14:28 27.10.2021
Թեև կիբերհանցագործները գնալով ավելի շատ նախընտրում են գրոհել խոշոր ընկերությունները, անհատ օգտատերերի վրա զանգվածային գրոհները դեռևս մնում են նրանց զինանոցում։ Անհատ օգտատերերի վրա գրոհների սաստկացմանը նպաստում է նաև համավարակի պայմաններում հեռավար աշխատանքի տարածումը, քանի որ աշխատակցի տան չպաշտպանված սարք ներթափանցելու դեպքում ցանցահենները շատ հաճախ կարողանում են դրա միջոցով թափանցել արդեն ընկերության կորպորատիվ ցանց։ Այս մասին «Կասպերսկի. Բիզնեսը նոր դարաշրջանում» նախագծի շրջանակում նշեց Հայաստանում և Վրաստանում «Կասպերսկի» ընկերության տարածքային ներկայացուցիչ Արմեն Կարապետյանը։
Նա ընդգծեց, որ տնային սարքերը պաշտպանելու լավագույն միջոցը հուսալի հակավիրուսային ծրագրեր կիրառելն է, ինչպես նաև կիբերհիգիենայի կանոններին հետևելը։
Հակավիրուսային ծրագրերը, Արմեն Կարապետյանի ներկայացմամբ, նախ և առաջ պետք է կարողանան ավտոմատ հայտնաբերել, մեկուսացնել և հեռացնել վնասաբեր ծրագրերը՝ չազդելով սարքի արագագործության վրա։ Այստեղ կարևոր է անֆայլ վիրուսների հայտնաբերումը, որոնք թափանցում են սարքի օպերատիվ հիշողություն, այլ ոչ թե կոշտ սկավառակ և դժվար են հայտնաբերվում։ Բացի դրանից՝ դրանք պետք է պաշտպանեն սարքը կոտրելուց (հաքինգ), ինչը հատկապես անհրաժեշտ է լայն տարածում ստացած ծածկագրող-շորթող ծրագրերից պաշտպանության պարագայում։ Համալիր հակավիրուսների մեկ այլ կարևոր բաղադրիչ է գաղտնիության պաշտպանությունը, որտեղ տվյալների ծածկագրումը կանխում է փոխանցվող տվյալների արտահոսքը։ Դրանք պաշտպանում է նաև հակաֆիշինգը՝ կեղծ կայքերի և հաղորդագրությունների հայտնաբերման միջոցով, ինչպես նաև այն բաղադրիչը, որը կանխում է կայքերի և սոցիալական ցանցերի կողմից օգտատիրոջ ակտիվությանը հետևելը և նրա անձնական տվյալները հավաքելը։ Համալիր հակավիրուսները տնային ցանցը և սարքերը պաշտպանում են կանխելով սարքին հեռավար հասանելիությունը, ցանցային գրոհները, արգելափակելով գովազդը և պաշտպանելով ստեղնաշարային լրտեսներից։
«Հակավիրուսային ծրագրերի ընտրության հարցում օգտատերերին կօգնի անկախ լաբորատորիաների թեստավորումների արդյունքներին ծանոթանալը. դրանք անցկացվում են ամենատարբեր նշանակության նորագույն վնասաբեր ծրագրերի իրական գրոհների նմանակմամբ՝ ըստ տարբեր պարամետրերի»,- հայտնեց Արմեն Կարապետյանը։
Ինչ վերաբերում է կիբերհիգիենային, ապա այստեղ, նրա բնորոշմամբ, առաջին կանոնը զգուշավորությունն է, որը պետք է դրսևորվի հատկապես անծանոթների նամակները և հաղորդագրությունները բացելիս, ինչպես նաև իբր շահավետ առաջարկներին արձագանքելիս։
23:59 06.07.2025
BRICS-ի առաջնորդները կոչ են արել Իսրայելին դուրս բերել զորքերը ՍիրիայիցՌիո դե Ժանեյրոյում կայացած գագաթնաժողովից հետո ընդունված հայտարարության մեջ BRICS պետությունների ղեկավարները վերահաստատեցին իրենց հավատարմությունը Սիրիայի անկախությանը, ինքնիշխանությանը և տարածքային ամբողջականությանը և կոչ արեցին Իսրայելին դուրս բերել իր զորքերը երկրից։ «Մենք վերահաստատում ենք մեր հավատարմությունը Սիրիայի ինքնիշխանությանը, անկախությանը, միասնությանը և տարածքային ամբողջականությանը»,-ասվում է հռչակագրում։ Տեքստում նաև կոչ է արվում Իսրայելին անհապաղ դուրս բերել իր զորքերը […] ...
23:40 06.07.2025
Եգիպտոսի վարչապետը կոչ է արել BRICS-ին առաջընթաց գրանցել ազգային արժույթներով հաշվարկների հարցումBRICS երկրները պետք է առաջընթաց գրանցեն ազգային արժույթներով հաշվարկների հարցում, հայտարարել է Եգիպտոսի վարչապետ Մոստաֆա Մադբուլին։ ԲՐԻԿՍ-ի տասնյոթերորդ գագաթնաժողովը տեղի է ունենում Ռիո դե Ժանեյրոյում հուլիսի 6-7-ը։ Բրազիլիա մեկնած ռուսական պատվիրակությունը գլխավորում էր Ռուսաստանի արտաքին գործերի նախարար Սերգեյ Լավրովը։ «Մենք պետք է առաջընթաց գրանցենք ազգային արժույթներով ֆինանսական հաշվարկներում՝ համապատասխան BRICS-ի միջսահմանային հաշվարկների նախաձեռնությանը, և ավելացնենք […] ...
23:18 06.07.2025
Բրազիլիայի նախագահը կոչ է արել ընդլայնել ՄԱԿ-ի Անվտանգության խորհուրդըԲրազիլիայի նախագահ Լուիս Ինասիո Լուլա դա Սիլվան կոչ է արել ընդլայնել ՄԱԿ-ի Անվտանգության խորհուրդը՝ որպես մշտական անդամներ ներառելով ասիական, աֆրիկյան և լատինաամերիկյան պետություններին։ «Մեր առջև ծառացած վստահության ճգնաժամը հաղթահարելու համար մենք պետք է խորապես փոխենք ՄԱԿ-ի Անվտանգության խորհուրդը։ Այն դարձնենք ավելի լեգիտիմ, ներկայացուցչական, արդյունավետ և ժողովրդավարական։ Ներառենք նոր մշտական անդամներ Ասիայից, Աֆրիկայից, Լատինական Ամերիկայից և […] ...
23:00 06.07.2025
Ըմբշամարտիկ Սարգիս Բեգոյանը՝ Եվրոպայի չեմպիոնԻտալիայում ընթացող մինչև 20 տարեկանների ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Սարգիս Բեգոյանը (61 կգ) նվաճեց ոսկե մեդալ։ Եզրափակիչ գոտեմարտում Բեգոյանը մրցեց Ռուսաստանի ներկայացուցչի՝ Ադլան Սայտիևի հետ։ Այս մասին տեղեկացնում է Հայաստանի ըմբշամարտի ֆեդերացիան: ...
22:40 06.07.2025
Անցած աշխատանքային շաբաթը Շրջակա միջավայրի նախարարության ենթակա կառույցներումՀՀ Շրջակա միջավայրի նախարարությունը ամփոփել է անցած աշխատանքային շաբաթը նախարարության ենթակա կառույցներում․ «Անցած աշխատանքային շաբաթը Շրջակա միջավայրի նախարարության ենթակա կառույցներում ՀՀ ՇՄՆ էկոպարեկային ծառայությունում Ծառայության պետ Վլադիմիր Կիրակոսյանի գլխավորած աշխատանքային խումբը մասնակցել է Սյունիքի մարզային վարչության Կապանի տեղամասում տեսուչների երդմնակալության հանդիսավոր արարողությանը: Աշխատանքային այցով եղել են Սյունիքի մարզպետարանում. կողմերը վերահաստատել են համագործակցության իրենց հանձնառությունը։ Կիրակոսյանը […] ...
22:20 06.07.2025
Պուտին. Լիբերալ գլոբալիզացիան սպառել է իր օգտակարությունը, մինչդեռ BRICS-ը աճ է ցույց տալիսԱրևմուտքի կողմից ձևավորված գլոբալիզացիայի լիբերալ մոդելը սպառել է իր օգտակարությունը, և գործարար գործունեության տեղափոխումը զարգացող երկրներ խթանում է հզոր տնտեսական աճ, այդ թվում՝ BRICS-ում: Սա նշել է Ռուսաստանի նախագահ Վլադիմիր Պուտինը՝ ասոցիացիայի գագաթնաժողովում տեսակապի միջոցով ելույթ ունենալով: «Գլոբալ տնտեսական կարգի փոփոխությունը շարունակում է թափ հավաքել։ Ամեն ինչ ցույց է տալիս, որ լիբերալ գլոբալացման մոդելը հնանում […] ...
