16:20 02.08.2018
Արցախյան պատերազմից հետո տեղի բնակավայրերում ու դրանց հարևանությամբ շարունակում են մնալ ականապատ տարածքներ, որոնք խիստ վտանգավոր են բնակչության ու նաև գյուղատնտեսական աշխատանքներ տանելու համար։ 2000 թվականից սկսած այդ տարածքներում ականազերծում է իրականացնում բրիտանական «Հալո Թրաստ» կազմակերպությունը։
Կազմակերպության սակրավորները Երևանում ցուցադրական ականազերծում էին անում՝ ներկայացնելու համար իրենց բարդ ու վտանգավոր աշխատանքը։ Բայց երևանյան այգու հարթ ու անվտանգ խոտածածկի փոխարեն նրանք հիմնականում ստիպված են լինում գործել զառիթափ լանջերին ու անտառային տեղանքներում։
«Մեծ մասը մաքրել ենք, բայց այս պահին դեռ անում ենք հետազոտական աշխատանքներ, որպեսզի ավելի կոնկրետ կարողանանք ասել՝ քանի ականադաշտ է մնացել և ինչքան կտևի այդ դաշտերը մաքրելը»,- ShantNews.am-ի հետ զրույցում նշեց Արցախում «Հալո Թրաստի» աշխատանքների համակարգող Ամասիա Զարգարյանը։
Ականադաշտերը, նրա խոսքերով, տարածված են Արցախի գրեթե բոլոր շրջաններում։ Կազմակերպության սակրավորներն ականազերծում են այդ բոլոր տարածքները, բացի շփման գծի մոտ տեղակայված ականադաշտերից։
Կազմակերպությունը գործում է դոնոր պետությունների ֆինանսավորմամբ, և Ադրբեջանի ջանքերով այդ դոնորներից մեկը ժամանակին հրաժարվել էր ֆինանսավորել նախկին ԼՂԻՄ-ի սահմաններից դուրս ականազերծման աշխատանքները։ Այդտեղի բնակավայրերի հարևանությամբ եղած ականադաշտերը մաքրելու համար «Հալո Թրաստն» ապավինում է մասնավոր հանգանակություններին։
2016 թվականին կազմակերպությունը ստիպված էր մաքրել նախկինում արդեն մեկ անգամ ստուգված տարածքները։ Ապրիլյան պատերազմի ընթացքում ադրբեջանական բանակը հրետակոծել էր հայկական գյուղեր, և զինամթերքի չպայթած մասերը մեծ վտանգ էին այդտեղի բնակիչների համար։
«2016 թվականի Ապրիլյան պատերազմից հետո մենք գտել և մաքրել ենք կլաստերային (կասետային) ռումբերը Մարտակերտի շրջանում և Հադրութի շրջանում … Մարտակերտի շրջանում շատ մոտիկ էին և կարելի է ասել՝ հենց բնակավայրերում էին՝ Մոխրաթաղ և Վերին Հոռաթաղ գյուղերում։ Այնտեղ մենք մաքրել ենք 2016 թվականին»,- նշեց Ամասիա Զարգարյանը։
Rapid assessment of new #clustermunition strikes in #Karabakh has allowed HALO to establish the footprint (extent) pic.twitter.com/WxoG4RdtXz
— HALO NagornoKarabakh (@HALO_NK) May 6, 2016
Դեռ այն ժամանակ կազմակերպության ներկայացուցիչներն ահազանգել էին, որ կլաստերային ռումբերից մնացող պայթուցիկ մասերը խիստ վտանգավոր են բնակչության համար։ Դրանց կապված գույնզգույն ժապավենները կարող էին գրավել երեխաների ուշադրությունն ու անդառնալի հետևանքներ ունենալ:
“The village is surrounded by these dangerous bombs…" https://t.co/3v6o2uzeDX @Asbarez #Karabakh #clustermunitions pic.twitter.com/uycZn6VZJb
— The HALO Trust (@TheHALOTrust) April 19, 2016
HALO's assessment of new #clustermunition contamination is underway near Mokhratagh village, Martakert, #Karabakh pic.twitter.com/4paKHzKY1I
— HALO NagornoKarabakh (@HALO_NK) April 14, 2016
23:59 30.04.2025
Ստեփանծմինդա-Լարս ավտոճանապարհը բաց է
23:57 30.04.2025
ՀՀ տարածքում ավտոճանապարհները հիմնականում անցանելի են
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:49 30.04.2025
Հութիները հարվածներ են հասցրել Թել Ավիվում և Աշկելոնում իսրայելական թիրախներինԵմենի ապստամբ «Անսար Ալլահ» շարժման հութիները չորս անօդաչու թռչող սարքով հարված են հասցրել Թել Ավիվում և Աշկելոնում գտնվող իսրայելական թիրախներին։ Այս մասին հայտարարել է հութիների ռազմական խոսնակ Յահյա Սարիան։ «Եմենի զինված ուժերը կրկնակի գործողություն են իրականացրել՝ երեք «Յաֆա» անօդաչու թռչող սարքերով հարձակվելով օկուպացված Ջաֆա շրջանում գտնվող իսրայելական թշնամու կարևոր ռազմական օբյեկտների վրա, ինչպես նաև մեկ […] ...
23:43 30.04.2025
Փարպի գյուղում բեռնատարը տապալել էր գազախողովակը, վարորդը դիմել էր փախուստիԱպրիլի 30-ին, արտակարգ իրավիճակ է ստեղծվել Արագածոտնի մարզում։ Ժամը 18։40-ի սահմաններում Երևան-Վանաձոր M3 ավտոճանապարհին՝ Փարպի գյուղի վարչական տարածքում բեռնատար ավտոմեքենան բախվել է գազատար խողովակին, ինչի հետևանքով այն ընկել է և ամբողջությամբ փակել ճանապարհի երթևեկելի գոտին։ Ինչպես հայտնում է shamshyan.com-ը, բեռնատարի վարորդը դեպքի վայրից դիմել է փախուստի։ Մինչ գազի աշխատակիցները վթարն էին վերականգնում, պարեկները՝ գումարտակի հրամանատար […] ...
