Ձյուն Սահարայում, +50՝ Ավստրալիայում. ձմեռ 2022-ի անոմալիաները

Ուկրաինացիները  երկար կհիշեն 2022 թվականի ձմեռը՝ ուժեղ քամիներով և  Լվովում տարվա այս եղանակի համար անսովոր  ամպրոպով: Բայց ոչ միայն ուկրաինացիներն են զարմացել 2022 թվականի ձմռան բնական անոմալիաներով: tochka.net-ի խմբագիրները  պատմում են  աշխարհի ամենաարտասովոր բնական երևույթների մասին:

 Ձյուն՝ Սահարայում

Միգուցե շուտով ոչ ոք այլևս չզարմանա Սահարայում տեղացած ձյունով,  քանի որ  անցած 42 տարվա դիտարկումների ընթացքում այն ​​5 անգամ է տեղացել, իսկ վերջին չորս տարվա ընթացքում՝ 3 անգամ՝ 2018, 2021 և 2022 թվականներին: Այնուամենայնիվ, աշխարհի ամենաշոգ անապատի ձնառատ լանդշաֆտները դեռ զարմացնում են մեզ: Ինչպես նշում է Daily Mail-ը, Սահարայում շատ ցուրտ է եղել, իսկ հետո ձյուն է տեղացել։ Ձյունը չի հալվում, քանի որ օդի ջերմաստիճանը մնում է զրոյից ցածր։

 Անոմալ շոգ՝ Ավստրալիայում

Հարավային կիսագնդում, որտեղ այժմ ամառ է, գրանցվել է անոմալ  շոգ: Ավստրալիայի արևմուտքում՝ ափամերձ Օնսլոու քաղաքում, հունվարի 13-ին գրանցվել է ռեկորդային 50,7 աստիճան շոգ։ Վերջին անգամ այդպիսի ջերմաստիճան գրանցվել է 1962 թվականին Հարավային Ավստրալիայում։ Ի դեպ, Օնսլոուում տարվա այս եղանակին միջին ջերմաստիճանը 36,5 աստիճան է։ 50 աստիճանից բարձր ջերմաստիճան է գրանցվել նաև Մարդի և Ռոբորն քաղաքներում։

https://twitter.com/TheAfrican_Hub/status/1483867994853892096

  Սառցաբեկորներ՝ Ալժիրում

Լուսանկարիչ Քարիմ Բուչետատան ձյան և սառույցի ցնցող պատկերներ է նկարահանել Ալժիրի հյուսիս-արևմուտքում գտնվող Այն Սերֆա քաղաքում: Ձյուն է տեղում Մերձավոր Արևելքում:
Սաուդյան Արաբիայում երկրի հյուսիսը պատվել է ձյունով, ձյան տեղումներից տուժել են նաև լիբանանցիները։ Ձյան առատ տեղումները ծածկել են աշխարհի ամենաշոգ երկրի՝ Իրաքի մի մասը։ Իսկ որոշ շրջաններում օդերևութաբաններն արձանագրել են մոտ մեկ մետր ձյուն։ Իրանի համար ձյունը շատ անսովոր է, Բաղդադում այն ​​տեղացել  էր 1914 թվականին, իսկ հետո՝ 2020 թվականին:

هل هذا جزء من تغيرات الاحتباس الحراري؟

Is this part of Global warming changes?

تساقط الثلوج في مدينة تبوك بالمملكة العربية السعودية

Snow falls in Tabuk, Saudi Arabia

1/3 pic.twitter.com/PdK5irTv61

— Masoudi حسين مسعودي (@HusainMasoudi) January 19, 2022

Ամպրոպ և կայծակ՝ ձմեռային Լվովում

Դեկտեմբերի 14-ին Լվովում եղանակը նույնպես անսովոր էր. ձյունից բացի ամպրոպ է  որոտացել ու կայծակ ճայթել: Լվովի բնակիչները սոցիալական ցանցերում զարմացած գրել են, որ  առաջին անգամ  են նման եղանակ տեսել ձմռանը, քանի որ ամպրոպները բնորոշ են գարնանը և ամռանը, բայց ոչ՝ հունվարին։