19:39 15.07.2022
2022-ի սուբվենցիոն ծրագրով Գյումրիում հիմնանորոգման է ենթակա 22 փողոց, որի ընդհանուր երկարությունը 8 կմ է։ Այն ծավալային առումով, համեմատ փողոցների քանակի, մեծ չէ, նորոգումների ամբողջական մակերեսը հաշվարկվել է 100 հազար քմ։ 22 փողոցից առայժմ աշխատանքները սկսված են Ղարիբջանյան, Մյասնիկյան, Մեքենավարների և Կիրովականյան փողոցներում, չնայած որ բոլոր շինմրցույթներն ավարտված են, ընկերությունները հայտնի են:
Մեկնարկից սկսած հաստատվում են նաև հիմնանորոգումների ավարտի ժամկետները, բայց խախտումներ դրանցում ամեն տարի լինում են, որոնց արդյունքում նաև 2021-ի սուբվենցիոն փողոցաշինական ծրագրերից անավարտները հիմա են շարունակվում։
Կիրովականյան փողոցը այս տարվա ծրագրով հիմնանորոգվողներից է, անցնում է սեփական տներով խիտ բնակեցված թաղամասով: Այն ժամանակին եղել է նաև մի քանի արդյունաբերական ընկերություններն իրար կապող փողոց։ Ավելի քան 40 տարի, թեկուզ հարթեցման տարբերակով, փողոցը չի բարեկարգվել, թեև դարձյալ մնում է ինտենսիվ երթևեկելի։ Միայն հողաշերտով մնացած փողոցում, եթե տեղումներ էլ չկան, մշտապես ջրափոսեր են։ Մաշված կոյուղագծերի վթարներն են պատճառը։ 10 օր է՝ Կիրովականյան փողոցում շինտեխնիկա է աշխատում։ Շինարարը հեռացնում է փողոցի գրունտային շերտը: 4371 քմ մակերես՝ փողոցով ու մայթերով՝ նորոգվելու, ասֆալտապատվելու է։
Հիմնանորոգման ընթացքում ստորգետնյա կոմունիկացիաների նորացում շինարարը կատարելու է անհրաժեշտության դեպքում, հիմնականում վերաբերում է կոյուղատար ու ջրատար խողովակների փոխարինման աշխատանքներին, բայց նախագծով ջրահեռացման ցանցի կառուցում նախատեսված չէ։ Այս տարվա սուբվենցիոն ծրագրում ընդգրկված ոչ բոլոր փողոցներում են անցկացվելու նոր ջրահեռացման փակ համակարգեր։
Դեռ մեկնարկային փուլում չեն ՎԶԵԲ-ի և համաշխարհային բանկի փողոցաշինական ծրագրերը։ Խոսքը Սլաբոտկա և Անի թաղամասերի փողոցներին է վերաբերում։ Ջրամատակարարման ցանցի նորացման ծրագիրը Անի թաղամասում ավարտված է, բայց փողոցների ասֆալտապատման լայնածավալ ծրագիրը հավանաբար այս տարի էլ չի մեկնարկի։
«Անի թաղամասը մեր ամենացավոտ կետերից մեկն է փողոցաշինության մասով։ Թաղամասի 3-րդ և 11-րդ փողոցները ընդգրկված են այս տարվա սուբվենցիոն ծրագրում, իսկ մյուս փողոցները կհիմնանորոգվեն ՎԶԵԲ-ի միջոցներով։ Կսպասենք, գարնանը կսկսվեն աշխատանքները, այս շրջանում թղթաբանության բոլոր փուլերը կավարտենք և միայն դրանից հետո կսկսվի փողոցների հիմնանորոգումը։ Մենք կփորձենք խիճով, ժամանակավոր ինչ-որ լուծումներով կարգավորել խնդիրը, որ թաղամասի բնակիչների համար փողոցներն անցանելի լինեն»,- նշում է Գյումրիի քաղաքապետ Վարդգես Սամսոնյանը։
Փողոցների հիմնանորոգումներից հետո նախատեսվում է գործարկել քաղաքի նոր երթուղային ցանցը, թեև դրանից կախված չէ նոր միկրոավտոբուսների շահագործումը, որը դարձյալ խոստացած փուլային տարբերակով ևս դեռ չի իրականացվում։ Պարզվում է՝ միկրոավտոբուսների տեխնիկական խնդիրներ ասվածը դեղին համարանիշների հետ է կապվում։
Քաղաքապետն էլ հստակ ժամկետներ չունի, թե երբ միկրոավտոբուսներն ի վերջո կսպասարկեն քաղաքի ուղևորատար տրանսպորտը, որը մեկ տարուց ավելի բաց տարածքում կայանելուց հետո նոր տեղափոխվեցին ավտոբուսային նոր պարկ։
10:11 16.06.2025
Հրդեհ բեռնատար ավտոմեքենայումՀունիսի 16-ին, ժամը 04:27-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մեղրի-Քաջարան ավտոճանապարհի 48-րդ կմ-ին տեղի է ունեցել ՃՏՊ. բեռնատար ավտոմեքենան բախվել է ժայռին և բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհը մեկուսացվել է ժամը 06:15-ին, մարվել՝ 07:05-ին: Այրվել է «Daf» մակնիշի բեռնատարը (բեռնված […] ...
10:00 16.06.2025
Այրվել է ավտոմեքենաՀունիսի 15-ին, ժամը 21:28-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ-Երևան ավտոճանապարհին այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է «Chevrolet» մակնիշի ավտոմեքենայում։ Հրդեհը մեկուսացվել է ժամը 22:04-ին, մարվել՝ 22:32-ին: Այրվել է ավտոմեքենան։ ...
09:42 16.06.2025
Սպիտակ տուն. Թրամփը Զելենսկու հետ կհանդիպի Կանադայում կայանալիք G7 գագաթնաժողովի շրջանակներումԱՄՆ նախագահ Դոնալդ Թրամփը երկկողմ հանդիպումներ կունենա Վլադիմիր Զելենսկու, Մեքսիկայի նախագահ Կլաուդիա Շեյնբաումի և Կանադայի վարչապետ Մարկ Քարնիի հետ Կանադայում կայանալիք G7 գագաթնաժողովի շրջանակներում: Կիրակի օրը լրագրողներին հայտնել է Սպիտակ տան պաշտոնյան, նրա խոսքերը մեջբերել է Վաշինգտոնի վարչակազմի ղեկավարի մամուլի ծառայությունը: Թրամփը Կանադա է ժամանել ավելի վաղ։ G7 գագաթնաժողովը (Միացյալ Թագավորություն, Գերմանիա, Իտալիա, Կանադա, ԱՄՆ, […] ...
09:25 16.06.2025
Նեթանյահուն պնդում է, թե Իրանը ցանկանում էր սպանել Թրամփին միջուկային ծրագրի պատճառովԹեհրանը ԱՄՆ նախագահ Դոնալդ Թրամփին համարում է իր գլխավոր թշնամին և պլանավորել է սպանել նրան, քանի որ ամերիկացի առաջնորդը դեմ է Իրանի միջուկային ծրագրին: Այս հայտարարությունն արել է Իսրայելի վարչապետ Բենիամին Նեթանյահուն: «Իրանը փորձել է սպանել Թրամփին իրենց լիազորված ուժերի միջոցով։ Այո՛, նրանք ուզում են սպանել նրան։ Նա նրանց թիվ մեկ թշնամին է, նա վճռական […] ...
09:00 16.06.2025
Իրանի վրա Իսրայելի երեք հարձակումների հետևանքով զոհվել է ավելի քան 70 կին և երեխաԻրանի վրա Իսրայելի կողմից իրականացված երեք հարձակումների հետևանքով զոհվել է ավելի քան 70 կին և երեխա, հայտարարել է Իրանի արտաքին գործերի նախարարության խոսնակ Էսմայիլ Բաղային։ «Իր քարոզչության մեջ Իսրայելի ագրեսոր ռեժիմը ձևացնում է, թե իր հարձակումները կատարվում են ճշգրիտ և առանց բնակելի տարածքների վրա հարձակվելու, սակայն ճշմարտությունն այլ է։ Ավելի քան 70 կին և երեխա […] ...
08:30 16.06.2025
Իրանի միջուկային օբյեկտում ստորգետնյա ցնցումներ են գրանցվել2.5 մագնիտուդով ցնցումներ են գրանցվել Իրանի կենտրոնական մասում գտնվող Ղոմ նահանգում՝ Ֆորդոյի միջուկային օբյեկտի տարածքում, հայտնում է Իրանի սեյսմոլոգիական կենտրոնը։ Տեղեկատվությունը հայտնվել է կենտրոնի պաշտոնական կայքում։ Ստորգետնյա ցնցումները գրանցվել են հունիսի 15-ին՝ տեղական ժամանակով ժամը 23:35-ին, գետնի տակ 10 կիլոմետր խորության վրա։ ...
