16:27 15.12.2021
Կարիերայի զարգացմանն աջակցող համակարգի գնահատման վերաբերյալ աշխատաժողովն այսօր համախմբել էր բոլոր շահառու կողմերին՝ ներկայացնելու համակարգի ներկա վիճակը, քննարկելու հնարավոր զարգացումները և առաջարկելու համապատասխան լուծումներ:
Միջոցառմանը ներկա է գտնվել և մասնակիցներին ողջունել ԿԳՄՍ նախարարի տեղակալ Ժաննա Անդրեասյանը: Նա նշել է, որ մասնագիտական կողմնորոշման և կարիերայի զարգացման համակարգերը մեր երկրում մարդկային կապիտալի և հանրային զարգացման ուղիղ գործիքներ են, և դրանց շարունակական բարելավումն ու վերափոխումը կարևորագույն խնդիրներ են: Այդ առումով՝ փոխնախարարը շեշտադրել է մի քանի առաջնահերթություն. նա կարևորել է, որ մասնագիտական կողմնորոշման և կարիերայի զարգացման հարցը պետք է դիտարկել իբրև ինստիտուցիոնալ խնդիր: Ժաննա Անդրեասյանի խոսքերով՝ այս ուղղությամբ աշխատանքները վաղուց մեկնարկել են՝ որպես օրինակ բերելով ՄԿՈՒ համակարգում կարիերայի զարգացման պատասխանատուների առանձնացումը հաստիքացուցակում և դրա շարունակական զարգացումը:
Երկրորդ շեշտադրումը, ըստ նախարարի տեղակալի, հանրակրթության ոլորտում ինստիտուցիոնալ գործընթացների իրականացումն է նոր չափորոշիչների ներդրման շրջանակում, համաձայն որի՝ մասնագիտական կողմնորոշման ակումբները՝ որպես դպրոցի գործունեության կարևոր բաղադրիչ, պետք է լինեն պարտադիր:
«Ներկայումս այդ բաղադրիչը փորձարկվում է Տավուշի մարզի դպրոցներում՝ հետագայում դրա ներդրումն ապահովելու հանրապետության բոլոր դպրոցներում: Այս թիրախները հստակ ամրագրված են ՀՀ կառավարության ծրագրում և 5-ամյա միջոցառումների ծրագրում: Մասնագիտական կողմնորոշման և կարիերայի զարգացման օրակարգը, սակայն, միակողմանի չէ. դրա արդյունավետությունը կախված է տարբեր գործընկերների ջանքերից և տնտեսություն-գործատու համագործակցության աստիճանից»,- նշել է Ժաննա Անդրեասյանը՝ կարևորելով կողմերի շարունակական երկխոսությունը:
Նախարարի տեղակալն անդրադարձել է երկու խնդրի ևս. դրանցից առաջինը ՄԿՈՒ ոլորտում մասնագիտությունների ճիշտ տեղաբաշխումն է, քանի որ փաստահեն և մեթոդաբանական առումով՝ կարիք կա առավել հիմնավորված աշխատանքի՝ հասկանալու յուրաքանչյուր մարզի զարգացման հեռանկարային ուղղությունները և, ըստ այդմ, առաջնահերթ մասնագիտությունները: Երկրորդ կարևոր ուղղությունը, ըստ ժաննա Անդրեասյանի, այն է, որ արագ փոփոխվող իրականությունում առաջիկա տարիներին մի շարք մասնագիտություններ, ըստ ամենայնի, ուղղակի կդադարեն արդիական լինել, և պետք է պատրաստ լինել՝ կրթելու անհրաժեշտ գիտելիքներով և հմտություններով զինված քաղաքացու: Նախարարի տեղակալի խոսքով՝ այս ուղղությամբ ևս կարիք կա փաստահեն վերլուծությունների: Նա հույս է հայտնել, որ աշխատաժողովն առանցքային նշանակություն կունենա վերոնշյալ կենսական խնդիրները քննարկելու և համապատասխան առաջարկներ ձևավորելու տեսանկյունից՝ ի նպաստ ՄԿՈՒ համակարգի զարգացման և կրթության որակի բարելավման:
Աշխատաժողովի մասնակիցներին ողջունել են Եվրոպական կրթական հիմնադրամի հայաստանյան գրասենյակի պատասխանատու Քրստիանա Բուրզիոն ու ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը:
«Կարիերայի զարգացմանն աջակցող համակարգերն Արևելյան գործընկերության երկրներում» ծրագրի ազգային փորձագետ Հայկուհի Գևորգյանը ներկայացրել է Հայաստանում կարիերայի զարգացման համակարգի ներկա
վիճակը: Այնուհետև տեղի է ունեցել կլոր սեղան-քննարկում, որի ընթացքում անդրադարձ է եղել քաղաքականության շրջանակի, ծրագրերի իրականացման, քաղաքացիական հասարակության և շահագրգիռ կողմերի միջև համագործակցության վերաբերյալ մի շարք հարցերի: Աշխատաժողովն իր աշխատանքներն ավարտել է արդյունքների վերլուծությամբ:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
