15:15 12.12.2022
Հայաստանի ամերիկյան համալսարանում մեկնարկել է «ԳիտՍԵՐունդ» ծրագրի 4-րդ տարվա «Ինտեգրում» խորագիրը կրող փուլը:
Միջոցառմանը մասնակցել է նաև ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը, որն իր խոսքում կարևորել է ծրագիրը և գոհունակություն հայտնել կրթության ոլորտում ձևավորված համագործակցության և արդյունավետ աշխատանքի վերաբերյալ:
«ԳիտՍԵՐունդ»-ը գիտության, տեխնոլոգիայի, ճարտարագիտության և մաթեմատիկայի (ԳՏՃՄ) ոլորտի կրթական ծրագիր է, որն ուղղված է տվյալ առարկաների նկատմամբ աշակերտների հետաքրքրվածությունը և դասավանդման որակը բարձրացնելուն:
«Ծրագրի իրականացման ընթացքում բավականին մեծ ծավալի աշխատանք է արվել ներգրավված բոլոր մասնակիցների կողմից, որոնք կարողացել են մեծապես նպաստել, բարելավել ու հնարավորություն ընձեռել մեր մյուս դպրոցների ուսուցիչներին ու աշակերտներին օգտվելու ստեղծված նյութերից, փորձառությունից ու մոտեցումներից: Այսինքն՝ գրանցված ցանկացած արդյունք դուրս է գալիս կոնկրետ դպրոցի պատերից՝ դառնալով հանրային բարիք»,- նշել է նախարարի տեղակալը:
Միջոցառման ընթացքում Ժաննա Անդրեասյանը պատասխանել է նաև ներկաներին հետաքրքրող մի շարք հարցերի:
Ողջույնի խոսքով են հանդես եկել նաև Հայաստանում ամերիկյան համալսարանի նախագահի ժամանակավոր պաշտոնակատար Արմեն Տեր-Կյուրեղյանը, ՀՀ-ում ԱՄՆ դեսպանության հանրային դիվանագիտության գրասենյակի տնօրեն Ջեն ՄակԷնդյուն, ԿԶՆԱԿ-ի տնօրենի ժամանակավոր պաշտոնակատար Արտաշես Թորոսյանը: «ԳիտՍԵՐունդ» ծրագրի ձեռքբերումներն ու հաջորդ տարվա անելիքներն է ներկայացրել ծրագրի ղեկավար Արթուր Խալաթյանը:
««ԳիտՍԵՐունդ»-ի 4-րդ տարվա գլխավոր նպատակն է ինտեգրել ծրագրի ռեսուրսների ստեղծման, ուսուցիչների վերապատրաստման և արդյունքների գնահատման գործընթացները, գործիքներն ու համակարգերը պետական կառույցների կողմից կիրառվող կրթական ոլորտի կառավարման, ուսուցիչների վերապատրաստման և դասավանդման որակի բարձրացման ու վերահսկման գործընթացներին: Այս փուլում ծրագիրն աշխատելու է ԿԶՆԱԿ-ի, ԿՏԱԿ-ի, ՀՊՄՀ-ի և ԳԹԿ-ի փորձագետների ու գիտաշխատողների հետ»,- ասել է Արթուր Խալաթյանը և հավելել, որ այս տարվա ծրագրի կարևոր մաս են կազմում հանրակրթության պետական նոր չափորոշիչների, այդ թվում՝ ԲՏՃՄ առարկայական չափորոշիչների և օրինակելի ծրագրերում ներառված վերջնարդյունքներին համապատասխան ուսումնառության ընթացիկ գնահատման գործընթացի, ինչպես նաև թեմատիկ ու կիսամյակային քննական նյութերի ստեղծումը:
Հիշեցնենք, որ «ԳիտՍԵՐունդ»-ը մեկնարկել է 2019 թ.: Հետագա երեք տարիների ընթացքում ծրագրի շուրջ 100 ուսուցիչներ մշակել են 1800 ԲՏՃՄ դասապրոցես «Ֆիզիկա», «Քիմիա», «Կենսաբանություն», «Մաթեմատիկա», ինչպես նաև թվային և համակարգչային գիտությունների առարկաների համար: Դասավանդման ծրագրերը փորձարկվել են ՀՀ բոլոր մարզերում, ինչպես առցանց, այնպես էլ առկա ձևաչափով անցկացվող առարկաների շրջանակում: Փորձարկումներին մասնակցել են ավելի քան 300 ուսուցիչ և շուրջ 2500 աշակերտ:
23:59 06.07.2025
BRICS-ի առաջնորդները կոչ են արել Իսրայելին դուրս բերել զորքերը ՍիրիայիցՌիո դե Ժանեյրոյում կայացած գագաթնաժողովից հետո ընդունված հայտարարության մեջ BRICS պետությունների ղեկավարները վերահաստատեցին իրենց հավատարմությունը Սիրիայի անկախությանը, ինքնիշխանությանը և տարածքային ամբողջականությանը և կոչ արեցին Իսրայելին դուրս բերել իր զորքերը երկրից։ «Մենք վերահաստատում ենք մեր հավատարմությունը Սիրիայի ինքնիշխանությանը, անկախությանը, միասնությանը և տարածքային ամբողջականությանը»,-ասվում է հռչակագրում։ Տեքստում նաև կոչ է արվում Իսրայելին անհապաղ դուրս բերել իր զորքերը […] ...
23:40 06.07.2025
Եգիպտոսի վարչապետը կոչ է արել BRICS-ին առաջընթաց գրանցել ազգային արժույթներով հաշվարկների հարցումBRICS երկրները պետք է առաջընթաց գրանցեն ազգային արժույթներով հաշվարկների հարցում, հայտարարել է Եգիպտոսի վարչապետ Մոստաֆա Մադբուլին։ ԲՐԻԿՍ-ի տասնյոթերորդ գագաթնաժողովը տեղի է ունենում Ռիո դե Ժանեյրոյում հուլիսի 6-7-ը։ Բրազիլիա մեկնած ռուսական պատվիրակությունը գլխավորում էր Ռուսաստանի արտաքին գործերի նախարար Սերգեյ Լավրովը։ «Մենք պետք է առաջընթաց գրանցենք ազգային արժույթներով ֆինանսական հաշվարկներում՝ համապատասխան BRICS-ի միջսահմանային հաշվարկների նախաձեռնությանը, և ավելացնենք […] ...
23:18 06.07.2025
Բրազիլիայի նախագահը կոչ է արել ընդլայնել ՄԱԿ-ի Անվտանգության խորհուրդըԲրազիլիայի նախագահ Լուիս Ինասիո Լուլա դա Սիլվան կոչ է արել ընդլայնել ՄԱԿ-ի Անվտանգության խորհուրդը՝ որպես մշտական անդամներ ներառելով ասիական, աֆրիկյան և լատինաամերիկյան պետություններին։ «Մեր առջև ծառացած վստահության ճգնաժամը հաղթահարելու համար մենք պետք է խորապես փոխենք ՄԱԿ-ի Անվտանգության խորհուրդը։ Այն դարձնենք ավելի լեգիտիմ, ներկայացուցչական, արդյունավետ և ժողովրդավարական։ Ներառենք նոր մշտական անդամներ Ասիայից, Աֆրիկայից, Լատինական Ամերիկայից և […] ...
23:00 06.07.2025
Ըմբշամարտիկ Սարգիս Բեգոյանը՝ Եվրոպայի չեմպիոնԻտալիայում ընթացող մինչև 20 տարեկանների ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Սարգիս Բեգոյանը (61 կգ) նվաճեց ոսկե մեդալ։ Եզրափակիչ գոտեմարտում Բեգոյանը մրցեց Ռուսաստանի ներկայացուցչի՝ Ադլան Սայտիևի հետ։ Այս մասին տեղեկացնում է Հայաստանի ըմբշամարտի ֆեդերացիան: ...
22:40 06.07.2025
Անցած աշխատանքային շաբաթը Շրջակա միջավայրի նախարարության ենթակա կառույցներումՀՀ Շրջակա միջավայրի նախարարությունը ամփոփել է անցած աշխատանքային շաբաթը նախարարության ենթակա կառույցներում․ «Անցած աշխատանքային շաբաթը Շրջակա միջավայրի նախարարության ենթակա կառույցներում ՀՀ ՇՄՆ էկոպարեկային ծառայությունում Ծառայության պետ Վլադիմիր Կիրակոսյանի գլխավորած աշխատանքային խումբը մասնակցել է Սյունիքի մարզային վարչության Կապանի տեղամասում տեսուչների երդմնակալության հանդիսավոր արարողությանը: Աշխատանքային այցով եղել են Սյունիքի մարզպետարանում. կողմերը վերահաստատել են համագործակցության իրենց հանձնառությունը։ Կիրակոսյանը […] ...
22:20 06.07.2025
Պուտին. Լիբերալ գլոբալիզացիան սպառել է իր օգտակարությունը, մինչդեռ BRICS-ը աճ է ցույց տալիսԱրևմուտքի կողմից ձևավորված գլոբալիզացիայի լիբերալ մոդելը սպառել է իր օգտակարությունը, և գործարար գործունեության տեղափոխումը զարգացող երկրներ խթանում է հզոր տնտեսական աճ, այդ թվում՝ BRICS-ում: Սա նշել է Ռուսաստանի նախագահ Վլադիմիր Պուտինը՝ ասոցիացիայի գագաթնաժողովում տեսակապի միջոցով ելույթ ունենալով: «Գլոբալ տնտեսական կարգի փոփոխությունը շարունակում է թափ հավաքել։ Ամեն ինչ ցույց է տալիս, որ լիբերալ գլոբալացման մոդելը հնանում […] ...
