ՀԱՅԱՍՏԱՆ

Վերջին տարիներին Հայաստանում աշխատանք ունեցողների թիվն աճել է՝ հասնելով 38%-ի, սակայն իր աշխատանքով բավարարված է միայն 23%-ը: Այս թվերը ներկայացրել է Կովկասյան բարոմետր» ծրագիրը: Հետազոտական ռեսուրսների կովկասյան կենտրոնը 2004-ից Հայաստանում, Վրաստանում ևԱդրբեջանում անցկացնում է «Կովկասյան բարոմետր» հետազոտությունը, որը հնարավորություն է տալիս համեմատել հարևան երկրներում տիրող իրավիճակը: Ադրբեջանը, սակայն, չի մասնակցել վերջին երկու հետազոտություններին:

Մոսկվայում այսօր՝ դեկտեմբերի 19-ին, տեղի է ունեցել ԱՊՀ երկրների անվտանգության մարմինների և հատուկ ծառայությունների ղեկավարների խորհրդի հերթական նիստը: Նիստին մասնակցել է ՀՀ կառավարությանն առընթեր ազգային անվտանգության ծառայության պատվիրակությունը՝ ԱԱԾ տնօրեն Գեորգի Կուտոյանի գլխավորությամբ:

Հայաստանի՝ հաքերների համար հետաքրքիր դառնալուն զուգահեռ աճում են նաև բանկային համակարգերի վրա հաքերների հարձակումների ծավալները։ Այդ հարձակումները գնալով լրջանալու են, կարծում է ՏՏ ոլորտի փորձագետ Սամվել Մարտիրոսյանը, ով լրագրողների հետ հանդիպմանն անդրադարձել է Հայաստանի համացանցային տարվա միտումներին։

Հայ-ռուսական մարդասիրական արձագանքման կենտրոնում ռուսական փրկարարական գույքի հերթական խմբաքանակն է հանձնվել արտակարգ իրավիճակների նախարարությանը:

Հայաստանի ինտերնետից օգտվաողների քանակն ավելանում է, և դրան զուգահեռ մեծ տեմպերով աճում է համացանցային առևտուր անողների քանակը։ Այս տարի մեծ աճ են գրանցել հատկապես AliExpress ու Amazon ցանցային խանութներից գնումները։

ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը ֆեյսբուքյան իր էջում գրում է. «Կապանում ժամը 13։00-ի դրությամբ +16 աստիճան է»։

Ըստ դատական օրենսգրքում նախատեսվող փոփոխությունների Երևանում այլևս չեն լինի վարչական շրջանների առաջին ատյանի առանձին դատարաններ, այլ կլինի մեկ ընդհանուր դատարան: Օրենսդրական փոփոխությունների վերաբերյալ առաջարկները ներկայացրել է արդարադատության փոխնախարարը: Ըստ Արթուր Հովհաննիսյանի՝ այս քայն ուղղված է դատարանների բեռնաթափմանը: Վիճակագրությունը ցույց է տալիս, որ մի դատավոր կարող է եռակի անգամ շատ գործ քննել, քան Երեանի մեկ այլ վարչական շրջանի մեկ ուրիշ դատավոր: Նոր օրենքով դատավորների ծանրաբեռնվածության տարբերությունը պետք է չգերազանցի 10 տոկոսը:

Դեկտեմբերի 11-ից 15-ն ընկած ԲՆ բնապահպանության և ընդերքի տեսչական մարմնի ստորաբաժանումների աշխատակիցների կատարած ստուգումների, շրջայցերի, Տեսչական մարմնին հանձնված վարչական վարույթի քննության, ինչպես նաև եռամսյակային հաշվետվությունների ընդունման գործընթացում հայտնաբերվել և արձանագրվել է թվով 22 իրավախախտում, 10-ի վերաբերյալ անցկացվել է վարչական վարույթի քննություն և նշանակվել 685.000 ՀՀ դրամի չափով վարչական տուգանք: Այս ժամանակահատվածում բնապահպանական իրավախախտման հետևանքով շրջակա միջավայրին հասցվել է 1.280.150 ՀՀ դրամ:

Ազգային ժողովում ընթացող արտահերթ նիստում քննարկվել է նաև քաղաքացիական դատավարության օրենսգրքում փոփոխություններ և լրացումներ կատարելու մասին նախագիծը: Այն ևս ներկայացրել է արդարադատության փոխնախարար Արթուր Հովհաննիսյանը: Առաջարկվող հիմնական փոփոխությունն այստեղ վերաբերում է էլեկտրոնային եղանակով դատական հայցադիմումների ներկայացմանը: Այսինքն՝ այսուհետ ոչ թե թղթային, այլ էլեկտրոնային եղանակով քաղաքացիները կկարողնան դիմել դատարան: Փաստաթղթերը անհրաժեշտ կլինի ներկայացնել սկանավորված, իսկ ապացույցները բուն փաստաթղթային տեսքով արդեն դատական նիստերի ընթացքում:

Ազգային ժողովում թեժ քննարկում է ընթանում քրեական դատավարության օրենսգրքում առաջարկվող փոփոխությունների շուրջ:

«Ինչո՞վ է պայմանավորված ձերբակալված անձի նոր իրավունքների սահմանումը: Իսկ անօրինական ձերբակալությունների ին՞չ վիճակագրություն կա և ի՞նչ է նշանակում ողջամիտ ժամկետ»,- հարց է ուղղել արդարադատության փոխնախարարին Միքայել Մելքումյանը: Նաիրա Զոհրաբյանն էլ կարծիք է հայտնել, թե «ողջամիտ» բառը մանտրա են սարքել, որ ինչպես ուզեն շահարկեն:

Արդարադատության նախարար Դավիթ Հարությունյանն ընդունել է ԵԱՀԿ Ժողովրդավարական հաստատությունների և մարդու իրավունքների գրասենյակի Իրավունքի գերակայության բաժնի ղեկավար Գենադի Բարբային:

Նախարար Հարությունյանը բարձր գնահատել ՀՀ արդարադատության նախարարության և միջազգային կառույցի համագործակցությունն ու առավել արդյունավետ և հասարակության համար տեսանելի արդյունք ապահովող ծրագրեր իրականացնելու պատրաստակամություն է հայտնել:

Դեկտեմբերի 22-ին ժամը 15:00-ին «Աջ ղեկ» նախաձեռնությունը բողոքի ցույց-ավտոերթ կանցկացնի կապված աջակողմյան ղեկանիվով մեքենաների ներմուծման արգելքի հետ: Այս մասին տեղեկանում ենք նախաձեռնության ֆեյսբուքյան էջից:

«Ավտոերթի սկզբնական վայրը և վերջնակետը դեռ որոշված չէ`կապված երթին մասնակցողների քանակով,քանի որ չենք ցանկանում ամանորյա նախօրեին առանց այն էլ ծանրաբեռնված երթևեկությունն էլ ավելի ծանրաբեռնել»,-նշված է հայտարարության մեջ:

Դատելով նշված հաղորդագրության արձագանքներից՝ այդ ակցիային մասնակցելու ցանկություն է հայտնել մի քանի հարյուր մարդ:

Հիշեցնենք, որ կառավարությունը մտադիր է 2018-ի ապրիլի 1-ից արգելել աջ ղեկով ավտոմեքենաների ներմուծումը։ Օրենքի նախագծով առաջարկվում է նաև թույլատրել մինչև 2018 թվականի ապրիլի 1-ը ներկրված տրանսպորտային միջոցների շահագործումը, սակայն սահմանափակել տրանսպորտային միջոցների վերահաշվառումը:

Ազգային ժողովում ընթացող արտահերթ նիստի օրակարգի առաջին հարցը վերաբերում է քրեական դատավարական օրենսգրքում նախատեսվող փոփոխություններին: Նոր նախագծի մասին զեկուցել է արդարադատության նախարարի տեղակալ Արթուր Հովհաննիսյանը: Օրենսդրական փոփոխություններով ձերբակալված անձը կարող է 60 ժամվա ընթացքում բողոք ներկայացնել ձերբակալման դեմ, իսկ դատարանը պարտավոր է հինգ օրում քննել այդ բողոքը: Եթե ձերբակալվածի կյանքին կամ առողջությանը վտանգ է սպառնում, ապա դատարանը պարտավոր է բողոքը քննել անհապաղ: Այս առաջարկը, սակայն ,լիարժեք չէ և առաջինից երկորդ ընթերցում ընկած հատվածում այն կլրացվի,- նշել է փոխնախարարը:

Երևանի տոնական լույսերի միացման միջոցառումը պատշաճ իրականացնելու և քաղաքացիների անվտանգ տեղաշարժն իրականացնելու նպատակով ժամը 19:00-ից մինչև 20:30-ը ամբողջությամբ կդադարեցվի Հանրապետության հրապարակում ավտոտրանսպորտային երթևեկը:

Քաղաքապետարանից հայտնում են, որ հասարակական տրանսպորտի աշխատանքը կապահովվի շրջանցիկ ճանապարհներով:

Նոյեմբերի 18-ին լրատվական կայքերից մեը հրապարակեց հոդված ՝ «Շառլ Ազնավուրը քննադատել է Հայաստանի իշխանություններին» վերտառությամբ, որտեղ նշվում է, որ շանսոնյեն Նուվել դ’Աղմենի ամսագրին տված հարցազրույցում քննադատել է Հայաստանի իշխանություններին: Հոդվածում մեջբերվել է Շառլ Ազնավուրի խոսքը. «Պետք է գիտակցենք, որ ունենք գեղեցիկ մի երկիր, որը պետք է զարգացնել, այլապես այն մի օր կարող է անհետանալ այնպես, ինչպես որոշ հին քաղաքակրթություններ: Իսկ դրա պատասխանատվությունը կկրեն Հայաստանի ղեկավարները»:

Ոստիկանության ՊՊԳՎ Մարտունու բաժանմունքի ծառայողների բացատրական աշխատանքների շնորհիվ 1953 թ. ծնված Մաքսիմ Ա.-ն կամովին հանձնել է 5.45 մմ տրամաչափի ինքնաձիգի 197 փամփուշտ, ՌԳԴ-5 տիպի նռնակ, ՌԳ-42 տիպի նռնակ և ՈՒԶՌԳՄ տիպի նռնակի պայթուցիչ: Նա հայտնել է, որ զինամթերքը 1995-1997թթ. գտել է Քարվաճառի անտառներից:

«Վեոլիա Ջուր» ընկերությունը տեղեկացնում է, որ, պլանային աշխատանքներով պայմանավորված, դեկտեմբերի 19-ին ժամը 10.00-ից մինչև դեկտեմբերի 20-ը ժամը 10.00 կդադարեցվի Հերացի, Այգեստան 9-ից-11, Օստրովսկու, Որմնադիրների, Լոմոնոսով, Աճեմյան, Լիսինյան, Բուռնազյան, Միչուրինի, Երկաթգծի, Ծատուրյան, Գետառի, Բեռնակիրների, Ծխախոտագործների, Սարի-թաղի 1-ից-3 փողոցների և 1-ից-10 շարքերի, Մյասնիկյան պող. 1-ից-4, Նար-Դոսի փող. 1-ից-30, Տիգրան Մեծի պող. 15-ից-80, Խորենացի փող. 26-ից-231, Գլինկայի փող. 1-ից-25, Քրիստափորի փող. 1-ից-12, Զավարյան փող. 1-ից-35, Սասունցի Դավիթ փող. 70/1, 70/2, 70/3 համարների, Չարենցի փող. 1-ին նրբանցքի, Տիգրան Մեծի պողոտայի նրբանցքների, Խորենացի փողոցի 1, 2, 3, 4 նրբանցքների, Նար-Դոսի փող. 1-ին նրբանցքի, Մխիթար Հերացու անվան բժշկական համալսարանի և թիվ 1 Հիվանդանոցային համալիրի ջրամատակարարումը:

ԱԻՆ Օդերևութաբանության կենտրոնի պետ Գագիկ Սուրենյանը ֆեյսբուքյան իր էջում գրում է. «Արևադարձային տաք օդային հոսանքները Եգիպտոսի տարածքից ներթափանցում են Միջերկրական ծով, իսկ այնտեղից դեպի Հայաստան։ Դեկտեմբերի 20-21-ին գիշերը օդի ջերմաստիճանը հանրապետության ողջ տարածքում կբարձրանա 5-6 աստիճանով, ինչի արդյունքում հովտային և նախալեռնային գոտիներում մի տեսակ գարնան շունչ կզգաք։ Մինչև դեկտեմբերի 25-ը ջերմաստիճանի նվազում չի կանխատեսվում»։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ պլանային և վերանորոգման աշխատանքներ իրականացնելու նպատակով այսօր՝ դեկտեմբերի 19-ին կհոսանքազրկվեն

Երևան քաղաքի
10։00-16։00 Մազմանյան փ. 5, 6, 8, 10, 12, 14, 16, 24 շենքերը, Նորաշեն թաղ. 37 շենքը, Մարգարյան փ. 45, Բաշինջաղյան փ. 6/1, 6/2, 159/1, 159, 161, 163 շենքերը, Նորագավիթ թաղ. 1, 2, 6 փողոցները

Մեկնարկել է Ազգային ժողովի արտահերթ նիստը: Այս արտահերթին քննարկվում են երեկ մշտական հանձնաժողովներում դրական եզրակացության արժանացած օրենսդրական նախագծերը, այդ թվում ընտանեկան օրենսգրքում, քրեական դատավարության օրենսգրքում և մի քանի տասնյակ այլ օրենքներում փոփոխություններ և լրացումներ կատարելու վերաբերյալ նախագծերը: Նիստի մեկնարկին դահլիճում ներկա է եղել և գրանցվել է 95 պատգամավոր:

Տրանսպորտի, կապի և տեղեկատվական տեխնոլոգիաների ու արտակարգ իրավիճակների նախարարությունից տեղեկացնում են, որ հանրապետության միջպետական և հանրապետական նշանակության ավտոճանապարհները բաց են:

Սոթք-Քարվաճառ ավտոճանապարհին և Վարդենյաց լեռնանցքում տեղ-տեղ մերկասառույց է:

Զրույցի ընթացքում Ռոս Գոթեմյոլլերը բարձր է գնահատել ՀՀ խաղաղապահ ստորաբաժանումների մասնակցությունը Աֆղանստանում և Կոսովոյում ՆԱՏՕ-ի ղեկավարած գործողություններին, կարևորել է նոր կարողությունների զարգացման, փոխգործունակության բարելավման համատեղ ջանքերը, համագործակցությունը ռազմական կրթության և այլ ուղղություններով։

Պարտադիր ժամկետային զինծառայող, շարքային Նարեկ Մարզպետունու Ադիբեկյանի սպանության դեպքի առթիվ ՀՀ քննչական կոմիտեի զինվորական քննչական գլխավոր վարչության երրորդ կայազորային քննչական բաժնում քննվող քրեական գործով մեղադրանք է առաջադրվել նույն զորամասի մեկ այլ զինծառայողի:

Հայաստանի Հանրապետության ոստիկանության ծառայողները սերտորեն փոխգործակցելով Վրաստանի ներքին գործերի նախարարության գործընկերների հետ, դեկտեմբերի 17-ին, Վրաստանի տարածքում հայտնաբերվեց հետախուզման մեջ գտնվող Պյոտր Ցիգանկովը։

«ՀՀ-ում մարդու պապիլոմա վիրուսի դեմ պատվաստումների վերաբերյալ» թեմայով քննարկմանը ԱԺ Հանրապետական խմբակցության պատգամավոր Արման Սաղաթելյանը նշել է, որ պապիլոմա վիրուսի դեմ չպատվաստվելը պոպուլյացիոն վտանգի է ենթարկում:

Դեկտեմբերի 18-ին ՀՀ ԶՈՒ և ՌԴ ԶՈՒ զորքերի (ուժերի) միացյալ խմբավորման հրամանատար, գեներալ-մայոր Անդրանիկ Մակարյանի գլխավորած պատվիրակությունը մեկնել է Ռուսաստանի Դաշնություն` Դոնի Ռոստովում ՌԴ Հարավային ռազմական շրջանի հրամանատարության հետ բանակցությունների մասնակցելու և համապատասխան փաստաթղթեր հաստատելու նպատակով:

Զինվորական կենտրոնական դատախազության բաժնի ավագ դատախազի կողմից հաստատվել է զինվորական հոսպիտալի հոգեբուժական բաժանմունքում խարդախության, ինչպես նաև կաշառք տալու փորձի դեպքի առթիվ հարուցված քրեական գործով մեղադրական եզրակացությունը:

Սննդամթերքի անվտանգության պետական ծառայությունը տնտեսվարողներին թույլատրել է շարունակել գործունեությունը, քանի որ արտադրամասերի սանիտարահիգիենիկ վիճակը համապատասխանեցվել է օրենքով սահմանված պահանջներին:

Նախագահ Սերժ Սարգսյանն այսօր ընդունել է Ռուսաստանի Դաշնության Վոլոգդայի նահանգապետ Օլեգ Կուվշիննիկովին: Հանրապետության նախագահը կարևորել է հայ-ռուսական միջպետական հարաբերությունների կարևոր բաղադրիչներից համարվող ապակենտրոնացված փոխգործակցությունը Հայաստանի մարզերի և Ռուսաստանի նահանգների միջև:

Բնապահպանության նախարար Արծվիկ Մինասյանն այսօր հրաման է ստորագրել, որով արգելվել է 2017թ. դեկտեմբերի 20-ից մինչև 2018թ. հունվարի 15-ը Սևանա լճում ձկան և խեցգետնի որսը, ինչպես նաև ուժեղացվել է հսկողությունն ապօրինի ձկնորսության և ձկնային պաշարների պահպանության ուղղությամբ:

Հրամանում ասված է.

1. Իշխան և Սիգ ձկնատեսակների ձվադրման ժամանակահատվածում ձկների բնական վերարտադրությունն ապահովելու նպատակով 2017 թվականի դեկտեմբերի 20-ից մինչև 2018 թվականի հունվարի 15-ն ուժեղացնել վերահսկողությունը Սևանա լճում ապօրինի ձկնորսության և ձկնային պաշարների պահպանության ուղղությամբ: