18:10 11.11.2022
ՀՀ ԿԳՄՍ նախարարության դրամաշնորհային աջակցությամբ «Բի Էս Սի» բիզնեսի աջակցման կենտրոնն իրականացրել է «Երիտասարդ կամավորներ» դասընթացների և խորհրդատվության անցկացման ծրագիրը՝ խթանելու երիտասարդական աշխատանքն ու կամավորությունը:
Այսօր տեղի է ունեցել ծրագրի ամփոփիչ միջոցառումը, որին ներկա է եղել ՀՀ ԿԳՄՍ նախարարի տեղակալ Արթուր Մարտիրոսյանը:
Ա. Մարտիրոսյանը ողջունել է երիտասարդներին և անդրադարձել երիտասարդության քաղաքականության ոլորտում գերատեսչության իրականացրած ծրագրերին՝ մատնանշելով դրանց կարևորությունը ոլորտի կայացման գործում:
«Պետության, համայնքի, միջավայրի իրականությունը փոխակերպելու համար շատ ջանքեր են պահանջվում, իսկ կամավորությունը, վստա՛հ եղեք, ճանապարհներից մեկն է: Ցանկացած ոլորտում կամավորական գործունեություն ծավալելով, պատասխանատու և սրտացավ քաղաքացի լինելով՝ կարող ենք մեր ներդրումն ունենալ՝ ի նպաստ մեր համայնքի, մարզի, պետության վաղվա օրվա»,- ասել է Արթուր Մարտիրոսյանը:
«Երիտասարդ կամավորներ» ծրագիրը նախատեսված է Երևանի և մարզերի 16-35 տարեկան այն երիտասարդների համար, որոնք ցանկանում են զբաղվել երիտասարդական աշխատանքով, կամավորությամբ:
Ծրագրին մասնակցելու հայտ են ներկայացրել 127 երիտասարդ, որոնցից մոտիվացիոն նամակների և հարցազրույցների հիման վրա ընտրվել են 34-ը՝ թե՛ Երևանից, թե՛ մարզերից, թե՛ Արցախից: Դասընթացներն իրականացվել են օգոստոս-սեպտեմբեր ամիսներին՝ 30 ժամ տևողությամբ։ Դրանց 40 %-ն ուղղված էր կամավորությանը, իսկ 60-ը՝ փափուկ հմտությունների զարգացմանը։
Երիտասարդներն ընձեռած հնարավորության համար շնորհակալություն են հայտնել ԿԳՄՍ նախարարությանը և ծրագիրն իրականացրած կազմակերպությանը: Նրանք նշել են, որ կշարունակեն զբաղվել կամավորությամբ և կիրառել ձեռք բերած հմտությունները:
Դասընթացները բաղկացած են եղել և՛ տեսական, և՛ գործնական հանդիպումներից։ Մասնակիցները, բացի տեսական գիտելիքից, ձեռք են բերել պրակտիկ հմտություններ, սովորել են տիրապետել այնպիսի գործիքների և հմտությունների, որոնք կարևոր են իրավագիտակից քաղաքացի լինելու և աշխատանքային շուկա մուտք գործելու համար։
Մասնակիցներն այցելել են մի շարք կազմակերպություններ, ծանոթացել առկա կամավորական աշխատանքների հնարավորություններին, իրականացրել փորձի փոխանակում երկարամյա փորձառություն ունեցող կամավորականների հետ։ Նրանք ձեռք բերած գիտելիքների և հմտությունների հիման վրա ներգրավվել են տարբեր ընկերություններում առկա կամավորական աշխատանքներում:
Ամփոփիչ միջոցառումն ուղեկցվել է կամավորական գործունությանը նվիրված պանելային քննարկմամբ: Երիտասարդներին հանձնվել են հավաստագրեր:
15:00 06.07.2025
Թիվ 31 երթուղին սպասարկող «Zhongtong» ավտոբուսը բախվել է բետոնե եզրաքարին ու երկաթե էլեկտրասյանը. կան տուժածներԱյսօր՝ հունիսի 6-ին, ավտովթար է տեղի ունեցել Երևանում։ Ժամը 09:00-ի սահմաններում Երևանի քաղաքապետարանի հաշվեկշռում հաշվառված թիվ 31 երթուղին սպասարկող «Zhongtong» ավտոբուսը Մյասնիկյան պողոտայից դեպի Գայի պողոտա ընթանալիս՝ Գայի պողոտայի սկզբնամասում, դեռևս անհայտ հանգամանքներում, բախվել է բետոնե եզրաքարին, ապա երկաթե էլեկտրասյանը։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինն օգնության […] ...
14:33 06.07.2025
Եթե վիզա ստանալիս ստել եք, սահմանված ժամկետից երկար եք մնացել ԱՄՆ-ում, ապա դա կարող է հանգեցնել վիզա ստանալու մշտական արգելքի․ դեսպանությունԵթե վիզա ստանալիս ստել եք, աշխատել եք առանց համապատասխան թույլտվության կամ վիզայով սահմանված ժամկետից երկար եք մնացել ԱՄՆ-ում, ապա դա կարող է հանգեցնել արտաքսման կամ ապագայում ԱՄՆ վիզա ստանալու մշտական արգելքի։ Այս մասին հայտնում են ՀՀ- ...
14:10 06.07.2025
Արևածագի ձոր կոչվող տարածքում երկու ավտոմեքենա արգելափակվել էր ցեխակույտում և չէր կարողանում ինքնուրույն դուրս գալՀուլիսի 6-ին, ժամը 07։14-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արևածագի ձոր կոչվող տարածքում երկու ավտոմեքենա արգելափակվել են ցեխակույտում և չեն կարողանում ինքնուրույն դուրս գալ․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Փրկարարներն արգելափակումից դուրս են բերել «Opel» և […] ...
13:47 06.07.2025
Ճապոնիայում 5.4 մագնիտուդ երկրաշարժ է տեղի ունեցելՃապոնիայի հարավ-արևմուտքում գրանցվել է 5,4 մագնիտուդով երկրաշարժ, հայտնում է երկրի Ազգային օդերևութաբանական վարչությունը։ Էպիկենտրոնը գտնվել է համանուն կղզու Տոշիմա գյուղի մոտակայքում։ Էպիկենտրոնը գտնվել է 20 կմ խորության վրա։ Զոհերի կամ ավերածությունների մասին տեղեկություններ չեն եղել: Ցունամիի վտանգի մասին նախազգուշացում չի տրվել: ...
13:25 06.07.2025
Մասկը հայտարարել է «Ամերիկայի կուսակցություն» ստեղծելու մասինՄիլիարդատեր ձեռնարկատեր Իլոն Մասկը հայտարարել է, որ Միացյալ Նահանգներում ստեղծել է նոր քաղաքական կուսակցություն՝ «Ամերիկայի կուսակցություն»։ «Այսօր «Ամերիկայի կուսակցությունը» ստեղծվել է ազատությունը ձեզ վերադարձնելու համար», – գրել է նա X սոցիալական ցանցում։ Մասկը նշել է, որ կուսակցության ստեղծումը պայմանավորված է նրանով, որ այսօր Միացյալ Նահանգները ապրում է «սնանկության պայմաններում՝ վատնումների և կաշառակերության պատճառով, միակուսակցական համակարգում, […] ...
13:02 06.07.2025
ՀՀ ԱԳ նախարարությունը ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և տուժածներինՀՀ ԱԳ նախարարությունը ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և տուժածներին։ Այս մասին նշված է X-ում հրապարակված ՀՀ ԱԳՆ ուղերձում։ «Խորապես վշտացած ենք Տեխասում տեղի ունեցած ավերիչ ջրհեղեղի լուրից, որը բազմաթիվ կյանքեր է խլել։ Մեր խորին ցավակցությունն ենք հայտնում զոհերի ընտանիքներին և բոլոր տուժածներին: Հույս ենք հայտնում, որ նրանք, ովքեր համարվում […] ...
