Ջիգարխանյանի ընկերը խոսել է դերասանի և Վիտալինա Ցիմբալյուկի ամուսնության մասին

Արմեն Ջիգարխանյանի ամուսնալուծությունը շատ քննարկվեց և դերասանի ընկերները, ծանոթները այս ընթացքում տարբեր կարծիքներ հայտնեցին` կապված դերսանի և իր նախկին կնոջ՝ Վիտալինա Ցիմբալյուկի մասին: Ջիգարխանյանի ընկերներից բժիշկ-իմունոլոգ Արամ Հակոբյանը «Կոմսոմոլսկայա պրավդային» տված հարցազրույցում խոսել է Ջիգարխանյանի և Վիտալինայի հարաբերություններից և զերծ է մնացել այս պատմությունում մեղավորներ փնտրելուց:

«Ջիգարխանյանը սիրում էր Վիտալինային»

Ես Ջիգարխանյանի հետ արդեն 22 տարի է ինչ ընկերություն եմ անում և կսրող եմ ասել, որ նա շատ փակ մարդ է: Նա իր անձնական տիրույթ քչերին էր թողնում: Իսկ երբ Վիտալինան հայտնվեց նրա կյանքում, այդ ժամանակ նույնպես նա չցանկացավ առանձնակի աղմուկ ստեղծել իր անձի շուրջ: Մենք գիտեինք, որ Ջիգարխանյանը հաճախ էր գնում Կիև, ենթադրում էինք, որ Վիտալինայի մոտ: Նրանք մինչև 2009-ը իրար հետ չէին ապրում,բայց Արմեն Ջիգարխանյանի կաթվածից հետո սկսեցին միասին ապրել: Սկզբից բոլորս էլ հակասական վերաբերմունք ունեինք Վիտալինայի հանդեպ, մտածում էինք նա վատ ազդեցություն է թողնում Ջիգարխանյանի վրա: Բայց ժամանակի ընթացքում ամեն ինչ շտկվեց: Իհարկե Վիտալինան շատ հաճախ խանդում էր նրան, չէր սիրում, որ մենք Ջիգարխանյանի հետ երկար ժամանակ մենակ էինք մնում և  հայերեն էինք խոսում:

Վիտալինայի` փառքի ձգտումների մասին    

 Ես չէի ասի, թե նա փառքի է ձգտում: Նրանց հարաբերությունները շատ բնականոն զարգացում ունեցան, սակայն ես շատ զարմացա, երբ իմացա, որ նրանք զագս են գնացել: Այդ ամուսնությունը Ջիգարխանյանին պետք չէր, սակայն պետք էր Վիտալինային: Իհարկե նա սիրահարվել էր Վիտալինային: Ո՞ր հասուն տղամարդը չէր սիրահարվի, երբ իր կողքը տեսներ գեղեցիկ ու երիտասարդ կնոջ: Եթե Արմեն Ջիգարխանյանը նրան չսիրեր, ապա այդքան առավելություններ չէր տա և չէր թողնի առհասարակ մտնել իր գործերի և անձնական կյանքի մեջ:

Վիտալինան նույնպես սիրում էր Արմենին: Հիշում եմ, երբ Ջիգարխանյանի երկրորդ կաթվածից հետո նա ուշադիր և հոգատարությամբ նստել էր բուժքույրերի մոտ և մանրամասն գրում էր դեղերի ու բուժումների հերթականությունը: Վիտալինան հոգ էր տանում նրա մասին: Նա հետևում էր, որ Ջիգարխանյանը բոլոր դեղերն ու բուժումները ճիշտ ժամանակին ստանար: Նա անկեղծ հոգ էր տանում, ես տեսել եմ:

Իսկ Վիտալինայի խարդախությունների մասին ոչինչ ասել չեմ կարող, թող այդ ամենը իրավապահ մարմինները բացահայտեն  ու ապացուցեն: Իսկ ինչ վերաբերում է անօրինական տեսանյութերին, ապա չեմ կարող հերքել, որ նա դրանք չի արել: Ինձ մոտ նմանատիպ 3 վիդեո կա, որոնցում Արեմն Ջիգարխանյանը մեղմ ասած լավ տեսք չունի: Ես Վիտալինային միշտ հարցնում էի «Ինչու՞ ես իրեն այդ տեսքով նկարահանում», իսկ նա պատասխանում էր « Դե, որ քեզ ցույց տամ»: Այս տեսանյութերից ես նույնիսկ մի պահ սկսեցի մտածել, որ Ջիգարխանյանը ադեկվատ չէ:

«Նա առողջ կին էր և կարող էր երեխաներ ունենալ»  

Կարող եմ հաստատել,որ Վիտալինան ուզում էր Ջիգարխանյանից երեխաներ ունենալ: Այդ ամենի մասին մենք միասին շատ ենք քննարկել: Վիտալինան առողջ կին է և կարող էր երեխաներ ունենալ: Բայց Վիտալինան վախենում էր: Ես նրանց խորհուրդ էի տալիս երեխա որդեգրել: Կարծում եմ, եթե նրանք երեխաներ ունենային, ապա այժմ ամեն ինչ այլ կերպ կարող էր լինել:

Իսկ Ջիգարխանյանը մեկ ուզում էր երեխա ունենալ, մեկ չէր ուզում: Նրան ինչ որ հարցում շատ դժվար էր համոզել: Կարծում եմ այս բոլորը տեղի ունեցավ ընտանիքում առաջացած հակասություններից: Երևի Վիտալինան էլ ֆիզիկապես հոգնել էր այդ ամենից: Հնարավոր է, նա մտածել է, որ իր երիտասարդ տարիները ափսոս են, նա նույնպես կանանց պես այդ տարիքում մայրանալ էր ուզում:

Հիմա շատերը մտածում են, որ Վիտալինան շատ խորամանկն է, իրենով արեց հարուստ աստղին, դրամական հաշիվները իր ձեռքը վերցրեց և բաժանվեց: Սակայն երկուսի հարաբերությունների մեջ ոչ մեկը չի կարող ճիշտ ենթադրություններ անել: Հնարավոր է` Վիտալինան ուղղակի զգացել է, որ շուտով հնարավոր է ամեն ինչ վերջանա, և իր համար մտածել է պահեստային ծրագիր:

Վիտալինան պատրաստ էր բաժանությանը  

 Կարծում եմ նա պատրաստ էր այս ամենին, և այդ ամենը նրան չի բնութագրում վատ կողմից, դա ուղղակի նրա կողմից պաշտպանական ռեակցիա էր: Վիտալինան կարծես Ջիգարխանյանի ստվերը լիներ, որին դերասանը թույլ էր տվել լինել իր կողքին, քայլել իր հետ ու սիրել  իրեն:

Դեպքերից որոշ ժամանակ առաջ ես խոսում էի Վիտալինայի հետ: Նրան ասեցի. «Լսիր, իմ հայրն էլ 82 տարեկան է, մեկ-մեկ այնքան անտանելի է դառնում նրա բնավորությունը, հետը խոսել չի լինում: Այդ հարցում ես քեզ հասկանում եմ, բայց խնդրում եմ` անկեղծ ասա, նա քեզ պե՞տք է»,  և նա պատասխանեց. «Հիմա արդեն չգիտեմ էլ…»:

Կարծում եմ, որ այսքանից հետո նրանք դժվար էլ ինչ որ մի հրաշքով նորից որոշեն միասին լինել: