15:34 10.03.2022
Ռուս-ուկրաինական հակամարտության հետևանքով տնտեսական լրջագույն մարտահրավերներ են ի հայտ եկել, և այդ ուղղությամբ աշխատանքներ են կատարվում։ Ինչպես տեղեկացնում է «Արմենպրես»-ը, կառավարության նիստից հետո լրագրողների հետ ճեպազրույցում այս մասին ասաց Հանրապետության նորընտիր նախագահ Վահագն Խաչատուրյանը։
«Մենք մեր հնարավորությունները գնահատում ենք, իսկապես հացահատիկի արտադրության մեր ներքին ռեսուրսները պակասել են, բայց այլ ձևերով այդ պակասը կլրացվի»,- ասաց նա։
Միաժամանակ, Խաչատուրյանը նշեց, որ դժվարություններ են սպասվում, քանի որ սպասվող հացահատիկի բերքը, որը պետք է լիներ Ուկրաինայից, չի լինելու։
«Որոշակի խոչընդոտներ կարող են լինել Ռուսաստանի հետ մեր առևտրական հարաբերությունների առումով, որովհետև առանձին ապրանքատեսակներ մենք բերում ենք Ռուսաստանից։ Բացի ավանդական ապրանքներից՝ հացահատիկ, ձեթ և այլն, այնտեղ կան այլ ապրանքատեսակներ, որոնք Հայաստանում ներկայացված մեր ընկերություններն են ներմուծում, բայց իրենց հիմնական գրասենյակները ներկայացված են Ռուսաստանում, հիմա այնտեղ չեն աշխատում։ Այսինքն՝ հիմա իրավիճակն այնպես է խճճվել, որ կառավարությունում փորձում ենք այդ կծիկը բացել և հասկանալ, թե ինչ ունենք անելու։ Այդ աշխատանքը կատարվում է»,- նշեց Խաչատուրյանը։
Նրա խոսքերով՝ կառավարության համար առաջին հարցը օրակարգում սպասվող գնաճի դեմն առնելն է, քայլերից մեկն ապրանքային պաշարներ ունենալն է։
«Բայց համաշխարհային շուկայում ցորենի գինը 50 դոլարով միանգամից աճեց, հիմա չգիտենք, թե ոնց կլինեն նավթի գները, որովհետև ամեն ինչը փոխկապակցված է նավթի գնի հետ։ Վատատեսական այդ սցենարը, որը կա, պետք է ունենանք, բայց հասարակության և գործարարների շրջանակներում մեր տրամադրությունները պետք է ոչ թե այդ վատատեսական սցենարի շրջանակներում իրականացնել, այլ ավելի մեղմ, այն սցենարներում, որտեղ մարդիկ համոզված պետք է լինեն, որ պետության կողմից ամեն ինչ արվում է բիզնես շրջանակներին աջակցելու համար։ Նաև սոցիալապես անապահով քաղաքացիներին աջակցելու ծրագրերը պետք է շարունակվեն։ Այս ամենը կարող է բերել նաև նրան, որ պետբյուջեի եկամուտների նվազում տեղի կունենա»,- եզրափակեց Խաչատուրյանը։
15:16 25.05.2025
«Ռեալ»-ը հայտարարել է նոր գլխավոր մարզչի նշանակման մասին
15:00 25.05.2025
Արայիկ Հարությունյանը մասնակցում է Ծանրամարտի միջազգային ֆեդերացիայի համաժողովինՀայաստանի ծանրամարտի ֆեդերացիայի նախագահ Արայիկ Հարությունյանն ու ֆեդերացիայի գլխավոր քարտուղար Սամվել Գասպարյանը մասնակցում են Ծանրամարտի միջազգային ֆեդերացիայի համաժողովին, որի ընթացքում կայացել են IWF-ի նախագահի ընտրությունները: Այս մասին հայտնում են Հայաստանի ծանրամարտի ֆեդերացիայից: Ծանրամարտի միջազգային ֆեդերացիայի նախագահի պաշտոնում վերընտրվել է Մուհամադ Ջալուդը: ...
14:39 25.05.2025
Առաջիկա օրերի եղանակային կանխատեսումըՀանրապետության տարածքում մայիսի 25-ի ցերեկը, 27-ին կեսօրից հետո, 28-30-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում սպասվում է նաև կարկուտ։ Մայիսի 26-ին սպասվում է առանց տեղումների եղանակ։ Քամին՝ հյուսիս-արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանն էապես չի փոխվի։ Երևան քաղաքում մայիսի […] ...
14:20 25.05.2025
Արեգակի վրա հզոր բռնկում է տեղի ունեցելԳիշերը Արեգակի վրա տեղի է ունեցել ամենաբարձր X դասի հզոր բռնկում, հաղորդում է Ռուսաստանի գիտությունների ակադեմիայի Տիեզերական հետազոտությունների ինստիտուտի Արևային աստղագիտության լաբորատորիան: Ավելի վաղ լաբորատորիայի ղեկավար Սերգեյ Բոգաչովը «ՌԻԱ Նովոստի»-ին հայտնել էր, որ մայիսի կեսերին Արեգակի վրա տեղի է ունեցել 2025 թվականի ամենահզոր բռնկումը՝ հասնելով X2,7 բալի։ ...
13:57 25.05.2025
Այրվել է «Mercedes-Benz» մակնիշի ավտոմեքենաՄայիսի 25-ին` ժամը 10:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վերին Կարմիրաղբյուր գյուղում այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 11:16-ին, մարվել՝ 11:20-ին: Այրվել է «Mercedes-Benz» մակնիշի ավտոմեքենա: ...
13:25 25.05.2025
Գիշերային ստուգայցեր են իրականացվել Երևանի հեստապարային ակումբներումԵրևանի քաղաքապետարանի աշխատակազմի հասարակական կարգի պահպանության ծառայությունը գիշերային ստուգայցեր է իրականացրել Երևանի սահմանափակման ենթակա օբյեկտներում, մասնավորապես հեստապարային ակումբներում: Ստուգայցերի ընթացքում հայտնաբերվել են խախտումներ. զանցանք թույլ տված տնտեսվարող սուբյեկտների նկատմամբ կազմվել է թվով չորս արձանագրություն, իրականացվել է մեկ վարչական վարույթ: ...
12:57 25.05.2025
Սլովակիայի վարչապետը պաշտոնական այցով կժամանի ՀայաստանՄայիսի 25-27-ը պաշտոնական այցով Հայաստանի Հանրապետություն կժամանի Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։ ...
