Ինչո՞ւ է հոգեբանը խորհուրդ տալիս քիչ շփվել դրական մարդկանց հետ

Հոգեբան Սյուզաննա  Դեջես-Ուայթը  Psychology Today-ում հրապարակված  հոդվածում զգուշացրել է, որ կեղծ կենսուրախությունը կարող է հանգեցնել ուրիշների հետ շփվելու խնդիրների, դժվարացնում է ազատ ապրելը, անգամ կարող է հանգեցնել ավելորդ քաշի:

Հոգեբանը զգուշացնում է, որ մշտական ​​շինծու լավ տրամադրությունը դժվարացնում է փոխըմբռնումը թե՛ ռոմանտիկ, թե՛ ընկերական հարաբերություններում։ Ուայթը նկարագրում է կյանքի այս մոտեցումը որպես «թունավոր դրականություն»: Այն համոզմունքը, որ անկախ նրանից, թե որքան սարսափելի կամ դժվար լինի իրավիճակը, պետք է կուրորեն պահպանել լավատեսական վերաբերմունք,  թույլ չի տա իրերը տեսնել այնպես, ինչպես կան և անկեղծորեն հաղորդակցվել:

Նա նշում է, որ լավ է ձևավորել դրական մտածելակերպ, սակայն «թունավոր դրականությունը» բացասաբար է անդրադառնում մարդու վրա, քանի որ ստիպում է նրան ճնշել իրական զգացմունքները։ Ուայթի խոսքերով, որքան քիչ է մարդը հասկանում իր զգացմունքները, այնքան ավելի թաքնված է լավատեսի դիմակի հետևում։ Նման վարքագծի նշանները ճանաչելու համար հոգեբանը թվարկել է կեղծ լավատեսության յոթ բնորոշ նշան և խորհուրդ տվեց ազատվել այսպիսի մարդկանց հետ  հաղորդակցվելուց։

Ուայթը բացատրում է, որ մարդիկ ձևացնում են, թե միշտ կենսուրախ են՝ վախենալով, թե ուրիշներն ինչ կմտածեն իրենց մասին, ուստի նրանք փորձում են մեղմել ցանկացած անհարմար շփում հաճելի խոսքերի օգնությամբ։ Բացի այդ, «տոքսիկ-դրական» մարդիկ արժեզրկում են սեփական զգացմունքները, չեն ընդունում տխրությունն ու հիասթափությունը, ինչպես նաև ամաչում են բացասական փորձը բացահայտ արտահայտելուց ։Հոգեբանի կարծիքով՝ նման վարքագիծը, ճնշված հույզերը   կարող են հանգեցնել ֆիզիկական և հոգևոր ինքնազգացողության վատթարացման, նույնիսկ՝ ավելորդ քաշի: «Մենք նաև պետք է գիտակցենք, որ բացասական հույզերը հազվադեպ են պարզապես «անհետանում»: Զսպված զգացմունքները անպայման դուրս կգան, և դա կարող է տեղի ունենալ սխալ միջավայրում, սխալ պահի», – բացատրում է նա:

Առողջությանը վնաս պատճառելուց բացի, կեղծ կենսուրախությունը վատ է անդրադառնում այլ մարդկանց հետ հարաբերությունների վրա։ «Եթե մենք մեզ թույլ չտանք անկեղծ լինել մեր զգացմունքների վերաբերյալ, կամ թույլ տանք, որ ուրիշները հարմարավետ զգան իրենց, մենք զոհաբերում ենք իրական մտերմությունը և ստիպում հարաբերությունները պահպանել մակերեսային մակարդակի վրա»,- նշում է Ուայթը:

«Թունավոր-դրական» վարքագծից ազատվելու համար հոգեբանը խորհուրդ է տալիս ճանաչել ոչ միայն լավ, այլև վատ հույզերը։ Դա անելու համար դուք պետք է սովորեք, թե ինչպես արտահայտել ձեր մտքերը այլ կերպ: Օրինակ՝ «Դու անհանգստանալու ոչինչ չունես, ամեն ինչ լավ է» ասելու փոխարեն փորձիր ասել. «Ես տեսնում եմ, որ դու հոգեբանական խնդիրներ ունես հենց հիմա: Ինչպես կարող եմ օգնել քեզ»:

Դադարեցնելով թաքցնել իրական զգացմունքները կեղծ լավատեսության դիմակի հետևում և փորձելով կիսվել փորձով, մարդը կարող է ավելի լավ հասկանալ ինքն իրեն և ձեռք բերել հուզական ազատություն, ասում է Ուայթը: