջոցներ ձեռնարկել «Նաիրիտ գործարան» ՓԲԸ տեխնոլոգիական համակարգերում, տարողություններում և սարքավորումներում առկա քիմիական նյութերի ու սարքավորումների անվտանգ պահպանության համար իրականացվող աշխատանքներն առավել արդյունավետ կազմակերպելու համար:

Եվրոպական դատարանը բավարարել է հերթական վճիռն ընդդեմ Հայաստանի: Այս անգամ հայցվորը ՀՀ արտաքին գործերի նախկին նախարար, «Քաղաքացիական անհնազանդություն» շարժման առաջնորդ Ալեքսանդր Արզումանյանն էր, ով տարիներ առաջ հայց էր ներկայացրել ընդդեմ Հայաստանի:

Ալեքսանդր Արզումանյանը, ով այժմ Դանիայի թագավորությունում ՀՀ արտակարգ և լիազոր դեսպանի պաշտոնն է զբաղեցնում, բողոքարկել էր իրեն կալանքի տակ պահելու որոշումը՝ հայտնի «Փողերի լվացման» գործով:

Ալեքսանդր Արզումանյանը կալանավորվել էր 2007թ-ին՝ ապօրինի եկամուտների օրինականացման գործով: Ազատ էր արձակվել նույն թվականի սեպտեմբերին և դիմել դատարան:

Հայցի բավարարման արդյունքում Հայաստանը Ալեքսանդր Արզումանյանին պարտավորվում է վճարել 2000 եվրո և ևս 500 եվրո՝ դատական ծախսերի փոխհատուցման համար:

ՄԻԵԴ-ը որոշել է, որ այս գործով տեղի է ունեցել Մարդու իրավունքների եվրոպական կոնվենցիայի 5-րդ և 3-րդ հոդվածների խախտում:

Տնտեսական հարցերի մշտական հանձնաժողովը բացասական եզրակացություն է տվել «Ծառուկյան» խմբակցության ներկայացրած «Հարկային օրենսգրքում լրացում կատարելու վերաբերյալ օրենքի» նախագծին:

Կառավարությունն այսօրվա նիստում կրթության և գիտության նախարար Լևոն Մկրտչյանի առաջարկով հաստատեց Մխիթար Հերացու անվան պետական բժշկական համալսարանից 1711 քառակուսի մետր տարածքը 10 տարի ժամկետով, անհատույց օգտագործման իրավունքով «Աջակցություն վիրավոր զինվորներին և զինվորական հաշմանդամներին» ՀԿ-ին հանձնելու առաջարկը:

Մոտ 9 հազար զինծառայող կա Հայաստանում, ովքեր զինվորական ծառայության ժամանակ վնասվածք կամ խեղում են ստացել: Նրանք կենտրոնում վերականգնողական անվճար բժշկական օգնություն կստանան։

ՀԿ-ն իր միջոցներով ներդրումներ կկատարի, ամբողջովին կվերանորոգի այդ մասնաշենքը, կներդնի անհրաժեշտ սարքեր և սարքավորումներ։

Ինչպես գրված է որոշման նախագծում՝ նախատեսվում է կենտրոնում բժշկական օգնություն և վճարովի հիմունքներով սպասարկում տրամադրել նաև այլ հիվանդներին, որից գոյացած հասույթը ևս կտրամադրվի զինհաշմանդամների կարիքների բավարարմանը:

Հասարակական կազմակերպությունը նախատեսում է վերապատրաստումներ իրականացնել մարզային բուժաշխատողների համար, որպեսզի հետագայում հնարավոր լինի մարզերում ևս իրականացնել վերականգնողական կենտրոնների ստեղծման ծրագիր:

Լևոն Մկրտչյանը նշեց նաև, որ նախնական փուլում նախատեսվում է ապահովել ամսական ոչ պակաս 20 ստացիոնար և 50 ամբուլատոր հիվանդների բժշկական օգնություն և սպասարկում:

Քննչական կոմիտեում քննված քրեական գործով վկա Ի. Բ.-ն հայտնել է, որ 2017թ սեպտեմբերի 17-ին`դեպքի վայրի զննության ժամանակ, կողմից ներկայացված թմրամիջոցի փաթեթը կշռվել է. ընդհանուր քաշը կազմել է 3,2 գրամ: Սակայն զննությունը կատարած ոստիկանության աշխատակիցն արձանագրությունում ընդհանուր քաշը նշել է 5,1 գրամ: Բացի այդ ոստիկանության աշխատակիցները թմրամիջոցը չեն փաթեթավորել ու չեն կնիքել, ինչը հնարավորություն է տվել փաթեթում առկա զանգվածի քաշը հետագայում ավելացնել:

Հայաստանում 2017 թվականի դեկտեմբերին նոյեմբերի համեմատ արձանագրվել է շաքարի և շաքարավազի 1.7-0.3 տոկոս գնանկում: