18:27 09.05.2022
Հաղթանակի 77-ամյակի առիթով այսօր Գյումրիի քաղաքային պատկերասրահում բացվել է լուսանկարիչ Տաթև Մնացականյանի հեղինակային «Մեծ հաղթանակների դեմքերը» խորագրով լուսանկարների ցուցահանդես, որտեղ ներկայացվել են Մեծ հայրենականի մասնակից 110 վետերանների դիմանկարները։ Նախագծի հեղինակը անցած տարի շրջել է Հայաստանի բոլոր բնակավայրերով, հանդիպել ու լուսանկարել է վետերաններին, որոնց մի մասն արդեն հատել է կյանքի մեկ դարը։
«Իմ կատարած աշխատանքը նվիրված է հայ վետերաններին և նրանց, ովքեր որ կենդանի են հիմա։ Ցավոք, նախագիծը մինչև սկսելը 500 հոգի էին, երբ որ արդեն սկսեցի՝ մնացել էին 200-ը, մինչև նախագիծը իրականացավ՝ մնացին 110 վետերաններ։ Այսօր 110 դիմանկարներ մենք կարող ենք տեսնել, հիանալ և մեծ հարգանք ու պատիվ տալ իրենց»,- նշում է վավերագրական նախագծի հեղինակը։
Մեծ հաղթանակի դեմքերին հավերժացնելու պատճառներից մեկն էլ լուսանկարչուհու համար հարգանքի ու խոնարհումի զգացումն է եղել։ Տաթև Մնացականյանի պապը ևս Հայրենական մեծ պատերազմի մասնակիցներից է եղել, ռազմաճակատից տուն չի վերադարձել։ Եզակի վավերագրական լուսանկարների ցուցահանդեսի ավարտից հետո դրանք փոխանցվելու են վետերաններին։
«Կար շատ կարճ ժամանակ իրականացնելու այս նախագիծը, ինչու կարճ, որովհետև ժամանակը և տարիքը շատ-շատ թանկ էին։ Ես մոտ 50-ից ավելի քաղաքներում և բնակավայրերում եմ եղել, գյուղեր կային, որ սահմանամերձ տարածքներում էին գտնվում, շատ դժվար էր այնտեղ հասնելը։ Պայմանավորվում էի, գնում, հանդիպում էի վետերաններին ու նկարում էի նրանց»,- պատմում է նախագծի հեղինակը։
Հետաքրքիր ֆոտոշարքի մի մասը ցուցադրության չի ներկայացվել, լուսանկարներն արդեն փոխանցվել են այն վետերանների հարազատներին, որոնք նախագծի իրականացման մեկ տարվա ընթացքում մահացել են։
22:38 16.06.2025
Հայաստանի ներկայացուցիչների արդյունքները Delhi International Open-ումՀնդկաստանում ավարտվել է Delhi International Open շախմատի միջազգային մրցաշարը: Հայ գրոսմայստերներ Մամիկոն Ղարիբյանը և Մանուել Պետրոսյանը, նաև միջազգային վարպետ Արսեն Դավթյանը 10 հնարավորից վաստակել են 7.5 միավոր և զբաղեցրել համապատասխանաբար մրցանակային 8-րդ, 9-րդ և 19-րդ տեղերը: ...
22:25 16.06.2025
Պատերազմի մասշտաբները կմեծնա՞ն, ի՞նչ ազդեցություն կունենա Իրան-Իսրայել պատերազմը Հայաստանի վրաԻրան-Իսրայել հակամարտությունը շարունակվում և գնալով տարածքն ավելի ընդգրկուն է դառնում: Կողմերի միջև, սակայն, խնդրի կարգավորման որևէ հնարավորություն դեռևս գոնե թե հրապարակայնորեն չի նկատվում, փոխարենն ավելանում են ավերածությունները, զոհերն ու վիրավորները: Ի՞նչ իրավիճակ է այս փուլում և ի՞նչ ազդեցություն կարող է շարունակվող պատերազմն ունենալ Հայաստանի վրա. այս և այլ հարցերի «Հեռանկար»-ի տաղավարում անդրադարձել է արևելագետ, պատմական […] ...
22:11 16.06.2025
Տնամերձ հողամասում հայտնաբերվել է կանեփի 370 բույսՀամայնքային ոստիկանության Մասիսի բաժնի ծառայողները օպերատիվ տեղեկություններ էին ստացել, որ Հայանիստ գյուղի բնակիչ 36-ամյա երիտասարդը տնամերձ հողամասում աճեցնում է կանեփի բույսեր: Այս մասին հայտնել են ՆԳՆ ոստիկանությունից: Նախաձեռնվել է քրեական վարույթ, որի շրջանակում կատարված զննությամբ տնամերձ հողամասում հայտնաբերվել է կանեփի 370 բույս և մոտ 10 գրամ չորացված կանեփ։ Նախաքննությունը շարունակվում է: Ծանուցում. Ենթադրյալ հանցանքի մեջ […] ...
21:49 16.06.2025
Ջենարո Գատուզոն` Իտալիայի հավաքականի գլխավոր մարզիչ«Միլանի», «Նապոլիի», «Վալենսիայի», «Մարսելի» և «Հայդուկի» նախկին մարզիչ Ջենարո Գատուզոն նշանակվել է Իտալիայի ազգային հավաքականի գլխավոր մարզիչ։ Այս մասին հաղորդում է հավաքականի մամուլի ծառայությունը: Գատուզոյի պայմանագրի ժամկետը հայտնի չէ: Իտալացին այս պաշտոնում փոխարինել է Լուչանո Սպալետիին, որն օրեր առաջ հեռացվել էր հավաքականի ղեկից: ...
21:27 16.06.2025
Ընթացքի մեջ են Վերիշեն-Խոզնավար 18.3կմ երկարությամբ ճանապարհի հիմնանորոգման աշխատանքներըՎերիշեն-Խոզնավար 18.3կմ երկարությամբ ճանապարհի հիմնանորոգման աշխատանքներն ընթացքի մեջ են։ Այս մասին հայտնել են «Ճանապարհային դեպարտամենտ» հիմնադրամից: Երեսուն և ավելի տարիներ անմխիթար վիճակում գտնվող ճանապարհը վերականգնվում է ՀՀ պետական բյուջեի միջոցներով։ Այժմ ընթանում են մայթերի, հողային պաստառի կառուցման, երկաթբետոնե արհեստական կառուցվածքների նորոգման, և այլ աշխատանքներ։ Կառուցվում են նաև ջրահեռացման համակարգեր։ Ճանապարհի մի մասը գտնվում է Գորիս […] ...
