21:00 24.06.2022
Բենիամինի հնավայրում պեղումներ են: Աշխատանքների վերսկսումը պայմանավորված է «Հյուսիս-հարավ» մայրուղու շինարարությամբ, ըստ նախագծի, ճանապարհի մի հատվածն անցնելու է հնավայրի տարածքով: Բենիամինի հնավայրը զբաղեցնում է մոտ 100 հեկտար տարածք: Ներկայի գյուղը ևս կառուցված է հնավայրի վրա: Տասնամյակներ առաջ իրականացված պեղումների ընթացքում պարզվել է, որ հնավայր-բնակավայրը բացառիկ նշանակություն ունի՝ իր եզակի ու շատ արժեքավոր գտածոներով։
«Հայաստանի ամենակարևոր և ոչ միայն Հայաստանի, այլ նաև Անդրկովկասի ամենակարևոր հուշարձաններից մեկն է և հիմնավորված կարծիքով, սա արքայապատկան դաստակերտ է, որը եղել է Երվանդունյան ժամանակաշրջանից Շիրակի ադմինիստրատիվ կենտրոնը, որովհետև մենք այստեղ երկու պալատական շենքեր ունենք պեղված»,- նշում է արշավախմբի ղեկավար Համազասպ Խաչատրյանը։
Բենիամինի հնավայրում վերջին անգամ, 20 տարի առաջ, հնագետները պեղումներ էին կատարել տարածքում իրականացվող մայր ջրատարի կառուցման պատրվակով։ Հիմա նորից պեղումներ են շինարարական մեծ ծրագրի հանգամանքով՝ «Հյուսիս-հարավ» ճանապարհի կառուցումը հասել է այս տարածքին։ Ըստ նախագծի, ճանապարհի մի հատվածն անցնում է հնավայրով: Մշակութային շերտերը չվնասելու համար որոշվել է մասնագիտական ուսումնասիրություններ կատարել:
Մինչ բուն հնավայրի տարածք հասնելը, արշավախմբը փորձում է պարզել՝ ճանապարհի լայնացվող հատվածներում կա՞ն արդյոք արժեքավոր մշակութային շերտեր: Ճամփեզրերին փորվում են հետախուզական հորեր, գիտաշխատողներն ու հնագետները ուսումնասիրում են տեղանքի կառուցվածքն ու բացված հողային շերտերը:
Հետախուզական հորերում որոշ գտածոներ հայտնաբերվել են, ինչն էլ տարածքը ընդլայնելու կամ հողաշերտը խորացնելու առիթ է տվել: Բուն հնավայրի տարածքում արդեն բացվել են մի քանի կացարաններ, որոնք առանձնահատուկ են իրենց պատերի շարվածքով ու մշակված քարերի դիրքով:
«Տեսնում եք՝ ինքը ահագին մեծ քառակուսի է, ահագին մեծ կացարան։ Կենտրոնական մասերում խարիսխներ կան, ենթադրաբար խարիսխներ են, որոնք բացվել են պեղումների ընթացքում։ Սրանց վրա հավանաբար փայտից սյուներ են դրվել, իսկ էդ սյուների վրա ծածկ է կապված եղել»,-բացատրում է Շիրակի երկրագիտական թանգարանի գիտաշխատող Հովհաննես Աղիկյանը։
Թե ինչ նպատակով են օգտագործվել բացված կացարանները, կբացահայտվեն հայտնաբերված գտածոների ու խեցեղենի ուսումնասիրություններով։ Հնագետները կացարաններից մեկում հայտնաբերել են նաև երկանքի քարի մնացորդներ:
Հնավայրի տարածքից հայտնաբերվել են կենդանական ծագման ոսկորներ ևս։ Ոսկորները կարող են շատ տեղեկություններ փոխանցել տարածքի ու կացարանների կիրառական նշանակության մասին:
Պեղումները սկսվում են առավոտից ու շարունակվում մինչ երեկո: Հետախուզական հորերի ու բացված կացարանների հողաշերտերի ուսումնասիությունից էլ կախված կլինի ճանապարհի կառուցման հետագա ընթացքը: Մշակութային արժեքավոր գտածոներ հայտնաբերելու դեպքում հնարավոր են նաև նախագծային որոշ փոփոխություններ:
Հնավայրում պեղումները կավարտվեն օգոստոսին, որից հետո բացված կացարաններն ու հայտնաբերված գտածոները կենթարկվեն մասնագիտական ուսումնասիրությունների: Աշխատանքների ավարտից հետո պեղված տարածքն ամբողջությամբ կչափագրվի ու կփաստաթղթավորվի, կախված ճանապարհի ուղեգծից, հնարավոր է հնավայրի որոշ հատվածներ ենթարկվեն կոնսերվացման:
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
