18:15 25.01.2022
Գերեզմանոցներում տրամադրվող տարածքները կդառնան անվճար: Հստակեցվել են ընտանեկան գերեզմանի համար հատկացվող տարածքների չափերը, դրանց կառուցապատման ու խնամքի հարցերը: Գյումրիի երեք գերեզմանատների զբաղեցրած ընդհանուր տարածքը մոտ 84 հեկտար է։ Վերջին տվյալներով՝ առաջին, երկրորդ և «Շիրակ» գերեզմանատներում հուղարկավորումները մոտ 68 հազարի են հասնում։ Գերեզմանի տարածքի հատկացման համար սահմանված էր պետական գումար։
Սա, թերևս, չէր վերաբերում գյուղական բնակավայրերին, որտեղ հողհատկացումներն անվերահսկելի են։ Կառավարության նոր որոշմամբ՝ այսուհետև բոլոր բնակավայրերի գերեզմանատներում տարածքներ կհատկացվեն բացառապես անվճար հիմունքներով: Այս դեպքում օրենքը խստացնում է հատկացվող հողատարածքների չափերը: Ընտանեկան գերեզմանատեղիները բաժանված են անհավասարաչափ։ Կարգ է սահմանվել, որով, հավանաբար, վերջ կդրվի հայկական սովորությանը։
«Նախատեսվում է յուրաքանչյուր անձի համար 2,5 քմ տարածք տրամադրել, այսինքն՝ 2,5 քմ-ը մեկ մետր լայնության մասին է խոսքը, և դա չի կարող ընտանեկան գերեզմանի դեպքում գերազանցել 12,5 քմ-ը, այսինքն՝ ընտանեկան գերեզմանները նախատեսված են 5 հոգուց ոչ ավելի մարդկանց համար»,- օրենքի նոր կարգավորումներն է ներկայացնում «Հավերժ հիշատակ» ՓԲԸ-ի տնօրեն Էդվարդ Բաղրամյանը։
«Հավերժ հիշատակ» ընկերության տնօրեն Էդվարդ Բաղրամյանն այլ օրինակներ է նշում, երբ գերեզմանոցներում տարածքներ են վաճառում, որոնք կապ չունեն պետական հատկացումների հետ, իսկ այդպիսի գործարքներով զբաղվում են անհատ քաղաքացիները:
Մեկ այլ դեպքում էլ հուղարկավորության համար տարածքներ վաճառում են գերեզմանատներին մոտ ապրող սեփական տների բնակիչները, որոնք, չի բացառվում, որ այդ նպատակով էլ զբաղեցրել են հողակտորները, լինում է նաև այսպես, որ տնամերձ տարածքներն են վաճառում հուղարկավորությունների համար։
«Հավերժ հիշատակ» ընկերությունը նախատեսում է քաղաքացիներին տրամադրել գերեզմանատեղիների համար նախատեսված վկայականներ, որոնք կփոխարինեն կադաստրային փաստաթղթերին և նույնպես կհատկացվեն անվճար:
«Օրենքում նախատեսված է, որ գերեզման օգտագործող տերերը պարտավոր են ունենալ գերեզմանի չափերի վերաբերյալ համապատասխան վկայականներ, որտեղ կմատնանշվի գերեզմանի տեղը, դիրքը, այսպես ասած, հասցեն»,- նշում է Էդվարդ Բաղրամյանը։
Երեք գերեզմանատներում վաղուց ազատ տարածքներ չկան, հուղարկավորություններ են կատարվում սահմաններից դուրս։ Նոր տարածքների ձեռքբերման հարցը տարիներով մնում էր անլուծելի վարչատարածքային այլ հողերի հետ ունեցած վիճահարույց խնդիրների պատճառով։ Հարցը կարգավորում է ստացել։ «Շիրակ» գերեզմանատան հարևանությամբ ձեռք է բերվել ևս ութ հեկտար տարածք։
«Նոր հողատարածքը ձեռք ենք բերել Շիրակ համայնքից։ Այս պահին հողօգտագործման նշանակությունն է փոխվում, որովհետև դա ձեռք է բերվել որպես արոտավայր, դառնալու է հատուկ նշանակության հողատարածք, որ հուղարկավորություններ կարողանանք կազմակերպել»,- SHANTNEWS.am-ի հետ զրույցում նշել է Էդվարդ Բաղրամյանը։
Անկանոն հուղարկավորություններն արգելելու համար տարածքները կհատկացվեն ըստ նախագծումների, գերեզմանների ամրաշինական աշխատանքներ կատարելու համար կլինեն անցուղիներ ու ավտոմեքենաների համար նախատեսված ճանապարհներ։ Նախատեսված վայրերից դուրս, ճամփեզրերին կատարվող հուղարկավորությունները Գյումրիի երեք գերեզմանատներում էլ շարունակվում են, դրանք նույնիսկ հասել են ճամփեզրերին:
08:48 01.05.2025
Ստեփանծմինդա-Լարս ավտոճանապարհը բաց է
08:40 01.05.2025
Guardian. Լոնդոնը Փարիզի հետ քննարկում է հունիսին Պաղեստինը ճանաչելու հնարավորությունըԲրիտանիան Ֆրանսիայի հետ քննարկում է Պաղեստինի ճանաչման մասին 2025 թվականի ամռան սկզբին հայտարարելու ծրագրերը: Ըստ բրիտանական The Guardian թերթի՝ այս քայլը կարող է համընկնել հունիսի 2-4-ը ՄԱԿ-ի հովանու ներքո կազմակերպված «երկու պետություն երկու ժողովուրդների համար» ծրագրի իրականացման վերաբերյալ միջազգային համաժողովի հետ: Չորեքշաբթի օրը, ելույթ ունենալով բրիտանական խորհրդարանական հանձնաժողովի հետ, Մեծ Բրիտանիայի արտաքին գործերի նախարար Դեյվիդ […] ...
08:30 01.05.2025
ԱՄՆ-ը չի հրաժարվում Ուկրաինայի կարգավորման հարցում միջնորդությունից․ Քիթ ՔելլոգԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։ «Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։ Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ […] ...
08:24 01.05.2025
Երկրաշարժ Գավառ քաղաքից 13 կմ հարավ-արևելքՄայիսի 1-ին` տեղական ժամանակով ժամը 07:47-ին (Գրինվիչի ժամանակով` ժամը 03։47-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.25⁰ և արևելյան երկայնության 45․20⁰ աշխարհագրական կոորդինատներով Հայաստան՝ Գավառ քաղաքից 13 կմ հարավ-արևելք, օջախի 10 կմ խորությամբ 2․8 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է […] ...
08:13 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:05 01.05.2025
«Ինտերը» շատ ուժեղ թիմ է պաշտպանությունում, դա նրանց գլխավոր զենքն է․ Յամալ«Բարսելոնայի» իսպանացի հարձակվող Լամին Յամալը խոսել է Չեմպիոնների լիգայի կիսաեզրափակչի՝ Միլանի «Ինտերի» դեմ առաջիկա հանդիպման մասին. «Մեծ ոգևորությամբ ենք մոտենում այս դիմակայությանը և անհամբեր սպասում ենք առաջին խաղին «Ինտերի» հետ։ Սա իմ կարիերայի առաջին կիսաեզրափակիչն է Չեմպիոնների լիգայում։ «Ինտերը» շատ ուժեղ թիմ է պաշտպանությունում։ Դա նրանց գլխավոր զենքն է։ Նրանք նաև հիանալի հակագրոհում են։ Բայց […] ...
08:00 01.05.2025
ՃՏՊ` Նալբանդյան փողոցի և Սայաթ-Նովա պողոտայի խաչմերուկում․ կա երկու տուժածՄայիսի 1-ին, ժամը 01:13-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նալբանդյան փողոցի և Սայաթ-Նովա պողոտայի խաչմերուկում տեղի է ունեցել ՃՏՊ․ կա երկու տուժած։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Toyota» և «Hyundai» մակնիշների ավտոմեքենաները: Փրկարարները հոսանքազրկել են […] ...
