18:55 18.05.2022
Հանրապետության բնակավայրերում ընթանում է անասնագլխաքանակի հաշվառում: Ըստ նախնական տվյալների՝ Շիրակի մարզում, նախորդ տարվա համեմատ, գրանցվել է խոշոր եղջերավորների գլխաքանակի մոտ 10 հազարով նվազում։
Ամասիա համայնքի և Արեգնադեմ գյուղի բնակիչների անասնագոմերում հիմա գրեթե դատարկություն է: Տարիների չարչարանքով պահած խոշոր եղջերավորներին ստիպված են վաճառել, անասնակեր չեն ունեցել, եղածն էլ թանկ գնով են առել, պահեստավորածը չի հերիքել ունեցած գլխաքանակին։
Չնայած անասնակերի թանկացմանը, կաթի մթերման գինը, նախորդ տարվա համեմատ, նույնն է մնացել, ինչի պատճառով անասնապահական տնտեսությունների եկամուտն է նվազել, դրա համար էլ գյուղացիներից շատերը հրաժարվում են անասուն պահելուց։
«Անասնակեր ժողովուրդը քիչ կարողացավ քաղել, դրա համար անասնագլխաքանակը սկսեց պակասել, հիմնական պատճառը երաշտն էր։ Գյուղացիները վարկ վերցրին, անասնակեր գնեցին, մի մասն էլ շատ էժան գնով սկսեցին վաճառել իրենց անասուններին»,- ասում է Ամասիայի համայնքապետարանի գյուղատնտեսության բաժնի պետ Արտեմ Դավթյանը։
Խոշոր եղջերավորների անասնագլխաքանակը նվազել է մոտ 10 հազարով, փոխարենը մանր եղջերավորներինը ավելացել է 15 հազարով: Նախորդ տարվա երաշտի պատճառով նույնիսկ Արփիի ու Աշոցքի մարգագետնային խոտհարքներում անասնակեր չեղավ, ինչով պայմանավորված էր խոտի գնի կտրուկ բարձրացումը։
«Այս տարի հունվարի 1-ի դրությամբ ունեցած հաշվառումների արդյունքներով՝ մարզում ունենք խոշոր եղջերավոր անասունների մոտ 79 հազար գլխաքանակ, ոչխարների՝ 85 հազար, իսկ թռչունների՝ 386 հազար թև»,- նշում է Շիրակի մարզպետարանի գյուղատնտեսության վարչության պետ Ռոման Համայակյանը։
Ընդհանուր առմամբ՝ յուրաքանչյուր խոշոր եղջերավոր կենդանուն ձմեռացման համար անհրաժեշտ է 75-80 հակ խոտ, բայց հաշվի առնելով Ամասիայի ցրտաշունչ պայմաններն ու գարնան ուշ գալը, այստեղ կենդանիներին պահելու համար առնվազն պետք է պահեստավորել միջինը 100 հակ խոտ, այս դեպքում ավելանում է մեկ կենդանու վրա կատարվող ծախսը, իսկ եկամուտ գրեթե չկա։
Անասնակերը թանկ էր, աշնանը նաև գյուղացիները կարողացան թանկ գնով վաճառել միայն բտման ենթարկված ցլիկների միսը, իսկ կովերը բաժին հասան վերավաճառողներին, որոնք, առիթից օգտվելով, գյուղացուց շուկայականից մի քանի անգամ էժան միս ձեռք բերեցին, բայց վերավաճառեցին կրկնակի թանկ:
Հիմա գյուղացիներն ավելի շատ հակված են ոչխարաբուծությամբ զբաղվել, լեռնային շրջաններում մանր եղջերավորներին պահելը հեշտ է ու եկամտաբեր: Այժմ կենդանիները արոտ են գնում, անասնագլխաքանակը կրճատելու անհրաժեշտություն չկա:
Անասնագլխաքանակի հաշվառումն իրականացնում են ոչ միայն անհրաժեշտ պրոֆիլակտիկ պատվաստումներն իրականացնելու, այլև կենդանիների տեղաշարժը հսկելու և հիվանդությունները կանխելու համար, իսկ այս գործընթացը բավական աշխատատար է։
23:44 16.06.2025
Ավան վարչական շրջանում շարունակվում են բարեկարգման աշխատանքներըԱվան վարչական շրջանում շարունակվում են բարեկարգման աշխատանքները։ Այս մասին հայտնել են Երևանի քաղաքապետարանից: 2025-ին նախատեսվում է կառուցել և բարեկարգել 12 բակային տարածք՝ ավանցիների համար ստեղծելով ավելի հարմարավետ ու կանաչ միջավայր։ Մանրամասները՝ տեսանյութում: ...
23:37 16.06.2025
Ագրոօդերևութաբանական տեղեկատվություն. հունիսի 9-15-ըՀանրապետությունում շարունակվել է գյուղատնտեսական մշակաբույսերի աճն ու զարգացումը։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Հովտային շրջաններում սկսվել է ծիրանի հասունացումը և շաքարանյութի կուտակումը, կատարվել է ընտրովի բերքահավաք։ ՀԱշնանացան ցորենը շարունակել է գտնվել կաթնային հասունացման փուլում։ Բանջարանոցային մշակաբույսերի մոտ սկսվել է ծաղիկների թառամումը։ Նախալեռնային և լեռնային շրջաններում շարունակվել է պտղատուների պտղի ձևավորումը, կարտոֆիլի […] ...
23:30 16.06.2025
Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիրԼոնդոնում անցկացված 2025 թվականի աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր: Այս մասին հայտնել են Հայաստանի շախմատի ֆեդերացիայից։ Թիմի անդամներն են. Վիշվանաթան Անանդ (Հնդկաստան) Լե Քուանգ Լիեմ (Վիետնամ) Սամուել Սևյան (ԱՄՆ) Ռաուֆ Մամեդով (Ադրբեջան) Հայկ Մարտիրոսյան (Հայաստան) Ալեքսեյ Սարանա (Սերբիա) Աննա Մուզիչուկ (Ուկրաինա) Թեոդորա Ինյաց (Սերբիա) Սարբարթո […] ...
23:21 16.06.2025
Սևանա լճի հիդրոլոգիական ռեժիմը 2025 թվականի հունիսի 9-15-ըՍևանա լճի մակարդակը 2025 թվականի հունիսի 9-15-ն ընկած ժամանակահատվածում իջել է 2 սմ-ով և կազմել՝ 1900.74 մ (15.06.25թ․), որն անցյալ տարվա նույն օրվա մակարդակից բարձր է 12 սմ-ով, իսկ 2025 թվականի հունվարի 1-ի մակարդակից՝ 35 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականի հունիսի 9-15-ն ընկած ժամանակահատվածում Սևանա լիճ […] ...
23:16 16.06.2025
Քննարկվել են աշխատանքի եւ սոցիալական հարցերի ոլորտում ՀՀ-ԵՄ Համապարփակ եւ ընդլայնված գործընկերության համաձայնագրով նախանշված բարեփոխումների ուղղությամբ կատարվող գործողություններըՀայաստան-ԵՄ Համապարփակ եւ ընդլայնված գործընկերության համաձայնագրի կիրարկման ընթացքի, աշխատանքի եւ սոցիալական հարցերի ոլորտում համաձայնագրով նախանշված բարեփոխումների վերաբերյալ ԱԺ-ում հունիսի 16-ին տեղի է ունեցել աշխատանքային քննարկում Եվրոպական ինտեգրման հարցերի մշտական հանձնաժողովի նախագահի տեղակալ Մերի Գալստյանի նախաձեռնությամբ: Քննարկմանը մասնակցել են ԱԺ աշխատանքի եւ սոցիալական հարցերի մշտական հանձնաժողովի նախագահ Հերիքնազ Տիգրանյանն ու Աշխատանքի եւ սոցիալական հարցերի նախարարի տեղակալ […] ...
23:09 16.06.2025
ԿԳՄՍ նախարարն այցելել է «Միկա» մարզահամալիր․ մեկնարկում է «Դպրոցականների բասկետբոլի լիգա» մարզական խաղերի եզրափակիչ փուլըՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Սպորտի կառավարման կենտրոնի ենթակայությամբ գործող «Միկա» մարզահամալիր, որտեղ վաղվանից մեկնարկում է ՀՀ վարչապետի հովանու ներքո անցկացվող «Դպրոցականների բասկետբոլի լիգա» մարզական խաղերի եզրափակիչ փուլը: Այս մասին հայտնել են ԿԳՄՍ նախարարությունից: Սպորտի կառավարման կենտրոնի տնօրեն Խորեն Զարգարյանը ներկայացրել է համալիրի գործունեությունը, ենթակառուցվածքային հնարավորությունները և ընթացող վերանորոգման […] ...
