18:46 23.04.2022
Գազել մակնիշի 63 միկրոավտոբուսները նախորդ տարվա հուլիսից ներկրվեցին Գյումրի: Այն սուբվենցիոն ծրագրում ընդգրկվեց որպես համայնքային խիստ առաջնահերթ լուծում պահանջող խնդիր։ Տրանսպորտային ցանցի շահագործման համար կարևոր՝ 900 միլիոն դրամ արժողության միկրոավտոբուսները մոտ մեկ տարի է կայանած են մնում, երթուղիների սպասարկումը հին տրանսպորտային միջոցներով է:
Քաղաքապետարանի տրանսպորտի բաժնի պետի նորանշանակ պաշտոնակատարը հետաձգումները բացատրում է տեխնիկական խնդիրներով, նախատեսում են երթուղայիններում տեսախցիկներ ու վճարման համար նախատեսված համակարգեր տեղադրել:
«Երևանում արդեն կան նման համակարգեր տեղադրված, ես մեր աշխատակիցների հետ միասին գնացել տեսել եմ, հիմա բանակցությունները գնում են։ Արդեն մրցույթը հաստատ հայտարարվել է, որպեսզի միկրոավտոբուսներում տեսախցիկներն ու դրամարկղերը տեղադրենք»,- նշում է Գյումրիի քաղաքապետարանի տրանսպորտի բաժնի պետի ԺՊ Գեորգի Ղազարյանը։
Մեկ տարի դրսում կայանած միկրոավտոբուսներում, ամեն դեպքում, անսարքություններ ու խնդիրներ չեն առաջացել, հավաստիացնում է տրանսպորտի բաժնի պատասխանատուն: Ամբողջ ձմեռ աշխատակիցները մեքենաների շարժիչները ժամանակ առ ժամանակ աշխատեցնելով էին զբաղված:
Միկրոավտոբուսային պարկի շինարարությունը սկսվել է անցած տարվանից։ Մետաղական կոնստրուկցիաներով երկու անգարները միկրոավտոբուսների համար կծառայեն որպես փակ ավտոկայանատեղիներ: Այժմ շինարարները միկրոավտոբուսների մուտքի և ելքի համար բետոնյա հենասյուներով թեքահարթակներ են կառուցում:
Տրանսպորտի բաժինը զբաղված է նաև պարկի աշխատակազմի ձևավորման հարցերով: Մոտ երկու ամիս առաջ ավագանու որոշմամբ ստեղծվեց «Գյումրիի ավտոբուս» փակ բաժնետիրական ընկերությունը, հաստատվեց կանոնադրությունն ու հաստիքացուցակը: Նոր ընկերությունը կունենա 233 աշխատակից, միկրոավտոբուսների վարորդները կստանան 200 հազար դրամ աշխատավարձ: Մոտ 200 դիմումատու վարորդնրեից կընտրեն այն 130-ին, որոնք ունեն D կարգի վարորդական իրավունքի վկայական:
«D կատեգորիայի վարորդական վկայական մեր քաղաքում շատ քչերն ունեն, առանց D կատեգորիայի մենք չենք կարող վարորդներին ընդունել աշխատանքի։ Դրանից հետո նոր մենք կուսումնասիրենք դիմումները, նաև ուշադրություն կդարձնենք դիմումատուների ստաժներին»,- SHANTNEWS.am-ի հետ զույցում նշել է տրանսպորտի բաժնի պատասխանատուն։
Տրանսպորտի բաժնում դեռ մշակվում են նոր երթուղիների չվացուցակներն ու ժամատախտակները: Մինչ այս նախատեսված 9 երթուղու փոխարեն քաղաքը կունենա 7 -ը, բայց այս դեպքում հանրային տրանսպորտի ուղղությունները կփոխվեն:
Ուղևոր վերցնելու համար վարորդների միջև մրցավազքն ու վազանցները ևս խոստանում են բացառել: Այս դեպքում օրվա պիկ ժամերին կնվազեցնեն միկրոավտոբուսների երթուղի դուրս գալու ժամանակային տարածությունը, կավելացնեն տրանսպորտային միջոցների թիվը: Բոլոր գործընթացներով հանդերձ հանրային տրանսպորտի խնդիրը պատասխանատուները խոստանում են կարգավորել, թեև հստակ ժամկետներ էլի չեն նշում:
«Այս տարվա ընթացքում պարտադիր նոր միկրոավտոբուսները դուրս կգան երթուղի, բայց կոնկրետ որ նշեմ, էս ինչ ամսին, էս ինչ օրը, դա չեմ կարող ես հիմա ասել»,- ավելացնում է Գեորգի Ղազարյանը։
Հստակ է, որ 1-2 ամսվա ընթացքում կավարտվի ավտոպարկի շինարարությունը, կհասցնեն միկրոավտոբուսների մեջ տեղադրել տեսախցիկներն ու դրամարկղերը: Անկախ քաղաքի փողոցներում ընթացող շին աշխատանքներից, նոր միկրոավտոբուսները դուրս կգան երթուղիներ։
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
