20:00 07.08.2018
ՀՀ փոխվարչապետ Տիգրան Ավինյանի կարծիքով՝ հանքարդյունաբերության խնդիրներն ուսումնասիրելիս ամենակարևորը արդարության հարցն է, այսինքն՝ պետք է դիտարկել, թե Կառավարության այս կամ այն որոշումը որքանով արդարացի կլինի տարբեր շահառուների համար՝ և՛ հասարակության ներկայացուցիչների, որ պայքարում են հանքերի դեմ, և՛ տնտեսվարողների: Այս մասին «Ազատության» ֆեյսբուքյան ասուլիսի ժամանակ նշեց փոխվարչապետը:
«Բնականաբար, չենք կարող թույլ տալ՝ հանք շահագործվի, որն աղետաբեր հետևանքներ կունենա մեր ջրերի, առողջության, մեր սերունդների կենսամիջավայրի համար, այսինքն՝ սա հենց այն տրամաբանությունն է, որից մենք բխում ենք, բայց սա պետք է լինի շատ փաստարկված, մենք չենք կարող խոսել էմոցիաների դաշտում, պետք է ունենանք կոնկրետ փաստեր, որ այս իրողությունը տեղի է ունենալու: Կարող ենք իրավական դաշտը մի կողմ դնել և ռիսկի տեսանկյունից դիտարկել, բայց բանականության դաշտից պետք է դուրս չգանք»,- ասաց նա:
Ավինյանը նշեց, որ իրեն հետաքրքիր է փորձագետների կարծիքը, տեղեկացրեց, որ «Լիդիան»-ի մասով աշխատանքային խումբ են ձևավորել, որտեղ նաև միջազգային փորձագետների են ներառել, և ենթադրում է, որ արդեն մյուս շաբաթ այս խումբը կսկսի աշխատանքներն ու կտա իր եզրակացությունը:
«Մենք պետք է այս մասով էմոցիաները մի կողմ դնենք, մնանք փաստարկների դաշտում. եթե կլինի մի փոքր հավանականություն, որ կա վտանգ մեր ջրերին, որևէ բան չի կարող խանգարել, որ շահագործումը դադարեցվի, բայց գուցե կան նախապայմաններ, որ պետք է այդ ընկերությունն ապահովի ռիսկերից ազատվելու համար: Փորձագիտական մակարդակով դեռ որևէ հիմնավոր փաստարկ չեմ լսել: Այն փորձագետները, որոնք այս գործընթացի մեջ եղել են, ներկայացրել են իրենց կարծիքները, որոնք միանշանակ չեն. չկա այդ միանշանակ գնահատականը, անգամ այն փորձագետները, որոնց հրավիրել էին բնապահպանական ակտիվի ներկայացուցիչները, ասացին՝ որոշակի նախապայմանների ապահովման դեպքում հանքը կարող է շահագործվել»,- ասաց նա՝ հավելելով, որ իրենց պետք է հենց այդ համապարփակ գնահատականը:
Փոխվարչապետը նշեց, որ այս փուլում իրենք բոլոր մետաղական հանքերի հետ կապված որոշակի վերապահումներ ունեն, ապա շեշտեց՝ գաղտնիք չէ, որ մետաղական հանքերը մեր երկրում շահագործվել են բնապահպանական նորմերի խախտմամբ, եթե ոչ՝ կոպիտ խախտմամբ, ու քանի դեռ շահագործողների հարցը հիմնավոր կերպով չեն լուծել, նոր հանքերի շահագործումը նպատակահարմար չեն համարում:
«Հուսով եմ՝ հանքարդյունաբերողները հասկանում են, որ իրավիճակ է փոխվել, և հին ձևով շարունակվել չի կարող, իրենք որոշ հարցեր պիտի վերանայեն, մենք՝ օրենսդրությունը, քանի որ այդտեղ կան լրջագույն բացեր: Հայաստանի բնապահպանական ոլորտը պետք է ունենա իր տեղը, մենք չպետք է մոռանանք բնապահպանական ռիսկերի մասին»,- նշեց փոխվարչապետը:
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
20:10 02.08.2025
Օբամեյանգը վերադարձել է «Մարսել»Գաբոնցի հարձակվող Պիեռ-Էմերիկ Օբամեյանգը մեկ տարի Սաուդյան Արաբիայի «Ալ Քադիսիայում» անցկացնելուց հետո ազատ գործակալի կարգավիճակում վերադարձել է ֆրանսիական «Մարսել»։ Այս մասին հաղորդում է ակումբի մամուլի ծառայությունը: 36-ամյա ֆուտբոլիստի հետ ստորագրվել է երկու տարվա պայմանագիր: Օբամեյանգը ֆրանսիական ակումբում խաղացել էր 2023/2024 մրցաշրջանում: ...
