19:26 11.04.2022
Եվրոպական դիվանագիտության ղեկավար Ժոզեպ Բորելի հայտարարությունը Ուկրաինայում հակամարտության ռազմական սցենարով լուծման մասին վկայում է, որ Կիևը հենադաշտ է դառնում Ռուսաստանին վերջնականապես ճնշելու համար։ ТАСС գործակալության փոխանցմամբ՝ այս մասին «Россия-24» հեռուստաալիքին տված հարցազրույցում ասել է ՌԴ ԱԳ նախարար Սերգեյ Լավրովը։
«Սա շատ լուրջ շրջադարձ է նույնիսկ այն քաղաքականության համար, որը Եվրամիությունը և ամբողջ Արևմուտքը՝ Միացյալ Նահանգների ղեկավարությամբ, սկսել է վարել մեր հատուկ ռազմական գործողության մեկնարկից ի վեր, քաղաքականություն, որն արտացոլում է զայրույթ, որոշ առումներով նույնիսկ կատաղություն` ներողություն ոչ դիվանագիտական արտահայտությունների համար, և որը պայմանավորված է ոչ միայն Ուկրաինայով, այլև նրանով, որ Ուկրաինան դարձրել են հենադաշտ Ռուսաստանին վերջնականապես ճնշելու և Ռուսաստանին այն գլոբալ համակարգին ենթարկելու համար, որը կառուցել է Արևմուտքը և որը, չնայած Սառը պատերազմի ավարտին, չնայած Վարշավայի պայմանագրի և Խորհրդային միության անհետացմանը, ամբողջ ժամանակ առաջ էր մղում դեպի մեր սահմանները՝ չնայած ՆԱՏՕ-ն չընդլայնելու վերաբերյալ բոլոր խոստումներին, չնայած հայտարարություններին, թե մենք այլևս հակառակորդներ չենք և այլն»,- ասել է Լավրովը։
Լավրովի խոսքերով՝ Բորելի հայտարարությունը, թե Ուկրաինայի շուրջ ստեղծված իրավիճակի ռազմական լուծումն այլընտրանք չունի, ծայրահեղ է։
«Երբ երկրի կամ որևէ կազմակերպության ղեկավարը, իսկ այս դեպքում Ժոզեպ Բորելը ներկայացնում է Եվրամիության դիվանագիտությունը, արտաբերում է խոսքեր այն մասին, որ կոնկրետ հակամարտությունը կարող է լուծվել բացառապես ռազմական ճանապարհով, նշանակում է, որ կա՛մ նրա մոտ անձնական ինչ-որ բան է կուտակվել, կա՛մ նրա մոտ լեզվի սայթաքում է տեղի ունեցել, կա՛մ «բերանից դուրս է թողել» մի բան, որը նրան ոչ ոք չի հանձնարարել։ Բայց դա, իհարկե, ծայրահեղ արտահայտություն է»,- ասել է ՌԴ ԱԳ նախարարը։
Սերգեյ Լավրովը հավելել է, որ սա էականորեն փոխում է խաղի կանոնները։
«Այն, ինչ ասել է Ժոզեպ Բորելն այս աննախադեպ, ագրեսիվ ֆոնին, անշուշտ, այսպես ասած, էապես փոխում է խաղի կանոնները: Որովհետև Եվրամիությունը մինչ այս երբեք հանդես չէր եկել որպես ռազմական կազմակերպություն»,- ընդգծել է Լավրովը:
Նա հավելել է, որ ՌԴ դիվանագիտական գերատեսչությունն առաջիկա երկու օրվա ընթացքում կվերլուծի այդ հայտարարությունները և դրանց մանրամասն գնահատական կտա իր պաշտոնական փաստաթղթերի մեջ։
21:36 06.08.2025
Ներքին Չարբախի տներից մեկում հրդեհ է բռնկվելՕգոստոսի 6-ին, ժամը 20։32-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ներքին Չարբախի տներից մեկում հրդեհ է բռնկվել։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման հերթապահ խմբերը: Հրդեհը մեկուսացվել է ժամը 21։18-ին։ Կտրվի լրացուցիչ տեղեկություն։ ...
21:25 06.08.2025
Օգոստոսի 1-ին ժամանակավորապես կդադարեցվի մի շարք հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ օգոստոսի 7-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Ամիրյան փ. 13/1, 18/3 շենքեր, Աբովյան փ. 5, 7 շենքեր, Սայաթ-Նովայի պող. 3, 5, 7 շենքեր, Սայաթ-Նովայի պող. 4, 6 շենքեր և հարակից ոչ բնակիչ-բաժանորդներ, Թումանյան փ. 30, 32 […] ...
21:14 06.08.2025
Թրամփ. Պուտինի և Ուիթկոֆի հանդիպումը շատ արդյունավետ էրՌուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիտկոֆի հանդիպումը եղել է շատ արդյունավետ: Այս մասին հայտնել է ԱՄՆ նախագահ Դոնալդ Թրամփը իր Truth Social սոցիալական ցանցում: «Իմ հատուկ բանագնաց Սթիվ Ուիտկոֆը հենց նոր շատ արդյունավետ հանդիպում ունեցավ Ռուսաստանի նախագահ Վլադիմիր Պուտինի հետ։ Մեծ առաջընթաց է գրանցվել։ Ես մեր եվրոպացի դաշնակիցներին տեղեկացրել եմ […] ...
21:05 06.08.2025
ԱՄՆ-ի լավագույն թենիսիստները կմրցեն Տորոնտոյի մրցաշարի կիսաեզրափակչումՏորոնտոյում կայացել է «Մասթերս 1000» կարգի մրցաշարի քառորդ եզրափակչի երկու հանդիպում: ԱՄՆ-ի առաջին ռակետ Թեյլոր Ֆրիցը 6:3, 7:6 հաշվով հաղթել է աշխարհի 11-րդ ռակետ Անդրեյ Ռուբլյովին: Կիսաեզրափակիչում Թեյլորը մրցելու է ԱՄՆ-ի երկրորդ ռակետ Բեն Շելթոնի հետ: 22-ամյա թենիսիստը վստահ հաղթանակի է հասել Ալեքս Դե Մինորի հետ պայքարում: Գրանցվել է 6:3, 6:4 հաշիվը: Մինչև այդ խաղն […] ...
20:54 06.08.2025
Գազամատակարարման պլանային դադարեցումներ՝ Արագածոտնի մարզի մի շարք հասցեներում«Գազպրոմ Արմենիա» ընկերությունից տեղեկացնում են, որ պլանային աշխատանքներ իրականացնելու նպատակով՝ օգոստոսի 7-ին ժամը 09:00-ից մինչև ժամը 18:00-ն, կդադարեցվի Արագածոտնի մարզի Ապարան քաղաքի, Կայք բնակավայրի գազասպառողների, նշված բանակավայրերում գործող տարբեր նշանակության հանրային կազմակերպությունների գազամատակարարումը։ ...
20:42 06.08.2025
Կայացել է Ներդրումային ծրագրերին աջակցող միջգերատեսչական հանձնաժողովի նիստըՓոխվարչապետ Տիգրան Խաչատրյանի գլխավորությամբ կայացել է Ներդրումային ծրագրերին աջակցող միջգերատեսչական հանձնաժողովի հերթական նիստը։ Այս մասին հայտնել են Կառավարության մամուլի ծառայությունից: Նիստի մեկնարկին մանրամասն անդրադարձ է կատարվել նախորդ նիստերի ընթացքում քննարկված՝ գործարար միջավայրի բարելավմանն ուղղված կարգավորումների և առանձին ներդրումային ծրագրերի կարգավիճակին, ինչպես նաև դրանց վերաբերյալ տրված հանձնարականների կատարման ընթացքին։ Այնուհետև քննարկվել են միջգերատեսչական որոշումներ պահանջող առանձին […] ...
